Author Archives: Karzan kamal

خولی فریاگوزاری سەرەتایی(First Aid)

‏‎کۆلێژی تەکنیکی سۆران بەشی پەرستاری خـولێک بۆ فێربـوونی فریاگوزاری سەرەتایی دەکاتەوە.

‏‎تـێبـیــنی :
‏‎* خـولەکە ڕۆژی شـــەممە ڕێـکەوتی (٢٠٢٣/٩/٢٦) دەســـت پێدەکـات.
‏‎٭ کــاتی خـول کـــاتژمێر (٩:٠٠)ی بــەیــانی لە کۆلێژی تەکنیکی سۆران .
‏‎* کێ دەتوانێت بەشداربێت : قوتابیان و دەرچوانی گشت بەشەکان دەتوانن بەشدار بن.

‏‎* ماوەی خول ٣ رۆژە، رۆژی شەممە و یەکشەممە و دووشەممە دەبێت.
‏‎* لەکۆتـــایی دا بــڕوانــــامەی بەشـــــداری کردن دەدرێت بە قوتــــابیان.
‏‎* بۆ ناو نووســـین لەم لینکەی خوارەوە ناوی خۆت تۆماربکە.

⬇️⬇️⬇️⬇️⬇️⬇️⬇️
https://forms.gle/pJUuW9kB1GWsEtRF7

بەناوی خۆمان و زانستخوازان و خوێنەرانی کتێبی کتێبخانەی کۆلێژی تەکنیکی سۆران؛ دەستخۆشیی و سوپاس و پێزانینی خۆمان ئاڕاستەی (( کتێبخانەی ناوەندیی- زانکۆی پۆلیتەکنیکی هەولێر )) دەکەین، لە بەرامبەر بەخشینی کۆمەڵێک سەرچاوەی گرنگ و پێویست، کە هاریکاریی چاکی خوێنەران و قوتابیانمان دەکات بۆ زانیاریی وەرگرتن و توێژینەوەکانیان.

جێگەی ئاماژە پێکردنە؛ ئەو کتێبانەی دابینکراون وەک دیاری بەخشراون بە کۆلێژەکەمان، هەروەها بابەتەکان هەمەچەشن، بەڵام زۆربەیان پەیوەندارن بە پسپۆڕییەکانی: پزیشکی و کارگێڕی و تەکنۆلۆژیای زانیاریی و ژمێریاری.

کتێبەکان بە زمانی کوردی و عەرەبی و ئینگلیزین، بەم شێوەیە:

• (٤٥)کتێب بە زمانی کوردی.
  -(١٦٩) کتێب بەزمانی عەرەبی.
• (١٢٧) کتێب بە زمانی ئینگلیزی.
  جێی شانازیی و سەربەرزیی ئەکادیمییە؛ بڵێین: کتێبخانەکەی کۆلێژی تەکنیکی سۆران زیاتر لە (١٠) هەزار کتێب و سەرچاو و توێژینەوەی زانستی تێدایە، بەم بەخشینە سەرچاوە زانستییەکانی زیاتر دەبن.

هیواخوازین کتێبخانەی کۆلێژەکەمان لە هەموو ڕووێکی زانستیی سەرچاوەی هەبێت و کەشێکی زانستیانەتر بە خوێنەران: ( مامۆستایان و قوتابییان و توێژەران و …) ببەخشێت.

هەر لە خۆشیی و تەندروستی و زانست و زانیاری دابن، دووبارە سوپاس بۆ دیارییە زانستییە بە بەهاکانتان.

