Category Archives: سەرۆکایەتی زانکۆ

د.عەمرو عیزەت سەلامە، ئەمینداری گشتی یەکێتی زانکۆکانی عەرەبی سوپاسی پ.د.ئیدریس محەمەد تاھیر ھەرکی، سەرۆکی زانکۆی پۆلیتەکنیکی ھەولێری کرد بۆ بەشدارییکردنی لە 56هەمین کۆنگرەی یەکێتی زانکۆکانی عەرەبی کە لە رۆژانی 4-5ـی ئاداری 2024لە زانکۆی بەغدا بەڕێوەچوو.

د.عەمرو عیزەت سەلامە لە پەیامێکی فەرمییدا بەناوی یەکێتی زانکۆکانی عەرەبی پیرۆزبایی هاتنی مانگی رەمەزانی پیرۆزی لە سەرۆکی زانکۆی پۆلیتەکنیکی ھەولێر کرد و هیوای خواستووە ئەم مانگە ببێتە مایەی خێر و خۆشی بۆ هەممولایەک.

ئەمینداری گشتی یەکێتی زانکۆکانی عەرەبی لە پەیامەکەیدا سوپاسی پ.د.ئیدریس محەمەد تاھیر ھەرکی، سەرۆکی زانکۆی پۆلیتەکنیکی ھەولێری کرد بۆ بەشدارییکردنی لە 56هەمین کۆنگرەی یەکێتی زانکۆکانی عەرەبی کە لە رۆژانی 4-5ـی ئاداری 2024 لە زانکۆی بەغدا بەڕێوەچوو، و هیوای خواستووە هەماهەنگیی نێوان یەکێتییەکە و زانکۆی پۆلیتەکنیکی هەولێر بەردەوام بێت لەپێناو گەیشتن بە ئامانجە هاوبەشەکان و پەرەپێدان بە ئاستی خوێندنی باڵا لە زانکۆکانی عەرەبی.

جێی ئاماژەیە، زانکۆی پۆلیتەکنیکی ھەولێر وەک یەکێک لە زانکۆکانی ئەندام لە یەکێتی زانکۆکانی عەرەبی ساڵانە بە فەرمی بانگھێشتی کۆنگرەی یەکێتییەکە دەکرێت کە ھەر خولێکی لەلایەن زانکۆیەکی ئەندام لە یەکێتییەکە میوانداریی دەکرێت.

رۆژی 18ی ئاداری 2024، بە ئامادەبوونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ و ژمارەیەک ئەندامی ئەنجومەنی زانکۆ وۆرکشۆپێک لە ژێر ناونیشانی (Building Capacity For University Key Figures) بۆ سەرجەم سەرۆکی بەشە زانستییەکانی زانکۆی پۆلیتەکنیکی هەولێر و بەڕێوبەرانی سەرۆکایەتی زانک  بەڕێوەچوو کە بو ماوەی دوو رۆژ بەردەوام دەبێت.

سەرەتای وۆرکشۆپەکە وتەی بەخێرهێنان لەلایەن بەڕێز یاریدەدەری سەرۆکی زانکۆ بۆ کاروباری زانستی و خوێندنی باڵا پێشکەش کرا، دواتر سەرۆکی زانکۆ وتەیەکی پێشکەش کرد و تیایدا بە گرنگیەوە باسی لەم جۆرە خولانە کرد بۆ سەرۆک بەشەکان و ئاشکرای کرد، کە سەرۆکی بەشە زانستییەکانی کۆلێژ و پەیمانگاکان داینەمۆی پێشکەوتنەکانی زانکۆیە و پردی پەیوەندی نێوان زانکۆ و قوتابییانن و بەردەوامیدان بەم جۆرە خولانە گرنگی تایبەتی خۆیان هەیە بۆ پەرەپێدانی تواناکانی و هەروەها هەندێ ڕەهەندی نوێی زانکۆ کە لە ئێستادا زانکۆی پۆلیتەکنیکی هەولێر بە بەرنامەیەکی چڕو پڕ کاری لەسەر دەکات.

لە رۆژی یەکەمی وۆرکشۆپەکەدا دوو سیمنار پێشکەشکران سیمیناری یەکەم لە لایەن دکتۆر فازڵ جاف بەڕێوەچوو پێشکەش کرا لە ژێر ناونیشانی (Teachers and Students Behaviours interaction) کە تیایدا بە وردی باسی لە بابەتەکانی تایبەت بە زمانی جەستە و خوێندنەوەی زمانی جەستە دەوروبەر.

لە سیمیناری دووەمدا پ.ی.د. بۆتان مەجید ئەحمەد یاریدەدەی سەرۆکی زانکۆ بۆ کاروباری زانستی بابەتێک پێشکەش کرا لە ژێر ناونیشانی (Diploma Supplement and Transcript).

