Category Archives: پەیمانگەی تەکنیکی مێرگەسۆر

پەیمانگەی تەکنیکی مێرگەسۆر رۆژی جیهانی پەرستاران بەرز رادەگرێت

رۆژی یەکشەممە رێکەوتی 2024/5/12، بە ئامادەبوونی راگری پەیمانگە د.طالب محمد شریف و مامۆستایان و فەرمانبەران و قوتابیان، هۆبەی دڵنیای جۆری پەیمانگە، هەڵسا بە سازدانی سیمینارێک بۆ بەڕێز م. نێرگز بایز مامۆستا لە بەشی پەرستاری لە پەیمانگەکەمان لەژێر ناونیشانی (رۆژی جیهانی پەرستاران).

لە سەرەتادا ڕاگری پەیمانگە لە وتارێکدا باسی لە رۆڵی پەرستاران لە رابردوو و ئێستا پێشمەرگە ئاسا لە بەرگریکردنی مرۆڤ وەسفیکرد و بە دڵی بواری پزیشکی تەندروستی دانا و ئەو بەرپرسیاریەتەی پەرستاران هەیانە وەک مامۆستا و دایک و دلۆڤانی ئەخلاقی پیشەی و مرۆڤایەتی بەرز نرخاند، وە قوتابیانی بەشی پەرستاری پێویستە درک بەم گرینگیە بکەن لە بۆ داهاتوویان کە ئەرکیان زۆر گرینگ و بە بەها وێنای کرد.

هەروەها پیرۆزبای ئەم رۆژەی لە پەرستارانی جیهان و کوردستان کرد بەتایبەتی دەڤەری بارزان- قەزای مێرگەسۆر و مامۆستایان وقوتابیانی بەشی پەرستاری.

سیمینارەکە باس لەمێژووی پەرستاری، و ئامانجی لە پەرستاری، رۆڵ و ئەرکی پەرستار، و چۆن ببین بە پەرستارێکی لێهاتوو کرا.
لە کۆتایدا راگری پەیمانگە سوپاس و پێزانینی بە دوو مامۆستای بەشی پەرستاری بەخشی.

ڕاگەیاندنی پەیمانگەی تەکنیکی مێرگەسۆر

راگری پەیمانگەی تەکنیکی مێرگەسۆر بەشداریکرد لە سیمپۆزمێ کۆلێژی تەکنیکی شقلاوە.

لەسەر بانگهێشتی کۆلێژی تەکنیکی شقلاوە و رێکخراوی IREXی ئەمریکی بە ئامادەبوونی بەرپرسانی حکومی و حزبی بەڕێز (د. طالب محمدشریف عمر) ڕاگری پەیمانگەی تەکنیکی مێرگەسۆر بەشداربوو وەک پانلیست لە سیمپۆزمی (ئالۆگۆری کلتوری بە شێوەی ئۆنلاین لە خوێندنی بالادا) کە لە لایەن کۆلێژی تەکنیکی شقلاوە رێکخرابوو کە بەرێزیان تیشکی خستە سەر گرنگی پرۆگرامی Virtual Exchange کە پەیوەندی و رۆلی هاوبەشیکردن لە کارکردنی پێکەوەی لە بواری خوێندنی باڵا لەگەل زانکۆیەکان و ڕێکخراوەکانی تری ولاتانی جیهان و چۆنیەتی پەیوەندیکردن ، و رۆل و گرنگی ئەم جۆرە پرۆگرامانە لە دروستکردنی هاوبەشیکردن(Partnership) هەروەها ئەو بنەمایانەی کە دەبێتە هۆی دروستکردنی هاوبەشیەکی سەرکەوتوو بۆ بە نێودەلەتی کردنی زانکۆ، کە تیادا قوتابی و مامۆستا سودمەند دەبن لە بواری زانستی و ئابووری، بیرۆکەی داهێنان، ئاشنابوون بە کلتورە جیاوازەکان و پێشخستنی توانا کارامەییەکان لە سەردەمی ئەمرۆدا. دواتر بەڕێزیان تشکی خستە سەر ئەزموونی سەرکەوتووی پەیمانگەی تەکنیکی مێرگەسۆر کە بوویە دەستە خوشک لەگەل Porterville College لە کالیفۆرنیا لە رێگای دروستکردنی پەیوەندی بە شێوەێکی ئۆنلاین.

