مامۆستایان و فەرمانبەران و قوتابياني خۆشەویست
سڵاو و ڕێز
من وەکو ڕاگری پەیمانگە ١- ٧ ـ ٢٠١٨ دەستبەکاربووم توانیمان لەماوەی ئەو (٥) پینج سال و ٨ هەشت مانگە کە کارمان کردووە درێغیمان نەکردووە لە کارکردن و خزمەت کردنی پەیمانگە لە ڕووی زانستی و پەروەردەیی و خزمەتگوزاری یەوە، لەگەڵ بوونی چەندین گرفت و کوسپ و تەگەرە وقەیران و پەتای کۆڕۆنا دژایەتی کردن، ئێمە بەردەوام هەوڵمان داوە ناوی پەیمانگەکەمان بە دڕەوشاوەیی بمێنێتەوە و جێگەی بایەخی زانکۆ بێت کارەکانمان و دڵسۆزیمان و خۆشەویستیمان بۆ ئەو پەیمانگایە بەگشتی وای لێکردووین زۆر شتی بۆ بکەین کە جێ بەجێ کردنی ئەستەم بووە بەهیمەتی ستافی ڕاگرایەتی و سەرۆک بەشەکان کارەکانمان ڕاپەڕاندووە.
لێرەوە بە پێویستی دەزانم سەرەتا سوپاسی حکومەتی ھەرێمی کوردستان بەتایبەتی کابینەی نۆیەمی حکومەت ئەوەندە پالپشتمان بوون کە ھۆکاری کارکردن و ھەولدانی زیاترمان بوو لە ئیش وکارەکانی رۆژانەمان.
هەروەها زۆر سوپاسی ( پ د کاوە شیروانی) سەروکی زانکوی پۆلیتەکنیکی پیشوو دەکەم.
هەروەها زۆر سوپاس بۆ بەرێز سەرۆکی زانکۆمان
(پ. د. ادریس طاهر هەرکی) کە لە ماوەی دەست بەکاربوونی پالپشتی تەواوی پەیمانگەکەمان بووە.
زور خۆشحال بووم کە لە گەل ئەندامانی ئەنجومەنی زانکۆ لە ماوەی رابردوو بە یەکەوە کارمان کرد. داهاتمان زياد كرد و زور پرۆژەمان ئەنجامدا دواینیان دروست کردنی هولی بونەکان و ئامادەکردنی بەشە ناوخۆیی لە ناو پەیمانگە بو قوتابیان زور شتی تر .
سوپاسی زۆرم بۆ ياریدەری راگر و سەرۆك بەش و بریاردەری بەشەکان و بەرپرسی یەکە کارگێریەکان کە لەماوەی ئەو ساڵانە کاریان لەگەڵ کردم ئەوان بوون ھۆکاری کاریگەر بۆ بەرزی ئاستی پەیمانگەکەمان.
هەروەها سوپاسی یەکەیەکەی کارگوزاران و باخچەوانانی پەیمانگە بکەم هەردەم پاکو خاوێنی و ڕێکخستنی پەیمانگەیان بەوپەڕی لێبووردەییەوە ئەنجام داوە.
سوپاس بۆ فەرمانبەرانی پەیمانگە کە سیستەماتیک کارەکانی خۆیان کردووە.
سوپاسی یەکەیەکەی مامۆستایانی پەیمانگە دەکەم هەردەم خەمخۆری وانە و بابەتەکانیان بووینە لەکاتی دەوام.
سوپاس بۆ قوتابیان کە خەمخۆری پەیمانگەکەمان بوون وهەموو کات هاوکار بوونە لەپابەندبوونیان بە دەوام و راگرتنی پاك و خاوینی پەیمانگە.
هەموو شتێک سەرەتای هەبێت کۆتاییشی هەیە،
هیواخوازم ئەوەی شایستە و شیاوە ببێتە ڕاگری چوارساڵی داهاتووی پەیمانگە ئێمەش وەکو شارەزایی خۆمان درێغی ناکەین لە پێشکەش کردنی ڕاوبۆچوون و پێشنیاز بۆسەرخستنی ئەو ئەرکە پیرۆزەی پێی سپێردراوە.
لەکۆتایی هیوای سەرکەوتن بۆ هەمووتان دەخوازم لە
کەموکوڕیەکانمان ببورن.
براتان
م سوران ذنون یاسین
راگري پ ت خەبات
