Author Archives: karez hamad

گۆرانکاری لە دوو پۆستی کارگێری پەیمانگەی تەکنیکی مێرگەسۆر دەکرێت

رۆژی شەممە ڕێکەوتی 2023/10/14 بە ئامادەبوونی بەرێز د.طالب محمد شریف ڕاگری پەیمانگەی تەکنیکی مێرگەسۆر و بەشێک لە مامۆستاو فەرمانبەران گۆرانکاری لە پۆستی یاریدەدەری ڕاگر و سەرۆک بەشی کارگێری کار کرا.

لە سەرەتای مەراسیمەکە بەرێز ڕاگری پەیمانگە، وتارێکی پێشکەشکردو وێرای دەست خۆشی لە یاریدەدەری ڕاگر و سەرۆک بەشی کارگێری کار بۆ ئەوماوەیەی کە لەگەلمان وەک یەک تیم خۆنەویستانە کاریانکردووە و، هیوای تەمەن درێژی بۆ خواستن لە ئەرک و کاری نوێیان،

لە کۆتایدا سوپاس و پێزانینان پێبەخشرا گۆرانکاریەکان بەم شێوەیەبوو:-

1-لێبوردن (م.امینە ایوب سلێمان ) لە ئەرکی یاریدەدەری ڕاگر و، ڕاسپاردنی (م.سەربەست ناصر) بە ئەرکی یاریدەدەری ڕاگر

2-لێبوردنی (م.هەژار جوهر) لە ئەرکی سەرۆک بەشی کارگێری کار و ڕاسپاردنی (م. فەریدە علی عوسمان)/ بە ئەرکی سەرۆک بەشی کارگێری کار

راگەیاندنی پەیمانگەی تەکنیکی مێرگەسۆر

دابەشکردنی بروانامە و سوپاس پێزانین بەسەر مامۆستایان و بەشداربووانی خول

رۆژی دووشەمە ڕێکەوتی 2023/10/2 لە چوارچێوەی کاروچاڵاکییەکان و بەردەوامی پێشتخستنی تواناکان بە ئامادەبوونی ڕاگری پەیمانگەی تەکنیکی مێرگەسۆر بەرێز د. طالب محمد شریف و یاریدەدەری ڕاگر و بەشێک لە مامۆستایان و فەرمانبەران قوتابیان، بروانامەی بەشداریکردن بەسەر ئامادەبووان و بروانامەی رێزلێنان بەسەر مامۆستایانی خولی پەرەپێدنی زمانی ئینگلیزی دابەشکرا.

ئەم خولە بۆ ماوەی (١) مانگ لە ڕێکەوتی 2023/8/1 تاوەکو 2023/9/1 لە پەیمانگەی تەکنیکی مێرگەسۆر بەرێوەچوو لەژێر ناونیشانی( خولی هاوینە بۆ فێربوونی زمانی ئینگلیزی و پێشتخستنی تواناکان) ، کە بۆ کەس و کاری شەهید و ئەنفالکراوەکان بە خۆرایی بوو.

ڕاگەیاندنی پەیمانگەی تەکنیکی مێرگەسۆر.

ڕاگری پەیمانگەی تەکنیکی مێرگەسۆر بەشداری یادی ڕیفراندۆم دەکات

ڕۆژی دووشەمە 25ی 9ی 2023، ڕاگری پەیمانگەی تەکنیکی مێرگەسۆر د.طالب محەمەدشەریف و شاندی یاوەری، بەشدارییان کرد لە یادی شەشەمین ساڵیادی ئەنجامدانی ڕیفراندۆمی سەربەخۆیی گەلی کوردستان، لەژێر دروشمی ( پێری ئۆتۆنۆمی، دوێنێ فیدرالی، ئەمرۆ ڕیفراندۆم و بەیانی دەوڵەت).

ئەم یادە لەژێر چاودێری و سەرپەرشتی نووسینگەی رێزدار (مەلا مستەفا بارزانی) و بە پشتیوانی بەرێز (هەڵگورد شێخ نەجیب) سەرپەرشتیاری ئیدارەی سەربەخۆی سۆران و بەرێز (غەفور احمد ملاسوار) قائمیمقامی قەزای مێرگەسۆر، بەرێوەبەرایەتی رۆشنبیری و هونەری بارزان لە قەزای مێرگەسۆر ئەنجامدرا.

هەر لەمیانەی بەڕێوەچوونی یادەکەدا چەند چالاکییەک ئەنجامدران وەک کۆرێکی تایبەت بۆ ناساندنی کتێبی (ریفراندۆم… هەنگاوێک بەرەو ئەودیوی مانەوە) لە نووسینی ( مەعروف حەسەن )، و چەند گۆرانی و سروودێکی تایبەت بە یادەکە پێشکەشکران.

ڕاگەیاندنی پەیمانگەی تەکنیکی مێرگەسۆر

راگری پەیمانگە بەشداری لە کۆنفرانسێکی زانستی نێودەوڵەتی لە شاری سلێمانی دەکات

لەسەر بانگهێشتی فەرمی زانکۆی کۆمار بۆ زانست و تەکنەلۆجیا، راگری پەیمانگە بەشداری لە کۆنفرانسێکی زانستی ئەو زانکۆیە کرد.

رۆژی 18ـی ئەیلولی 2023، د. طالب محەمەد شەریف راگری پەیمانگەی تەکنیکی مێرگەسۆر وەک هەڵسەنگێنەر بەشداری کرد لە سێیەمین کۆنفرانسی زانستی نێودەوڵەتی زانکۆی کۆمار بۆ زانست و تەکنەلۆجیا، لەژێر ناونیشانی (ئاڵنگاریەکانی توێژینەوەی زانستی، و دوایین پێشهاتەکان لەبەردەم بواری زانستەکانی کرداری و مرۆڤایەتی).

کۆنفرانسەکە بۆ ماوەی دوو رۆژ لە شاری سلێمانی بەڕێوەچوو کە تیایدا توێژەرانی نێوخۆیی و بیانی دەرئەنجامی چەندین توێژینەوەیان خستەروو.

هەر لە پەڕاوێزی کۆنفرانسەکەدا راگری پەیمانگە سەردانی تاقیگە و بەشە زانستییەکانی زانکۆی ناوبراوی کرد و لە نزیکەوە لەگەڵ راگر و سەرۆک بەشەکان گفتوگۆی دەربارەی کۆمەڵێک بابەتی زانستی و کوالیتی خوێندن لە زانکۆکان کرد.

راگەیاندنی پەیمانگەی تەکنیکی مێرگەسۆر