ڕاگری کۆلێژ بەدواداچوون بۆ باخچە و چیمەن و دار و نەمامەکانی کۆلێژ دەکات

“هەر کەس یەک ڕۆژ سەردانی (کۆلێژی تەکنیکی سۆران) ی کردبێت، گەواهی ڕازاوەیی و سروشت و ژینگەی باخچە و چیمەن و دارەکانی دەدات”

ئەمڕۆ ڕێکەوتی ٢٠٢٣/٦/١١ ، بە مەبەستی زیاتر گرنگیدان بە باخچە و چیمەن و دار و نەمامەکان و چاودێریکردنی زیاتر بۆ پاراستنی ژینگە و سروشتی دڵڕفێنی کۆلێژەکەمان ، (م. پاکستان محەمەدامین یوسف ) ڕاگری کۆلێژ لەگەڵ ( م. شیرین ئیسماعیل ) بەرپرسی هۆبەی کارگێری ، لەگەڵ سەرجەم کارمەند و باخەوانانی کۆلێژ کۆبوونەوە و لە نزیکەوە یەکە یەکە باخچە و چیمەنەکانی کۆلێژیان بەسەرکردەوە.

لە کۆبوونەوەکەدا کەموکووڕی و پێشنیازی گرنگ بۆ پاراستن و بەرفراوانکردنی سەوزایی کۆلێژەکەمان ئاڵوگۆڕکرا، تێیدا ڕاگری کۆلێژ بە وردی گوێی بە داواکارییانیان گرت و پشتگیری کردن، هەروەها لەلایەن خۆیانەوە باخەوانانیش بۆ جێبەجێکردنی ڕێنماییە نوێیەکان لە پێناو پاراستن و گرنگیدان بە سەوزایی خۆشحاڵی خۆیان دەربڕی و ئامادەکارییان نیشاندا.

ڕاگری کۆلێژ هیوای خواست لە ڕووی فەراهەمکردن و ڕەخساندنی ژینگەیەکی لەباری زانستیی، لەگەڵ ژینگەیەکی دڵڕفێن و سروشتی زیاتر بۆ قوتابیانمان دەستەبەربکەین، بە هەموو لایەک پارێزگاری لەو دەستکەوتە ژینگەییە بکەین.

لە ئاگادارییەکەی لێژنەی ئامادەکاری تاقیکردنەوەی توانستی زانستی زانکۆی پۆلیتەکنیکی هەولێر هاتووە ، ئاگاداری سەرجەم پێشکەشکارانی خوێندنی باڵا ( دبلۆمی باڵا، ماستەر و دکتۆرا )ـی زانکۆی پۆلیتەکنیکی هەولێر دەکەینەوە کە کاتژمێر 11ـی پێش نیوەڕۆی ڕۆژی دووشەممە ڕێکەوتی 12ـی 6ـی 2023 تاقیکردنەوەی توانستی زانستی دەستپێدەکات.

بۆ ئەم مەبەستەش لێژنەکەی زانکۆی پۆلیتەکنیکی هەولێر داوا لەگشت پێشکەشکاران دەکات ڕەچاوی ئەم خاڵانەی خوارەوە بکەن:

1. پێویستە پێشکەشکار وێنەیەکی ڕەسەنی یەکێک لەم بەڵگەنامانە(پاسپۆرت، کارتی نیشتمانی یان ناسنامەی باری شارستانی)ـی پێ بێت.
2. تاقیکردنەوەکان لە کۆلێژی تەکنیکی ئەندازیاری هەولێر لە هۆڵەکانی ( بەشی ئەندازیاری شارستانی، ئەندازیاری میکانیک و وزە و ئەندازیاری سیستەمی زانیاری ) ئەنجامدەدرێت.
3. هەموو جۆرە ئامێرێکی ئەلیکترۆنی زیرەک ( مۆبایل، کاتژمێری زیرەک و هاوشێوەکانی ) قەدەغەیە بەپێچەوانەوە خۆیان بەرپرسیار دەبن.
4. بۆ وەڵامدانەوەی پرسیارەکان تەنها بە پێنووسی جاف (شین) دەبێت کە لەلایەن زانکۆوە دابین دەکرێت.
5. پێویستە پێشکەشکار یەک کاتژمێر بەر لە دەستپێکی تاقیکردنەوە لە باڵەخانەی تاقیکردنەوەکان ئامادەبێت بەمەبەستی دۆزینەوەی ناوەکەی و هۆڵی تاقیکردنەوە و وەرگرتنی ڕێنمایی پێویست.

بە هیوای سەرکەوتن بۆ سەرجەم پێشکەشکاران

ڕاگەیاندنی کۆلێژی تەکنیکی سۆران