Monthly Archives: تشرینی یه‌كه‌م 2024

ئەمڕۆ سێ شەممە 8ی تشرینی یەکەمی 2024, پ.د.ئیدریس محمەمەد تاهیر هەرکی سەرۆکی زانکۆی پۆلیتەکنیکی هەولێر، لەگەڵ ڕاگری کۆلێژی تەکنیکی کارگێری هەولێر و ڕاگری پەیمانگەی تەکنیکی کارگێڕی هەولێر و بەشێک لە مامۆستایانی زانکۆمان بەشداریانکرد لە کردنەوەی شەشەمین کۆنفرانسی نێودەوڵەتی تایبەت بە پسپۆڕیەکانی ژمێریاری، کارگێری، ئابووری و سیاسەت، کە بەهاوبەشی هەرچوار زانکۆی نێودەوڵەتی تیشک و زانکۆی سەڵاحەدین و زانکۆی شێچن لە پۆڵەندا و زانکۆی سۆفیا لە بولگاریا ڕێکخراوە.

 

کۆنفرانسەکە لە سەنتەری ڕۆشنبیری و کۆمەڵایەتی زانکۆی سەلاحەدین بۆ ماوەی دوو ڕۆژ بەردەوام دەبێت، لە کۆنفرانسەکەدا کۆمەڵێک قسەکەر بابەت پێشکەش دەکەن لە بوارەکانی ئابووری، ژمێریاری، کارگێری و سیاسەت، هەروەها 45 توێژەر لە بوارە جیاوازەکانی تایبەت بە کۆنفرانسەکە توێژینەوەیان پێشکەش کردوە تاکو لەداهاتودا لە گۆڤارە ناوخۆیی و جیهانییەکاندا بڵاو بکرێنەوە.

 

ئامانجی كۆنفرانسەکە بەیەکەوە کارکردنە لەسەر دۆزینەوەی  بیرۆکەی هاوبەش، بۆ چارەسەرکردنی پرسە هەنوکەییە ژمێڕیاری و بازرگانی و ئابووری و کارگێڕی و سیاسیەکان.

 

ئەمڕۆ سێ شەممە 8ی تشرینی یەکەمی 2024 لەسەر راسپاردەی پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر، زانکۆی پۆلیتەکنیکی هەولێر میوانداری د.خانزاد ئەحمەد ئەمینداری گشتی باڵای خانمان، بۆ پێشکەشکردنی سیمینارێک لەژێر ناونیشانی “بەشداریکردنی ئافرەتان لە سیاسەتدا لە کاتی هەلبژاردن” کرد.

 

سیمینارەکە لە هۆڵی سەنتەری رۆشنبیری زانکۆی پۆلیتەکنیکی هەولێر بە ئامادەبوونی سەرۆکی زانکۆی پۆلیتەکنیکی هەولێر، بەشێک لە ئەندامانی ئەنجومەنی زانکۆ، مامۆستایان و قوتابیانی ئافرەت و چەندین میوان بەڕێوەچوو.

د.خانزاد ئەحمەد لە چەند بابەتێک لە سیمینارەکەیدا باسی لە گرینگی ڕۆڵی ئافرەتان لە سیاسەتدا، ئاسانی بەدەستهێنانی زانیاری سیاسی لە ڕێگای تەکنەلۆجیای نوێ، وە هەروەها ئەنجومەنی باڵای خانمان و کارو چالاکی ئەنجومەنی باڵای خانمان دواتر باسی لە سەرۆک و ئەندامانی ئەنجومەنەکە و هۆکاری کەمی خۆکاندیدکردنی ئافرەتان لە هەڵبژاردنەکاندا و گرینگی بەشداریکردنی ئافرەتان لە پەرلەمانی کوردستاندا کرد.