شایەنی باسە، ئەم سیمپۆزمە لە درێژەی کار و چالاکیەکانی رێکخراوی IREXی ئەمریکیە، کە پۆلێک لە قوتابیانی زانکۆی پۆلیتەکنیکی هەولێر لە چالاکی یەکی نێودەولەتی شان بە شانی زانکۆیەکانی عێراق، ئەمریکا، و ئۆردن بۆ ماوەی ٨ هەفتە بەشداربوون. چالاکیەکە بریتی بوو لە ژێر ناونیشانی Global Solutions Suitability Challenges تایبەت بوو بە دۆزینەوەی چارەسەرێک بۆ یەکێک لە ئالنگارییە لە رێگای دروستکردنی بەرهەمێک و ناساندنیان بۆ بازاری کار. تیمی زانکۆی پۆلیتەکنیکی هەولێر – کۆلێژی تەکنیکی شقلاوە توانیان پارێزگاری لە مانەوەیان بکەن و ببنە براوی پرۆگرامەکە لەسەر ئاستی عێراق کە سەرپەرشتی کرابوو لە لایەن مامۆستایان(سەروان صدیق و ئەژین صابر) و لە ژێر چاودێری د. طالب محمدشریف عمر لەم پرۆگرامەدا.

راگری پەیمانگەی تەکنیکی مێرگەسۆر سەردانی ئەمینداری گشتی ئەنجومەنی باڵای خانمان و گەشەپێدان دەکات

رۆژی یەک شەممە2024/4/28 (د.طالب محمد شریف عمر) راگری پەیمانگەی تەکنیکی مێرگەسۆر سەردانی ئەنجومەنی باڵای خانمان و گەشەپێدان کردو ، لەلایەن (د.خانزاد احمد) ئەمینداری گشتی باڵای خانمان و گەشەپێدان پێشوازی لێکرا.

لە کۆبونەوەیەکدا باس لە هەماهەنگی نێوان هەردوو لا کرا کە هەماهەنگی لە نیوان دامەزراوەکانی حکومەت و ناوەندە ئەکادیمیەکان بە پشت بەستن بە توێژینەوە و لێکۆلینەوەی زانستی و سود وەرگرتن لە توانا ئەکادیمەکان بۆ خزمەت گەیاندن بە تاکەکانی ناو کۆمەلگەو بەشداری کارای گەنجان لە چوارچێوەی پەرەپێدانیان لە کۆی کایەکانی کۆمەلگا.

راگەیاندنی پەیمانگەی تەکنیکی مێرگەسۆر

راگری پەیمانگەی تەکنیکی مێرگەسۆر بەشداری دیداری زانکۆکانی عەرەبی لە زانکۆی پۆلیتەکنیکی هەولێر کرد

ئەمڕۆ یەکشەممە ٢٨ی نیسانی ٢٠٢٤، بە ئامادەبوونی پ.د. ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و د. طالب محمد شریف عمر ، راگری پەیمانگەی تەکنیکی مێرگەسۆر، بیست و نۆیەمین دیداری عەرەبی بۆ ئاڵوگۆڕی دەرفەتی مەشق لە نێوان زانکۆکانی ئەندام لە یەکێتی زانکۆکانی وڵاتانی عەرەبی بە میوانداری زانکۆی پۆلیتەکنیکی ھەولێر، لە زانکۆی پۆلیتەکنیکی هەولێر دەستی بە کارەکانی کرد.

دیدارەکە لەژێر چاودێری ئەمیندارییەتی گشتی یەکێتی زانکۆکانی عەرەبی و بە ئامادەبوونی چەندین بەرپرسی حکومی، مامۆستایانی زانکۆی ناوخۆ و بیانی و قوتابیان دەستی بەکارەکانی کرد.

جێگەی ئاماژەیە بیست و نۆیەمین دیداری عەرەبی دوو رۆژ دەخایەنێت و سبەی کۆتا رۆژی دیدارەکە دەبێت.

راگەیاندنی پەیمانگەی تەکنیکی مێرگەسۆر

٢٨ی نیسانی ٢٠٢٤