Category Archives: سەرۆکایەتی زانکۆ

ئەمڕۆ یەکشەممە 6ی تشرینی یەکەمی 2024، پ.د.ٸیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر، بە ئامادەبوونی یاریدەدەرانی سەرۆکی زانکۆ بۆ کاروباری کارگێڕی و دارایی، کاروباری زانستی و خوێندنی باڵا و بەڕێوەبەری نوسینگەی سەرۆکی زانکۆ، پێشوازیان لە هەریەک لە د.عەلی رەشید خۆشناو سەرۆکی ئەنجومەنی پارێزگای هەولێر، د.سالح المقدادی بەڕێوەبەری گشتی (Relief International) و د.دنیا بەڕێوەبەری بەشی پەرەپێدان لە ڕێکخراوی ناوبراو کرد.

 

لەم دیدارەدا باس لە پڕۆپۆزەلی پڕۆژەی هەڵمەتی پاراستنی ئاوی ماڵان لە شاری هەولێڕ کرا، لەپێناو کەم کردنەوەی بەفیڕۆ چوون و  پاراستنی ئەم سەرچاوە گرنگە، بیروڕا  ئاڵوگۆڕ کرا و پێشنیاری یاداشتی لێکگەیشتن لە نێوان زانکۆی پۆلیتەکنیکی هەولێر و ڕێکخراوی ناوبراو بۆ زیاتر هەماهەنگی لەم رووەوە کرا.

 

بە بەشداریکردنی شاندی زانکۆمان کە پێکهاتبوو لە بەڕێزان پ.ی.د. نەجیب تۆما رەسام بەڕێوەبەری دڵنیایی جۆری، پ.ی.د. عبد اللە عمر یاسین بەڕێوەبەری پەیوەندییە نێودەوڵەتییەکان، د. سەلار عثمان علی بەڕێوەبەری پرۆژەی کامپڵەس، هاوبەشە نێودەوڵەتییەکانی پرۆژەی کامپڵەس کۆتا کۆبوونەوەی خۆیان لە ڕۆژانی 1-2ی تشرینی یەکەم 2024 لە شاری دۆسڵدۆرف لە ئەڵمانیا ئەنجام دا.

لەم کۆبوونەوەیە پێداچوونەوەیەکی وورد بە هەنگاوەکانی پێشخستن و بەدواداچوون و هەنگاوەکانی بەردەوامبوونی پرۆژەکە کرا، بۆ سوود وەرگرتن لێی بە تایبەتی لە لایەن پەنابەر و ئاوەرەکان.

لە ماوەی سێ ساڵی ڕابردوو زانکۆکەمان توانیویەتی سوود بە 150 پەنابەر و ئاوارە لە هەرێمی کوردستان بگەیەنێت، بۆ ئەوەی بتوانن کارامەییەکانیان پەرەی پێ بدەن، لێهاتوییەکانیان بەهێز بکەن، پلانی پەرەپێدانی بازرگانی پرۆژەکانیان دەست پێ بکەن و ئەزموونێکی باشی بەڕێوەبردنی پرۆژەکانیان دروست بکەن.


پرۆژەی کامپڵەس لە لایەن پرۆگرامی ئیراسمەس پڵەسی یەکێتی ئەوەروپا پارەدار دەکرێت، بۆ بەهێزکردنی توانای کۆچبەران لە کامپەوە و یەکگرتنەوەیان لەگەڵ کۆمەڵگە، پرۆژەیەکی سێ ساڵییە لە 2021 دەستی پێکرد، بەهاوبەشی حەوت دامەزراوەی ئەکادیمی و پسپۆر لە وڵاتانی ئەڵمانیا، هۆڵەندا، فەڕەنسا، یۆنان و ئیتاڵیا.
 بۆ زانیاری زیاتر سەبارەت بە پرۆژەی کامپڵەس، دەتوانن کلیک لێـــــــــــــــــــــــرە بکەن.

 

ئەمرۆ یەکشەممە ٢٩ی ئەیلوولی2024 بەنوێنەرایەتی سەرۆکی زانکۆی پۆلیتەکنیکی ھەولێر، سێ لە ئەندامانی ئەنجومەنی زانکۆی پۆلیتەکنیکی هەولێر کە پێک هاتبون لە  پ.ی.د.سیروان لەتیف حاجی ڕاگری کۆلێژی تەکنیکی سۆران، د.تالب محەمەد شەریف ڕاگری پەیمانگەی تەکنیکی مێرگەسۆر و پ.ی.د.عیماد عەزیز محەمەد ڕاگری پەیمانگەی تەکنیکی چۆمان بەشداریان لە کۆنفرانسی نێودەوڵەتی بە ناونیشانی “ڕۆڵ و کاریگەری ڕۆژهەڵاتناسە ڕووسەکان لە ناساندنی کورد و پرسی کوردستان” کرد.

جێی ئاماژەپێدانە، کۆنفڕانسەکە بە هاوبەشی لە نێوان زانکۆی سۆران و پەیمانگای ڕۆژهەڵاتناسی “ئەکادیمیای زانستیی ڕووسیا” و بە هەماهەنگی نوێنەرایەتی حکومەتی هەرێمی کوردستان لە ڕووسیا، ڕێکخرابوو.

 

ئامانج لە ئەنجامدانی ئەم کۆنفڕانسە، گەیشتنە بە تێگەیشتنێکی قووڵ سەبارەت بە ڕۆڵ و کاریگەری ڕۆژهەڵاتناسە ڕووسەکان لە ناسین و ناساندنی کوردستان. 

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەمەبەستی بەشدارییکردن لە کۆنفراسێکی نێودەوڵەتیی لەلایەن (جامعة ليبيا المفتوحة) ڕێکخراوە، لە وڵاتی لیبیایە.

 

دوای بەشدارییکردنی لە چالاکییەکانی دووەمین رۆژی کۆنفرانسەکەدا یاداشتنامەی لێکتێگەیشتن لەنێوان پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و پ.د.أبوالقاسم محمد شلوف، سەرۆکی زانکۆی ليبيا المفتوحة واژۆکرا و لۆگۆی زانکۆ لەنێوان هەردوولا ئاڵوگۆڕ کرا.

 

دوێنێ بەبەشداریی و ئامادەبوونی چەندین کەسایەتی و سەرۆک زانکۆکانی ئەندام لە یەکێتی زانکۆکانی ووڵاتانی عەرەبی یەکەمین کۆنفرانسی نێودەوڵەتیی بۆ زانستی پزیشکی دەستی بەکارەکانی کرد.

 

لە ماوەی دوو رۆژی کۆنفرانسەکەدا و چەند تەورێکدا باس لە رۆڵی تەکنەلۆجیا لە پەرەپێدان بە خوێندن و ئاڵوگۆڕی شارەزاریی و ئەزموونی زانستی و هەماهەنگیی لە نێوان زانکۆکانی ئەندام لە یەکێتی زانکۆکانی وڵاتانی عەرەبی، هەروەها رۆڵی زانکۆ لە بڵاوکردنەوەی هۆشیاریی لەنێو کۆمەڵگە کرا.