Category Archives: سەرۆکایەتی زانکۆ

زانکۆی پۆلیتەکنیکی هەولێر دەرفەتی بەشداریکردنی مامۆستایان و قوتابیان لە حەوتەمین کۆربەندى توێژینەوەى گەنجان لە زانکۆی قەتەر ڕادەگەیەنێت

  لە چوارچێوەى هەماهەنگى زانکۆکەمان لە گەڵ یەکێتى زانکۆکانى وولاتانى عەرەبى، زانکۆى قەتەر هەڵدەستێت بە ئەنجامدانى کۆربەندێکى توێژینەوە بۆ گەنجان لە رێکەوتى 6/3/2025 بە ناونیشانى (ووزەى بەردەوام بۆ هەمووان: ئاڵانگەریەکان وچارەسەر).

بۆ ئەم مەبەستە داوا لە گشت قوتابیانى بەکالوریوس وخوێندنى باڵا (ماستەر و دکتۆرا) کە خوازیاری بەشداریکردن دەکەن لەم کۆربەندە بە ناردنى توێژینەوە لەم بوارانەى کە لەم وێنانەی خوارەوە ئاماژەی پێکراوە بە رەچاو کردنى ئەم مەرجانەى خوارەوە:

١ – قوتابى دەتوانێت توێژینەوەى تاک یان بە گروپ ( 2بۆ4 ) پێشکەش بکات.
٢- بەشداربوو دەتوانێت پوختەى توێژینەوەکەى بە زمانى عەرەبى یا زمانى ئینگلیزى پێشکەش بکات و دواکات بۆ ناردنى پوختەکە 31/10/2024 لە رێگاى ئەم ئیمیلەیە [email protected] دەبێت.
٣- لە گەڵ پوختەکە دەبێت قوتابى CV خۆى بنێرێت.
٤- ئەگەر هاتوو پوختەکە قبول کرا لەلایەن لێژنەى هەڵسەنگێنەر ، ئەوکات داوا لە قوتابى دەکرێت تەواوى توێژینەوەکە لە رێکەوتى 31/12/2024 بنێرێت لە رێگەى ئیمەیلى ئاماژە پێکراو .
٥- ئەو قوتابیانەى کە توێژینەوەکانیان قبوڵ دەکرێت دەتوانن ئامادەبن لە کۆربەندەکە یاخود بە رێگاى online بەشداربن.
٦- ئەو قوتابیانەى ئامادە دەبن لە کۆربەندەکە ، زانکۆى قەتەر خەرجى پلیتى فرۆکە و شوێنى مانەوە دابین دەکات.

زانیارى زیاتر دەربارەى کۆربەندەکە و پێوەرەکانى توێژینەوە دەتوانن کلیک لـێـــــــــــــــــــــــــرە بکەن.

 

 

لە چواچێوەی هەماهەنگی زانکۆی پۆلیتەکنیکی هەولێر لەگەڵ یەکێتی زانکۆکانی وڵاتانی عەرەبی، حوسێن عوسمان ئەندامی ئەنجومەنی زانکۆ و نوێنەری قوتابیانی زانکۆی پۆلیتەکنیکی هەولێر بەشداریکرد لە پرۆگرامی ڕاهێنانی سەرکردەکانی زیرەکی دەستکرد و جەنگی زانیاریەکان، بۆ خولی پێنجەم لە زانکۆی عەقەبە بۆ تەکنەلۆژیا لە وڵاتی ئوردن.

پرۆگرامەکە پێک هاتبو لە دوو تەوەر، تەوەری یەکەم بریتی بوو لە ڕاهێنان لە تەوەری زانستی ، تەوەری دووەم پێک هاتبو لە پرۆگرامی کەلتوری، ئەم پرۆگرامە ماوەی پێنج ڕۆژ بەردەوام بوو.

نوێنەری قوتابیانی زانکۆمان لەڕێگای ئەم پڕۆگرامە کاری بۆ پتەوکردنی پەیوەندی و واژۆکردنی لێکتێگەیشتنی نێوان زانکۆمان لەگەل زانکۆی ناوبراو کردوە.

 

ئەمڕۆ 18ی ئەیلوولی 2024، پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر بەیاوەری یاریدەدەرانی بۆ کاروباری کارگێری و دارایی، کاروباری زانستی و خوێندنی باڵا، کاروباری قوتابیان و بەشەناوخۆییەکان، بەشێک لە ئەندامانی ئەنجومەنی زانکۆ و بەرێوەبەری نووسینگە بەشداری کرد لەمەراسیمی بەنێودەوڵەتی کردنی بڕوانامەی بەشی پەلی دەستکرد و پاڵپشتیەکان لەکۆلیژی تەکنیکی تەندروستی و پزیشکی ھەولێر.

