دوابەدوای فەرمانی وەزارەتی خوێندنی باڵا و توێژینەوەی زانستی ژمارە 18152 لە 18/10/2022 وە فەرمانی زانکۆییمان ژمارە 8960 لە 18/10/2022، بەڕێوبەرایەتی تۆماری گشتی لیستی ناوی وەرگیراوانی پیشەیی لە بەشە هاوشێوەکانیان بەشێوەی سیستەمی ئێواران بۆ ساڵی خوێندنی 2022-2023 راگەیاند بەمشێوەیەی خوارەوە.
بەڕێوبەرایەتی پەیوەندییە نێودەوڵەتییەکانی زانکۆی پۆلیتەکنیکی هەولێر، وێرکشۆپی بەنێودەوڵەتیکردنی ستراتیژییەتی خوێندنی باڵا، پرۆگرامی خوێندن، وڕاهێنان وپەروەردەی پیشەیی و تەکنیکی بە هەماهەنگی لەگەڵ زانکۆی نۆتینگهامی بەریتانی لە 18 و 19ـی ئۆکتۆبەری 2022 ڕێکخست.
وێرکشۆپەکە بە ئامادەبوونی یاریدەدەری سەرۆکی زانکۆ بۆ کاروباری زانستی و ژمارەیەک ئەندامی ئەنجومەنی زانکۆ و مامۆستایان بەڕێوەچوو کە پێکهاتبوو لە چوار بابەتی گرنگ لە لایەن پسپۆڕ و پرۆفیسۆرەکانی زانکۆی نۆتینگهام بەڕێزان پ.د. جولیەت ثەندلانە، پ. د. ڤۆڵکەر ویدکایند، و جۆشوا هاکینز بەشێوەی ئۆنلاین پێشکەشکران.
بابەتەکان تایبەت بوون بە بەرەوپێشەوەچوونی ستراتیژییەتی بەنێودەوڵەتیکردن لە جیهانی دوای کۆڤید-19 ، بنیاتنانی هاوبەشییەکی پەروەردەیی سەرکەوتوو، چەمکە سەرەکییەکان و سەرنجەکانی بەنێودەوڵەتیکردنی پرۆگرامەکانی خوێندن، و کێشە دیبەیتەکانی چوارچێوەی لێهاتوویی و پرۆگرامی پیشەیی وکارکردن. هەروەها چەند بابەتێکی جیاواز باسی لێوە کرا وەک بەرچاوڕوونییەک لەسەر جۆر و ئاستی نێودەوڵەتیبوونی زانکۆی پۆلیتەکنیکی هەولێر .
ئەم وێرکشۆپە لە چوارچێوەی یاداشتی لێکتێگەیشتنی نێودەوڵەتی لە نێوان هەردوو زانکۆی پۆلیتەکنیکی هەولێر و نۆتینگهام کە لە مانگی تشرینی یەکەمی ٢٠٢١ واژوو کرا بەڕێوەچوو.
شایەنی باسە کە زانکۆی نۆتینگهام لە پلەی هەژدەهەمینە لەسەر ئاستی بەڕیتانیا و ١٣٠هەمینە لەسەر ئاستی جیهان بە پێی ڕێزبەندی
Times Higher Education.
دوای ئەوەی زانكۆی پۆلیتەکنیکی هەولێر لە ماوەی رابردوودا یاداشتی لێكتێگەیشتنی لەگەڵ هەردوو زانكۆی بێڵێفیڵد بۆ زانست و تەکنەلۆژیا و زانکۆی ڤرۆچتسواف بۆ زانست و تەکنەلۆژیا واژوو كرد و لە چوارچێوەی چالاكیەكانی ئۆفیسی پەیوەندییە نێودەوڵەتیەكان بە ئامانجی بە نێودەوڵەتی كردنی زانكۆ، دەرفەتی خوێندن بۆ یەک وەرز (سمستەر) بۆ قوتابییانی قۆناغی دووەم و سێیەمی کۆلێژەکانی زانکۆمان دەڕەخسێنێت لە هەردوو زانکۆی ناوبراو کە پێکهاتووە 5 کورسی بۆ هەر زانکۆیەک.
بۆ بەشداری كردن لەم پڕۆگرامە پێویستە قوتابی ئەم مەرجانەی خوارەوەی تێدابێت:
١-پێویستە قوتابی قۆناغی (دووەم یان سێیەم)ـی كۆلێژەکان بێت.
٢-پێویستە قوتابی ئینگلیزی زۆر بەباشی بزانێت و یەکێک لە بڕوانامەکانی (تۆفڵ/ B2) یان (ئایڵتس/ ئاستی 5-6)ـی هەبێت.
٣-گشت خەرجیەكان لەسەر ئەستۆی قوتابیە.
٤-قوتابی دەبێت وەكالە و كەفالە بکات و بەڵێننامە پڕ بكاتەوە كە دوای تەواوكردنی خوێندن بگەرێتەوە.
٥- لیژنەیەك پێك دێت بۆ هەڵسەنگانی قوتابیانی بەشداربوو.
٦- رۆژی 20/10/2022 دواکاتە بۆ پێشکەش کردن.
قوتابی ئارەزوومەند بە گوێرەی ئەم مەرجانە لە ڕێگەی ئەم لـــیـــنـــــــکـــــەوە دەتوانێت بەشداری بكات.
بە بۆنەی رۆژی جیهانی ئیفلیجی مێشک
(Cerebral Palsy day)
بەشی چارەسەری سروشتی لە کۆلێژی تەکنیکی تەندروستی و پزیشکی هەولێر بە هەماهەنگی لەگەڵ سەنتەری ئایلان هەڵسان بە ئەنجامدانی چەند چالاکییەک لە سەنتەری شاری هەولێر.
چالاکی یەکەم بریتی بوو لە پێشاندن و روونکردنەوەی کاریگەری چارەسەری سروشتی لەسەر چەند منداڵێکی تووشبوو بە ئیفیلیجی مێشک کە تیایدا رۆڵی چارەسەری سروشتی لە باشتربوونی بارودۆخی تەندروستییان بۆ دەزگاکانی راگەیاندن بەشێوەیەکی پراکتیکی روونکرایەوە.
لە چالاکیەکی دیکەدا قوتابیانی قۆناغی چوارەمی بەشی چارەسەری سروشتی لە کۆلێژی ناوبراو بەسەرپەرشتی سەرۆکی بەش د. مهدی خالد قادر سەردانی باغی شار و بازاری قەیسەریان کرد و ژمارەیەکی زۆر لە بڕۆشەری وشیارکردنەوە و رۆشنبیری سەبارەت بە رۆڵی چارەسەری سروشتی لە باشترکردنی بارودۆخی تووشبووانی نەخۆشی ئیفلیجی مێشک بەسەر هاونیشتمانیان و دوکاندار و کاسبکاران دابەشکرا.
شیاوی باسە ساڵانە لەم رۆژەدا بەشی چارەسەری سروشتی لە کۆلێژی تەکنیکی تەندروستی و پزیشکی هەولێر چالاکی هاوشێوە لە چەند شوێنێکی دیاریکراو لە بازاڕ و شوێنە گشتییەکان ئەنجامدەدەن بە مەبەستی زیاتر خزمەتکردن و وشیارکردنەوەی کۆمەڵگە لە نەخۆشییەکە و چۆنیەتی هاوکاریکردنی تووشبووان.
