Author Archives: Karzan kamal

ڕۆژی دوو شەممە 28ـی نیسانی 2025، بە چاودێری پ.ی.د. سیروان لەتیف حاجی ڕاگری کۆلێژی تەکنیکی سۆران و بە ئامادەبوونی د. ڕێبوار بابکەیی بەرپرسی لقی 10ـی پارتی دیموکراتی کوردستان و حەکیم تێلی جێگری سەرپەرشتیاری ئیدارەی سەربەخۆی سۆران و هەر یەکە لە قائیمقامەکانی قەزای ناوەندی سۆران و ڕواندز و بەرپرسانی حکومی و حزبی ئیدارەی سۆران ، بەشی تەکنەلۆجیای زانیاری دووەمین فێستیڤاڵی زانستی ساڵانەی خۆی ئەنجامدا .

لە فێستیڤاڵەکەدا قوتابییانی بەشی ناوبراو نوێترین داهێنانە تەکنەلۆجییەکانیان لە بواری ژیری دەستکرد و ڕۆبۆتیک و چەندین بواریتر بۆ میوانان و قوتابییانی کۆلێژەکەمان شیکردەوە.

ئەمەش بووە هۆی جێگای تێڕوانین و سەرنج ڕاکێشانی میوانان و ئامادەبووان، کەوا لە کۆتایی فێستیڤاڵەکەدا لەڕێگای دەنگدانی ئەلیکتڕۆنی باشترین پڕۆژەکانی ئامادەکراو هەڵبژێردران.

 

ڕۆژی سێشەممە 22ـی نیسانی 2025 ، بەبۆنەی 127 ساڵەی ڕۆژی ڕۆژنامەگەریی کوردی، کۆلێژی تەکنیکی سۆران لە هۆڵی کۆنفرانسی کۆلێژ مەڕاسیمێکی تایبەتی بۆ بەرز ڕاگرتنی ئەم یادە سازکرد.

مەڕاسیمەکە، کە بەئامادەبوونی د.ڕێبوار بابکەیی بەرپرسی لقی 10 پارتی دیموکراتی کوردستان و پ.ی.د سیروان لەتیف حاجی ڕاگری کۆلێژی تەکنیکی سۆران و ڕەجەب زوبێر حارس قائیمقامی قەزای ناوەندی سۆران و ئیسماعیل ئیبڕاهیم- سه‌رۆكی نوسینگه‌ی سۆرانی سه‌ندیكای ڕۆژنامه‌نووسانی كوردستان، بەرپرسانی حکومی و حزبی دەڤەری سۆران بەڕێوەچوو، هەریەک لە

د.ڕێبوار بابکەیی بەرپرسی لقی 10 پارتی دیموکراتی کوردستان و پ.ی.د سیروان لەتیف حاجی ڕاگری کۆلێژی تەکنیکی سۆران و ڕەجەب زوبێر حارس قائیمقامی قەزای ناوەندی سۆران و ئیسماعیل ئیبڕاهیم- سه‌رۆكی نوسینگه‌ی سۆرانی سه‌ندیكای ڕۆژنامه‌نووسانی كوردستان، وتاریان پێشکەشکرد، کۆی وتارەکان لەبازنەی بەهای کاری ڕۆژنامەوانی دەخولانەوە.

لە چوارچێوەی ئەم مەڕاسیمە ژمارە 20ـی ڕۆژنامەی سەربەخۆیی کە لەلایەن مامۆستا هەژار حەکیم، خاوەن ئیمتیاز و سەرنووسەر چاپ و بڵاوکرایەوە، لە هەمان کاتدا ناساندن بۆ کتێبی بزاڤی ڕۆشنبیری کرا کە لەلایەن مامۆستا سیروان مەحموود ئەرگۆشی نووسراوە.

 

*لە 13ـی نیسانی 2025
سیمپۆزیۆمی نێودەوڵەتی گۆڕانی کەشوهەوا  (ئاڵنگاری، پلان، هەوڵ)  لە کۆلێژی تەکنیکی سۆران بەرێوەچوو

ڕۆژی یەکشەممە 13ـی نیسانی 2025، لە پێشوازی 16ـی نیسان ڕۆژی ژینگەی کوردستان، کۆلێژی تەکنیکی سۆران بە هاوبەشی فەرمانگەی ژینگەی سۆران، سیمپۆزیۆمی نێودەوڵەتی ڕۆڵی حکومەتی هەرێمی کوردستان لە کۆنفڕانسی نێودەوڵەتی گۆڕانی کەشوهەوا و دەرئەنجامی (Cop29) لە ئیدارەی سەربەخۆی سۆران لە هۆڵی کۆنفڕانسی کۆلێژی تەکنیکی سۆران سازکرا.

