بەڕێوەبەرایەتی تۆماری گشتی زانکۆی پۆلیتەکنیکی هەولێر ئەنجامی (بەرایی) وەرگیراوان بە سیستەمی پۆلیتەکنیک (پارالێڵ) بۆ ساڵی خوێندنی (2024-2025) ڕادەگەیەنێت، هەر فێرخوازێک تانەی لە ئەنجامەکان هەیە دەتوانێت رۆژی چوار شەممە و پێنجشەممە 11 و 12ی ئەیلوولی 2024، سەردانی سەرۆکایەتی زانکۆی پۆلیتەکنیکی هەولێر/ بەڕێوەبەرایەتی تۆماری گشتی بکەن بە مەبەستی پرکردنەوەی فۆرمی تانە .

تێبینی: ئەنجامە بەراییەکان ئەنجامی کۆتایی نین، دوای دەرچوونی فەرمانی وەزاری لە لایەن وەزارەتی خوێندنی باڵا و توێژینەوەی زانستی ئەنجامی کۆتایی وەرگیراوان بڵاودەکرێتەوە.

 

لیستی ناوەکان:

لیستی ناوی وەرنەگیراوانی سلێمانی
لیستی پەیمانگە تایبەتەدووساڵییەکان – وەرنەگیراوان
لیستی پۆلیتەکنیک – وەرنەگیراوان
لیستی ناوی پەیمانگە تایبەتە دووساڵییەکان
لیسیتی ناوی وەرگیراوان دهۆک
لیستی ناوی وەرگیراوانی سلێمانی
لیستی ناوی وەرگیراوانی سیستەمی پۆلیتەکنیک

ئەمڕۆ سێ شەممە 10ی ئەیلوولی 2024، لەژێر چاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، و بە سەرپەرشتی ڕاگری کۆلێژی تەکنیکی تەندروستی و پزیشکی هەولێر، بەرێوەبەرایەتی سەنتەری پەرەپێدانی کار (CDC) و بەرێوەبەرایەتی پەرەپێدانی پرۆگرامەکانی خوێندن( DCD) پێشانگەی هەلی کار لە کۆلێژی ناوبراو کرایەوە.

 

بە ئامادەبونی ئومێد خۆشناو، پارێزگاری هەولێر، فەلاح حەسەن سەرۆکی فەرمانگەی رێکخراوە ناحکومیەکان، د.یاسین حەمەصالح بەرێوەبەری گشتی نێردراوان و پەیوەندیە ڕۆشنبیریەکان، پ.ی.د.بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی، پ.ی.د. یوسف مستەفا ڕەسوڵ یاریدەدەری سەرۆکی زانکۆ بۆ کاروباری قوتابیان و بەشەناوخۆییەکان و به‌شێك له‌ ئه‌ندامانى ئه‌نجومه‌نى زانكۆ و چەندین میوان پێشانگەکە بەڕێوەچوو.

 

سەرەتای کردنەوەی پێشەنگاکە سەرۆکی زانکۆ لە رێگای ووتارێک دوای بەخێرهاتنی میوانان و دەستخۆشی لە ئەنجومەنی کۆلێژی ناوبراو لەبەرامبەر کردنەوەی پێشانگەکە، گرنگی و پشتگیری خۆی بۆ زیندوکردنەوەی ئەم ڕۆژە جیهانیانە دەربڕی و بە پێویستی زانی گرنگی چارەسەری سروشتی بە خەڵک بگەیەندرێت.

 

لەبەشێکیتری ووتارەکەیدا جەختی لە دروستکردنی هەماهەنگی نێوان کۆمپانیا تەندروستیەکان، نەخۆشخانە و سەنتەرەکان کە ئەم جۆرە چارەسەرە بەکاردێنن لەگەڵ زانکۆکەمان لە پێناو ڕەخساندنی هەلی کار بۆ قوتابیانی کۆلێژی ناوبراو کردەوە.

 

 دواتر گرنگی ئەم بەشەی لەسەر ئاستی جیهان نیشان دا، ستراتیژیەتی زانکۆ بە پێداچونەوەی پرۆگرامەکانی خوێندن لە بەشە پزیشکیەکان و خۆگونجاندن لەگەڵ بازاری کار خستەروو،ئاماژەی بە کردنەوەی 11 بەشی نوێ بە بیرۆکەی ئەوەی زانکۆ بتوانێت خۆی لەگەڵ بازاڕی کار بگونجێنێت و دەرچوانی ئەم بەشانە بتوانن دوای دەرچونیان بە ئاسانی هەلی کار بەدەست بێنن.

