په‌یمانگه‌ی ته‌كنیكی خه‌بات Archives - Page 4 of 6

24کانونی یەکەم

دانانی بوتڵی ئاگرکوژێنەوە لە پەیمانگەکەمان

دوای رەزامەندی بەرێز (پ.د.ئیدریس محمد تاهێر هەرکی ) سەرۆکی زانکۆی پۆلیتەکنیکی هەولێر، لەسەر خەرج کردنی پارە لەسەر داهاتی پەیمانگەکەمان، بە مەبەستی کرین و پڕکردنەوەی بوتلی ئاگرکوژێنەوە بۆ پەیمانگەی تەکنیکی خەبات.

ئەمرۆ هۆبەی تەندروستی و سەلامەتی پەیمانگەکەمان هەڵسان بە دانانی بوتلی ئاگرکوژێنەوە بۆ بەشەناوخۆیی قوتابیان و گشت بەشە زانستیەکان و تاقیگەی کۆمپیوتەر و تاقیگەی کشتوکاڵی و هۆبەکان و بۆردی کارەبایی و مۆلیدەی پەیمانگە.

شیاوی باسە بوتلی ئاگر کوژێنەوەکان پێک هاتبوون لە هەموو جۆرەکانی (پاودەر و هیندەر و فووم و so2 ) کە ژمارەیان (34 ) دانە بوون .

21کانونی یەکەم

aqeel radi په‌یمانگه‌ی ته‌كنیكی خه‌بات

ئەنجامدانی گەشتێکی زانستی بۆ قوتابیان

ئەمڕۆ پێنجشەممە رێکەوتی 2023/12/21 پەیمانگاکەمان گەشتێکی زانستی بۆ قوتابیانی بەشی تەکنەلۆجیای زانیاری بەیانیان و ئێواران قوناغی یەکەم ئەنجامدا، لە وانەی (Computer Organization and Logic Design ) بۆ کۆلێژی تەکنەلۆجی هەولێر بەشی ئەندازیاری تەکنەلۆجیای زانیاری و گەیاندن، بە مەبەستی زیاتر شارەزابوونی قوتابیان لە ڕووی وانەی پڕاکتیکی لە تاقیگەکانی بەشی ناوبراو.

سوپاسی راگرایەتی کولێژی تەکنەلۆجی و سەرۆکایەتی بەشی ICTE دەکەین بۆ هاوکاری و پێشوازی کردنە.

20کانونی یەکەم

aqeel radi په‌یمانگه‌ی ته‌كنیكی خه‌بات

خولێکی تێنسی سەرمێز

پەیمانگەی تەکنیکی خەبات خولێکی تێنسی سەرمێز بۆ قوتابیان رێکدەخات

ئەمرۆ 19.12.2023 سێ شەممە لە پەیمانگەکەمان بە ئامادەبوونی بەرێز م.سۆران ذوالنون ڕاگر و م.هەژار ژارۆ بەرپرسی کارگێری پەیمانگەکەمان و بەرپرسی لێژنەی قوتابیان، هۆبەی چاڵاکییەکانی پەیمانگەکەمان هەڵسا بە کردنەوەی خولێکی تێنسی سەرمێز بۆ قوتابیانی پەیمانگە.

یاری کردنەوەی خوڵ لە نێوان قوتابی ایوب مستەفا و احمد مصلح بەرێوەچوو.

شیاوی باسە خولەکە پێکهاتووە لە 20 قوتابی، یارییەکانیش لە یانەی قوتابیان ڕۆژانە بەرێوەدەچێت.

20کانونی یەکەم

aqeel radi په‌یمانگه‌ی ته‌كنیكی خه‌بات

ڕۆژی ئـاڵای کوردستان بەرزڕاگیرا..

لەپەیمانگەی تەکنیکی خەبات، ڕۆژی ئـاڵای کوردستان بەرزڕاگیرا…

ئـەمڕۆ ۱۹-١٢-٢۰٢٣ بەئـامادەبونی بەرێز (م.سۆران ذوالنون) ڕاگری پەیمانگە و مامۆستاو فەرمانبەران و بەرپرسی لیژنەی قوتابیانی پەیمانگەکەمان و بەرێز (کوێستان احمد )قایمقامی قەزای خەبات و بەرێز عمید (کوردۆ سوارە ) و( یوسف شێخانی )کارگێر ناوچەی خەبات و مقدم (لانە لقمان )بەرپرسی نوسینگەی بەرەنگاربونەوەی توندوتیژی خێزانی خەبات و بەرپرسی شارەوانی خەبات، لەناو گۆڕەپانی پەیمانگەکەمان مەڕاسیمی رۆژى ئالا لەدەوامی بەیانیان و ئێواران بەرێوەچوو.

سەرەتا بەرێز م.سۆران ڕاگری پەیمانگەکەمان چەند پەیڤێکی بەم بۆنەیە پێشکەش بە ئـامادەبوان کرد و دواتر بەرپرسی لێژنەی قوتابیانی پەیمانگە ووتەیەکی پێشکەش کرد، دواتر قوتابیان بە شعر بۆ ئـاڵاو بەرزکردنەوەی ئـاڵای کوردستان لەناو گۆڕەپان دڵخۆشی خۆیان، کۆتاییان بە مەڕاسیمەکە ھێنا .