بڕیارە لە ڕۆژی دووەمیش ورۆکشۆپەکە بەردەوام بێت و هەریەکە لە مامۆستای یاسین ڕەشید سیمناری تایبەت بە (Student Registration for exams) و مامۆستا زانیار ڕزگار ئەحمەد و مامۆستا ئاسۆ یاسین عومەر (Google Chat) پێشکەش بە سەرۆکی بەشە بەشە زانستی یستییەکان و بەڕێوەبەرانی سەرۆکایەتی زانکۆ بکرێت.

 

رۆژی یەکشەممە 10ی ئاداری 2024، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی کر لە شاندی خاچی سووری نێودەوڵەتی کە پێکهاتبوون لە بەڕێزان ئۆلیڤەر رای، بەڕێوەبەری بەرنامەی چاکسازی جەستەیی / جنێڤ، تیگران بێتانی بەڕێوەبەری بەرنامەی چاکسازی جەستەیی / عێراق، بەرێز چیا میقداد عەلی بەڕێوەبەری بەرنامەی چاکسازی جەستەیی / کوردستان، یان لی بێک بەڕێوەبەر لە ICRC/ عێراق.

لە دیدارەکەدا هەریەکە لە پ.ی.د. بۆتان مجید ئاسنگەر یاریدەدەری سەرۆکی زانکۆ بۆ کاروباری زانستی، پ.ی.د. مراد ئەمیر / ڕاگری ک. تەندروستی و پزیشکی، ⁠د. زکرا سەرۆکی بەشی پەلی دەستکردو پاڵپشتەکان، ⁠پ.ی.د. نجیب تۆما رەسام ئامادەیبوون، گفتوگۆکرا لەسەر چۆنیەتی بەردەوام بوونی بەشی پەلی دەستکرد و پاڵپشتەکان لە کۆلیژی تەکنیکی تەندروستی و پزیشکی هەولێر لە وەرگرتنی قوتابیان بۆ ڕاوەندی سێیەم. هەروەها دابین کردنی ستافی بیانی بۆ وانە ووتنەوە وە هەروەها ئامێر و کەرەستەی پێویست بۆ بەردەوام بوونی پڕۆسەی خوێندن، و دانانی پلانێک بۆ پێگەیاندنی ستافی ئەکادیمی ناوخۆ.

شایانی باسە ئەم بەشە بە پاڵپشتی تەواوی خاچی سووری نێودەوڵەتی دامەزراوە لە ڕووی ئامادەکردنی پڕۆگرام و ئامێر و کەرەستەی پێویست لە چوارچیوەی ڕێککەوتنامەیەک لە نێوان خاچی سوور و زانکۆی پۆلیتەکنیکی هەولێر، بۆ دەرچووانی دوو راوەند واتا تاوەکو کۆتایی ساڵی ئەکادیمی 2025-2026. بە پێی ئەم ڕێکەوتننامەیە دواتر زانکۆی پۆلیتەکنیکی هەولێر گشت خەرجیەکان پێویستە لە ئەستۆی خۆی بگرێت.

لەم کۆبوونەوەیەدا گفتوگۆی تێروتەسەل کرا، وە کۆمەڵێک لە بیرو بۆچوون و پێشنیار گەڵاڵەکران، کە دواتر بە ڕاپۆرتێک بە شێوەی فەرمی ئاراستەی خاچی سوور دەکرێت.

نوێنەری سەرۆکی زانکۆی پۆلیتەکنیکی هەولێر بەشداری کرد لە کۆبوونەوەی خولی زانکۆکانی تەکنیکی لە عێراق کە لە رۆژانی 7 و 8ی ئاداری ،2024 لە شاری بەسڕا بەڕێوەچوو.

پ.ی.د. نەجیب تۆما بەتۆ بە نوێنەرایەتی سەرۆکی زانکۆی پۆلیتەکنیکی هەولێر بەشداربوو لە کۆبوونەوەکە کە لە زانکۆی تەکنیکی باشوور(الجامعة التقنية الجنوبية) ئەنجامدرا، و تیایدا تیشک خرایە سەر هەڵسەنگاندنی فێسی دووەم لە پڕۆژەی پەرەپێدانی خوێندنی تەکنیکی و پیشەیی لە عێراق (TVET-2) کەوا سێ تەوەری سەرەکی لەخۆی گرتبوەوە بریتی بوون لە:(Degree programme, Quality Assurance. Internatinalization).

تەوەرێکی دیکەی کۆبوونەوەکە تایبەت بوو بە پێشنیار و بۆچوونی زانکۆکان وەک ئامادەکاری باشتر بەڕێوەچوونی فێسی سێیەم لە پڕۆژەی پەرەپێدانی خوێندنی تەکنیکی و پیشەی لە عێراق کە بڕیارە لە ماوەیەکی نزیک و لە چەند مانگی داهاتوو دەست پێبکات

شیاوی باسە پڕۆژەی داهاتوو گرنگی دەدات بە (وزەی سەوز، ⁠پڕاکتیز کردنی چواچیوەی بڕوانامەکانی خوێندنی تەکنیکی و پیشەیی، ⁠گرنگی دان بە ناساندنی زانکۆکانی تەکنیکی لە ڕێگای پەرەپێدانی وێب سایتی زانکۆکان.