 

لە کۆتایی پێشانگەکە سەرۆکی زانکۆ دەستخۆشی لەو کۆمپانیا، نەخۆشخانە و سەنتەرانە کردەوە کە هاوکاربوون لە کردنەوەی ئەم پێشانگەیە و هیوای سەرکەوتنی بۆ مامۆستاو قوتابیانی ئەم کۆلێژە خواست.

ڕاگری پەیمانگا پێشوازی لە پسپۆڕان و ئەکادیمییەکانی پەروەردەکردنی مێش هەنگ دەکات

ئەمرۆ دووشەممە 9ی ئەیلوولی 2024، د.طالب محمد شەریف عومەر راگری پەیمانگەی تەکنیکی مێرگەسۆر، پێشوازی لە تیمێکی پسپۆڕی هەنگەوانی و ئەکادیمی و بەرپرسی هەنگەوانانی هەرێمی کوردستانی کرد.

لە دیدارێکدا گفتۆگۆکرا لەسەر پێداویستی بەشەکان و بەرزکردنەوەی سەرچاوە ئەکادیمی و کردارییەکانی بەشی پەروەردەکردنی مێش هەنگ لە پەیمانگەی تەکنیکی مێرگەسۆر، و تیشکخرایە سەر چارەسەرکردنی ئەو کار و پێداویستی و ئاڵنگنرییانەی کە بەشی پەروەردەکردنی هەنگ ڕووبەڕووی دەبنەوە.

هەر لەو دیدارەدا پسپۆڕ و ئەکادیمییەکان تێڕوانینەکانیان لەسەر ڕەوتی ئێستای پیشەسازی، دەرفەتەکانی توێژینەوە، و بەکارهێنانی پراکتیکی پێویست بۆ پەرەپێدانی بەشەکە خستەڕوو. ئامانجی گفتوگۆکان ئەوە بوو کە قوتابیان تێگەیشتنێکی باشتریان لەسەر لایەنە زانستی و بازرگانییەکانی هەنگەوانی هەبێت، ئەمەش لەپێناو دڵنیابوون لەوەی کە ئامادەکارییەکی باشیان بۆ پیشەی داهاتوو لە بوارەکەدا کردووە.

بابەتەکانی سەرەکی کۆبوونەوەکە بریتی بوون لە باشترکردنی دەستڕاگەیشتنی قوتابیان بۆ دەرفەتەکانی کاری مەیدانی، بەرزکردنەوەی دامەزراوە تاقیگەییەکان بۆ لێکۆڵینەوە، و پەروەردەکردنی مێش هەنگ و هەماهەنگی لەگەڵ هەنگەوانانی ناوخۆیی.

بەرپرسی هەنگەوانانی هەرێمی کوردستان جەختی لە گرنگی ئەزموونی کردەیی کردەوە، بەشێوەیەک کە چۆن پشتگیری لە بەشداریکردنی قوتابیان بکرێت لەگەڵ کۆمەڵگەی هەنگەوانی ناوخۆیی.

ڕاگری پەیمانگە سوپاس و پێزانینی خۆی بۆ سەردانی پسپۆڕان و ئەکادیمییەکان دەربڕی و ئاماژەی بەوەکرد کە پەیمانگەی تەکنیکی مێرگەسۆر پابەندە بە پێشخستنی کشتوکاڵی بەردەوام و گونجاندنی بەرنامەکانی تایبت بە پەرەپێدانی دامەزراوەکە کە لەگەڵ پێداویستییە هەنووکەییەکانی گەشەسەندنی ناوچەکە و هەرێمەکەماندا بگونجێت.

لە دیدارەکە بە ڕێککەوتنێکی هاوبەش کۆتایی هات بۆ بەردەوامبوون لە هاوکاری نزیک بۆ دڵنیابوون لە سەرکەوتنی بەشی پەروەردەکردنی مێش هەنگ بەخێوکردن لە پەیمانگەی تەکنیکی مێرگەسۆر.

