Category Archives: کۆلێژی تەکنیکی ئەندازیاری هەولێر

پەیامی پیرۆزبایی ڕاگری کۆلێژی تەکنیکی ئەندازیاری هەولێر

پەیامی پیرۆزبایی ڕاگری کۆلێژی تەکنیکی ئەندازیاری هەولێر بەڕێز پ.د. ئەیاد زەکی صابر، بەبۆنەی جەژنی نەتەوەیی کوردان…

بەبۆنەی هاتنی جەژنی نەورۆز و سەری ساڵی نوێی کوردی (٢٧٢٥) ،

بەناوی خۆم و ئەنجوومەنی کۆلێژ و ڕاگرایەتی کۆلێژەوە ، جوانترین پیرۆزباییتان ئاراستە دەکەم .

هیوادارین لە نەورۆزی ئەمساڵدا ، ئاسوودەیی زیاترو سەرکەوتنی باشتر بۆ هەموولایەک بەدیبێت و بەردەوامی کرانەوەی گوڵی بەهار و و ئارامی بۆ میللەتەکەمان فەراهەمبێت..

ساڵ ڕۆژی لەدایکبوونی[بارزانی نەمر]

ڕۆژی پێنج شەممە ڕێکەوتی ١٣ی٣ی٢٠٢٥ ، سەرۆکایەتی زانکۆی پۆلیتەکنیکی هەولێر بەسەرپەرشتی و ئامادەبوونی سەرۆکی زانکۆی پۆلیتەکنیکی هەولێر بەڕێز پ.د. ئیدریس محەممەد تاهیر هەرکی و بەئامادەبوونی هەریەک لە ڕاگری کۆلێژی تەکنیکی ئەندازیاری هەولێر بەڕێز پ.د. ئەیاد زەکی صابر و ڕاگری کۆلێژی تەکنیکی کارگێڕی هەولێر بەرێز پ.ی.د. موحسین شەریف شێروانی و بەرپرسی ناوچەی ئاسۆ – زانکۆ بەڕێز د. ئامانج برادۆستی ، لەگەڵ ژمارەیەک لە بەرپرسانی حزبی و حکومی لە کەمپی دووی زانکۆدا هەڵسان بە ڕواندنی 160 دارنەمام بەبۆنەی ساڵ ڕۆژی لەدایکبوونی[بارزانی نەمر]دا ، بەڕێز سەرۆکی زانکۆ یەکەم دارنەمامی ڕواندوو ، چاڵینجی بۆ سەرۆکایەتی زانکۆی سۆران کرد کە بۆ ژینگەپارێزی زیاتر و سەوزایی کەمپەسی زانکۆکان هەڵمەتی نەمام رواندن لە زانکۆی سۆران دەستپێبکەن تاوەکو نیشتیمان و کوردستانمان هەر ئاوادانتربێت…

بەسەرکردنەوەى هۆڵەکانی خوێندنی بەشەزانستییەکانی کۆلێژی تەکنیکی ئەندازیاری هەولێر

ڕۆژی پێنج شەممە ڕێکەوتی ١٣ی٣ی٢٠٢٥ ، سەرۆکی زانکۆی پۆلیتەکنیکی هەولێر بەڕێز پ.د. ئیدریس محەممەد تاهیر هەرکی بەئامادەبوونی ڕاگری کۆلێژی تەکنیکی ئەندازیاری هەولێر بەڕێز پ.د. ئەیاد زەکی صابر و بەیاوەری یاریدەدەری ڕاگری کۆلیژ بەرێز د. بازیان یونس محی الدین ، هۆڵەکانی خوێندنی بەشەزانستییەکانی کۆلێژی تەکنیکی ئەندازیاری هەولێریان بەسەرکردەوە ، بەڕێز سەرۆکی زانکۆ لەنزیکەوە پوختەی ساڵنامەی ئەکادیمی و بۆنەکانی ئازار و نەورۆزی بۆ قوتابییان ڕوونکردەوە کە یەکسانی لە پابەندبوون بە بەردەوامی قوتابیانی قۆناغی یەکەم بۆ جێبەجێکردنی ساڵنامەی ئەکادیمی زانکۆیی لەلایەن ڕاگرایەتی کۆلێژەوە بەرزنرخاند و پیرۆزبایی هەردوو جەژنی نەورۆز و ڕەمەزانی پیرۆزی لەقوتابیانی بەڕێز کردوو ، هیوای سەرکەوتنی هەمیشەیی و باشترینی بۆ خواستن …

بەربانگی یانزەم ڕۆژی ڕەمەزانی پیرۆز

ڕۆژی سێ شەممە رێکەوتی ١١ی٣ی٢٠٢٥ ، بەسەرپەرشتی و ئامادەبوونی ڕاگری کۆلێژی تەکنیکی ئەندازیاری هەولێر بەڕێز پ.د. ئەیاد زەکی صابر و بەیاوەری هەریەک لە یاریدەدەری ڕاگری کۆلێژ بەڕێز د.بازیان یونس محی الدین و بەڕێوەبەری کارگێڕی کۆلێژ بەرێز مامۆستا هێمن نیعمەت حوسێن ، میوانداری بەرپرسی ڕێکخراوی مامۆستایانی زانکۆی پۆلیتەکنیکی هەولێر بەرێز د.کۆڤان عومەر حەسەن بارزانی ، ئامادەبوونی بەڕێزان لە ئەنجوومەنی کۆلێژ و چەند مامۆستایەکی هەردوو بەشی میکانیک و وزە و بەشی ڕێگاوبان و نوێنەری گشتی قوتابیانی کۆلێژ بەڕێز بەیار هێمن ڕەشید ، بەربانگی یانزەم ڕۆژی ڕەمەزانی پیرۆزیان کردەوە لەگەڵ قوتابیانی بەشی ناخۆیی کوڕان و کچانی هەردوو بەشی میکانیک و وزە و بەشی ڕێگاوبان لە نادی کۆلێژی تەکنیکی ئەندازیاری هەولێر ، کە لەلایەن هەردوو سەرۆکایەتی بەشی میکانیک و وزە و بەشی ڕێگاوبان ڕێکخستنی بۆکرابوو….
شایانی باسە ئەم بەربانگە بۆ ڕەخساندنی کەش و هەوایەکی ئارامبوو بۆ قوتابیانی دەرەکی کە هەماهەنگی و پتەوبوونی گیانی تەبایی و بۆنەی ئایینی تێیدا بەرزرابگیرێ و وەک کۆبوونەوەیەکی کۆمەڵایەتی و ئایینی چەتری کۆکردنەوەی مامۆستایان و قوتابیان و فەرمانبەران بێت کە بەڕێز ڕاگری کۆلێژ پێشنوێژی نوێژی مەغریبی بۆ ئەنجامدان و ئامانج و مەبەستی خێروچاکەی بۆ هەمووانی ئامادەبوو دووپاتکردەوە ….
بەهیوای سەلامەتی و بەردەوامی ئەم بۆنە ئایینی و کۆمەڵایەتییانە لە دیدگەی بەڕێز ڕاگر خرایەڕوو کە وەک کەلتوورێکی ڕێک و پێک لە داهاتوودا بمێنێتەوە و گەشەی زیاتری پێبدرێ…