سەرەتا ڕاگری کۆلێژی تەکنیکی تەندروستی و پزیشکی ھەولێر بەخێرھاتنی میوانانی کرد، و تیشکی خستە سەر گرنگی ئەو بەشە بۆ خاوەن پێداویستی تایبەت، سوپاسی سەرۆکی زانکۆ و ھاوکارانی کرد بۆ پشتوانی بەردەوامیان لەبەشەکە و کولێژی ناوبراو.

دواتر سەرۆکی زانکۆ لە وتارێکدا دوای بەخێرهاتنی میوانان ووتی: “بەڕێزان لای ھەمووان ئاشکرایە بابەتی پەلی دەستکرد یاخود ئەو زانستە لەسەرتاسەری جیھان گرنگییەکی تایبەتی ھەیە، بۆ ئێمەی خەڵکی کوردستانیش بابەتێکی پێویست و گرنگە.

ئەو ھەموو جەنگ و شەڕەی لەم وڵاتە بەرپابووە وادەکات پێویستیمان بەو زانستە ھەبێت بۆئەوەی خزمەتی کۆمەڵگەکەمانی پێبکەین. ئەو بەشە بەھاوکاری خاچی سووری نێودەوڵەتی و وەزارەتی تەندروستی عێراق و ھەرێم و ھەردوو وەزارەتی خوێندنی باڵای عێراق و ھەرێم بەیەکەوە بەرێوەدەچێت.

 پیرۆزە بەدەسھێنانی بڕوانامەی جیھانی متمانەپێکراو لەیەکێتی جیھانی دروستکردنی پەلی دەستکرد، ئەمە دەسکەوتێکی زۆر گەورەیە بۆ ئەو بەشە و کۆلێژ، زانکۆ، وەزارەت و حکومەتی ھەرێم.

ئومێد دەکەم بەشەکانی دیکەی زانکۆمان ھەوڵبدەن بۆ بەدەسھێنانی ھەمان بڕوانامەی جیھانی باوەرپێکراو.

 دواتر پ.ی.د. محەمەد حوسێن ئەحمەد سەرۆکی دەزگای سەرپەرشتی دڵنیایی جۆری لە وەزارەتی خوێندنی باڵا و توێژینەوەی زانستی، دڵخۆشی خۆیانی دەربڕی کەشان بەشانی د.ئەمیر چالی بەنوێنەرایەتی وەزارەتی خوێندنی باڵا بەشداربوون لە مەراسیمەکەدا. رایگەیاند ئەو بڕوانامەیە جێگای دڵخۆشیە نەک تەنھا بۆ زانکۆی پۆلیتەکنیکی ھەولێر بەڵکو بۆ سەرجەم ستاف و مامۆستا و قوتابی و خوێندکارانی وەزارەتی خوێندنی باڵا.

بەر لە کۆتایی ھاتنی مەراسیمەکە، بڕوانامەی رێزلێنانی متمانەپێکراو بەخشرا بەخەمخۆران و بنیادنەرانی ئەو بەشەو قوتابیانی بەشەکە.

 

پ.د.کیهان زرار غفور، ڕاگــری کۆلێژی تەکنەلۆجی هەولێر و ئەندامی ئەنجومەنی زانکۆی پۆلیتەکنیکی هەولێر، ناوی لە لیستی زانکۆی ستانفۆرد بۆ ئەو زانایانەی کە 2% کۆی زانایانی جیهان پێكدەهێنن تۆمار دەکرێت.

 

زانکۆی ستانفۆرد نوێترین لیستی ڕیزبەندیی ئەو زانایانەی کە توێژینەوەکانیان زۆرترین جار وەکو سەرچاوە بەکارهێنراوە لەبوارە زانستیە جیاوازەکان بڵاوکردەوە، ئەو زانایانە کە زانکۆکە ناویانی بڵاوکردۆتەوە، 2% کۆی زانایانی جیهان پێكدەهێنن. ئەو مامۆستایەی زانکۆمان لە لیستەکەدا لەنێو ئەو زانایانەیە کە لەسەر ئاستی عێراق لەو پۆلێنبەندیەدا ناویان هاتووە، توێژینەوەکەی لە بواری (Information and Communication Systems) ئەنجام داوە.

 

بۆ بینینی لیستەکە، دەتوانن کلیک لـــــــــــــــــــــــێـــــرە بکەن