 

جگە لەوەش باسی لە بەشداریکردنی ئافرەتی کورد لە شۆڕشە ڕزگاریخوازەکانی میلەتی کورد کرد و سەنگ و قورسایی ئافرەتانی کوردی لەم شۆڕشانە خستە ڕوو.

لە کۆتایی سیمینارەکەشدا بە وڵامدانەوەی چەند پرسیارێکی میوانان و دووپاتکردنەوەی پشگیری تەواوی سەرۆکی حکومەتی هەرێمی کوردستان لە بەشداریکردنی ئافرەتان لە سیاسەتدا بە بەشداربوان گەیاند، دواتر سوپاسی سەرۆکی زانکۆی پۆلیتەکنیکی هەولێر ی کرد بۆ ئەم میوانداریە و گرنگی دانی سەرۆکی زانکۆ بۆ ئەم بابەتە بەرز نرخاند و بە وتنی “داهاتوو بۆ ئافرەتە” کۆتایی بە سیمینارەکە هینا.

 

ئەمڕۆ ڕێکەوتی: ٢٠٢٤/١٠/٧ بەڕێز (پ.ی.د. تیــران جمیـل پیــرۆ) ڕاگــری پەیـمانگەی تەکنیـکی پزیشـکی هەولێر. پێشـوازی لە بەڕێز (د. ئامانج برادۆستی) بەرپرسی ناوچەی ئاسۆ و کارگێڕانی ناوچە و بەرپرسی هەردوو ڕێکخراوی مامۆستایانی و فەرمانبەرانی زانکۆی پۆلیتەکنیکی هەولێر کرد.
سەردانەکە بەمەبەستی بەسەر کردنەوەی ستافی پەیمانگە بوو. بەڕێز ڕاگری پەیمانگە خۆشحاڵی خۆی بۆ ئەم سەردان و بەسەر کردنەوەیە دەڕبڕی هەردوو لا هیوای سەرکەوتنیان بۆ یەکتر دەربڕی.

            هۆبەی ڕاگەیاندن و چاڵاکییەکان 
       پەیمانگەی تەکنیکی پزیشکی هەولێر 
                          ٢٠٢٤/١٠/٧

پ.د.کیهان زرار غفور، ئەندامی ئەنجومەنی زانکۆی پۆلیتەکنیکی هەولێر و ڕاگــری کۆلێژی تەکنەلۆجی هەولێر، وەک وتاربێژی سەرەکی (Keynote Speaker) بانگهێشت کراوە بۆ چوارەمین کۆنفرانسی نێودەوڵەتی پەروەردە، زانست، تەکنەلۆجیا و بەڕێوەبردن(ICESTM-2024) ، کۆنفرانسەکە رێکخراوە لەلایەن پەیمانگای توێژینەوە و گۆڤارەکان (IRAJ).

 

ئامانجی سەرەکی چوارەمین کۆنفرانسی نێودەوڵەتی پەروەردە، زانست، تەکنەلۆجیا و بەڕێوەبردن(ICESTM-2024) کە بڕیارە لە ماوەی 29 و 30ی کانوونی دووەمی 2024 لە وڵاتی تایلەند بەڕێوەبچێت، دابینکردنی سەکۆیەکی هاوبەشە بۆ ئەکادیمیستانی جیهانی توێژەران و پەروەردەکاران.

ئەم کۆنفرانسە ئامانجیەتی ئاسانکاری بۆ ئاڵوگۆڕی توێژینەوەی داهێنەرانە، میتۆدۆلۆژیا و کردارە پراکتیکەکان لە سەرانسەری بەشە جیاوازەکانی پەروەردەیی و زانستیدا بکات. (ICESTM-2024) هەوڵدەدات بۆ هاندانی گفتوگۆ، پەرەپێدانی پەیوەندی نێوان زانستەکان و پیشاندانی ستراتیژییە کاریگەرەکان، لە کۆتاییدا ئامانجی پێشخستنی بەشی پەروەردەیی و داهێنانە لە سەرانسەری جیهان.