ئەمڕۆ ڕێکەوتی ١٣ی ئایاری ٢٠٢٥ بە بۆنەی ڕۆژی (جیهانی پەرستاران) پەیمانگەی تەکنیکی پزیشکی هەولێر مەراسیمێکی شایستەی بەم بۆنەیەوە ڕێکخست.
بە ئامادەبوونی (پ.د. تیران جمیل پیرۆ) ڕاگری پەیمانگەی تەکنیکی پزیشکی و (م. طارق ويسی صادق) ياريدەدەری ڕاگری پەیمانگەی تەکنیکی پزیشکی هەولێر و (م. پیشتیوان ظاهر مجيد) سەرۆک بەشی پەرستاری و (پ.ی د. سەرسام خلیل شوانی) ڕاگری پەیمانگەی تەکنیکی کارگێڕی هەولێر (م.کۆڤان عمر بارزانی ) بەرپرسی ڕێکخراوی ماموستایانی زانکۆی پۆلیتەکنیکی هەولێر و (م.عبدالستار) بەرپرسی رێکخراوی فەرمانبەران مەراسیمی ڕۆژی پەرستارانی جیهانی بەرز ڕاگیرا. لە سەرەتا بەڕێز ڕاگری پەیمانگەی تەکنیکی پزیشکی هەولێر بەخێرهاتنی میوانانی کرد و پیرۆزباییەکی گەرمی لە گشت پەرستارانی جیهان و کوردستان بە گشتی و ماموستایان و فەرمانبەرانی بەشی پەرستای پەیمانگە بەتایبەتی کرد. دواتر هەر بە بۆنەی ڕۆژی جیهانی پەرستاران بەڕێزان (م. شیرین جوهر ) (م.صالح مصطفى) (م. دلێر طاهر) ( مریم یاسین) هەستان بە پێشکەشکردنی چەند سیمینارێک و ئەنجامدانی چەند چالاکیەکی تر .
لە کۆتاییدا خەڵاتی ڕێزلێنان بەخشرا بە ماموستایان و فەرمانبەرانی بەشی پەرستاری پەیمانگەکەمان کە ڕۆڵێکی گرنگیان هەیە لە پێگەیاندنی قوتابیانی ئەو بەشە.