لە سیمپۆزیۆمەکەدا، پ.ی.د.سیروان لەتیف حاجی ڕاگری کۆلێژی تەکنیکی سۆران و هەژار ماهر بەڕێوەبەری فەرمانگەی ژینگەی سۆران، بەپرسانی حکومی و حزبی و مامۆستایان و قوتابییانی کۆلێژەکەمان ئامادەیبوون.

لە دەستپێکی سیمپۆزیۆمەکەدا ڕاگری کۆلێژی تەکنیکی سۆران لە وتەیەکدا بەگەرمی بەخێرهاتنی میوانەکانی کرد و سوپاسی ڕاگرایەتی کۆلێژی تەکنیکی سۆران و فەرمانگەی ژینگەی سۆرانی کرد بۆ ئەنجادانی ئەم سیمپۆزیۆمە، نـاوبـراو لە درێژەی ووتارەکەیـدا تەئکید لە هاوکاری و  هەماهەنگی سەرجەم دام و دەزگایەکان کردوە لە پاراستنی ژینگە و مانەوەی سروشتی کوردستان بەشێوەیەکی تەندروست و جوان، هەروەها تیشکی خستە سەر گرینگی و  ڕۆڵی مامۆستایانی زانکۆ لە هۆشیاکردنەوە و  بەرەوپێش چوونی تاکەکانی کۆمەڵگا لەڕێگەی ئەنجامدانی توێژینەوەی زانستی و چالاکی جۆراوجۆر بۆ زیاتر ئاشنابوونی نەوەکانی داهاتوو بە کەلتووری ژینگە دۆستی .

هەروەها لە سیمپۆزیۆمەکەدا دوو سیمینار و دوو پانێڵ بەڕێوەچوون کە تیایدا ڕۆڵی هەرێمی کوردستان لە کۆنفڕانسی نێودەوڵەتی گۆڕانی کەشوهەوا (COP29) و چارەسەرەکانی بەرەنگاربوونەوەی گۆڕانی کەشوهەوا خرایە ڕوو.

لە کۆتایی سیمپۆزیۆمەکەدا قەڵغانی ڕێزلێنان بەخشرایە غەفور ئەحمەد مەلاسوار قائیمقامی قەزای مێرگەسۆر و لیوا حەسەن حالی فەرماندەی بەتالیۆنی ژینگەپارێزی بارزان و بەنووسراوی فەرمیش پێشنیار بەرزکرایەوە بۆ سەرۆکایەتی زانکۆی پۆلیتەکنیکی هەولێر و دەستەی پاراستن و چاککردنی ژینگە، بۆ ئەوەی قەزای مێرگەسۆر وەکو پایتەختی ژینگەی کوردستان لەسەر ئاستی هەرێمی کوردستان بناسێنرێت، ئەمەش لەبەرامبەر هەوڵەکانی ئەو سنوورە بۆ پاراستنی ژینگە و پارێزگاری سەدان ساڵە و بوونی ناوچەی سروشتی بارزان و کەلتووری پاراستنی ژینگە و پارێزگاریکردن لێی، هەروەها لە هەمان کاتدا سوپاس و پێزانینی کۆلێژی تەکنیکی سۆران و فەرمانگەی ژینگەی ئیدارەی سۆران، ئاراستەی قسەکەرانی سیمپۆزیۆمەکە کرا.

 

ڕۆژی سێشەممە 25ـی شوباتی 2025، بە هاوکاری و هەماهەنگی نووسینگەی ڕێزدار مەلا مستەفا بارزانی، قوتابییانی قۆناغی یەکەمی بەیانیان و ئێواران لە بەشی تەکنەلۆجیای زانیاری و کارگێری کار – کۆلێژی تەکنیکی سۆران، گەشتێکی زانستی ـیان بۆ بارزان ئەنجامدا و له‌لایه‌ن بەرێز خه‌ڵات بارزانی، نوێنه‌ری سه‌رۆك بارزانی پێشوازی كران.

لەم گەشتە زانستییەدا، لەلایەن سەرپەرشتیارانی مۆنۆمێنت و بە ئامادەبوونی م. محەمەد مەحموود سەرۆکی بەشی تەکنەلۆجیای زانیاری و سەدرەدین نەجمەدین بریاردەری بەشی کارگێری کار و عەبدولوەهاب یاسین مامۆستای بابەت، وانەی جینۆساید بەشێوەی مەیدانی لە مۆنۆمێنتی بارزانییە جینۆسایدکراوەکان لە بارزان پێشکەشی قوتابییان کرا.