ئەم دەستپێشخەرییە پەیمانگەی تەکنیکی مێرگەسۆر هەنگاوێکی بەرچاوە لە پێشخستنی بواری ئەکادیمی کشتوکاڵی ئابووری و خزمەتگوزاری کۆمەڵایەتی لە ئیدارەی سەربەخۆی سۆران.

راگەیاندنیپەیمانگەیتەکنیکی_مێرگەسۆر

 

ڕاگری پەیمانگای تەکنیکی مێرگەسۆر بەشداری لە وۆرکشۆپێکی نێودەوڵەتی تایبەت بە دۆزینەوەی چارەسەر بۆ ئاڵنگارییەکان دەکات

ڕۆژانی پێنجشەممە و هەینی 5-6ی ئەیلولی 2024، د. طالب محەمەد شەریف عومەر ڕاگری پەیمانگەی تەکنیکی مێرگەسۆر-زانکۆی پۆلیتەکنیکی هەولێر بەشداری لە وۆرکشۆپێک کرد لەژێر ناونیشانی ” بە دۆزینەوەی چارەسەرێک ئاڵنگارییەکان لە رێگای دۆزینەوەی بەرهەمێک و ناساندی بە بازاری کار ” کە بۆ ژمارەیەک زانکۆ و پەیمانگە رێکخرابوو.

وۆرکشۆپەکە بۆ ماوەی دوو ڕۆژ لە هۆتێل ڕادیسۆنی هەولێر بەردەوام بوو و تایبەت بوو بە پرۆگرامێکی هەشت هەفتەیی بۆ بەستنەوەی قوتابیانی زانکۆکانی عێراق و ئوردن لەگەڵ قوتابیانی زانکۆکانی ئەمریکا بە مەبەستی بە دۆزینەوەی چارەسەرێک ئاڵنگارییەکان لە رێگای دۆزینەوەی بەرهەمێک و ناساندی بە بازاری کار .

مەبەست لە وۆرکشۆپەکە دۆزینەوەی باشترین چارەسەری بازرگانییە کە قوتابیان پەرە بە کارامەییەکانیان دەدەن بۆ هاوکاریکردن لە بواری کولتوورە جیاوازەکاندا و دۆزینەوەی چارەسەر بۆ کێشەکان، بەشێوەی تیم، ودۆزینەوەی بیرۆکەی بازرگانی داهێنەرانە بۆ چارەسەری گرفتەکان و دۆزینەوەی بەرهەمێک و ناساندنیان بە بازاری کار.

ئەم پرۆگرامە (The Global Solutions Sustainability Challenge) لە ژێر دەستپێشخەری ستیڤنز بەڕێوەدەچێت، کە لەلایەن رێکخراوی IREX ی ئەمریکییەوە جێبەجێ دەکرێت، پێشبڕکێیەکی دۆزینەوەی چارەسەری بەردەوام بۆئاڵنگارییەکان و بازرگانی کە قوتابیانی کۆلێژ لە ئەمریکا و ئوردن و عێراق لەسەر تیمە دوو نەتەوەییەکان بەیەکەوە لە تیمێکدا هاوکاری یەکتر دەکەن بۆ ئەوەی کار لەسەر چارەسەرێکی بەردەوام بۆ ئاستەنگە ناوخۆییەکانی پەیوەست بە ئامانجەکانی گەشەپێدانی بەردەوامی نەتەوە یەکگرتووەکان بکەن.

تیمە دوو نەتەوەییەکان لە ماوەی هەشت هەفتەدا لە ڕێگەی پرۆسەی بیرکردنەوەی دیزاینەوە بەشداری دەکەن بە بیرۆکەی چارەسەرێکی بەردەوام بۆ پێداویستییە ڕاستەقینەکان لە کۆمەڵگە ناوخۆییەکانیان.

پرۆگرامی گڵۆباڵ سۆڵیوشن ئاڵوگۆڕی لە رێگای ئۆنلاین بەکاردەهێنێت بۆ باشترکردنی لێکتێگەیشتن و توانای چارەسەرکردنی کێشە لە نێوان قوتابیادا. بە درێژایی چاڵێنجەکە، بەشداربووان پەرە بە تواناکانی هێزی کار دەدەن و تۆڕێک لەگەڵ پیشەوەرە پیشەسازییەکان دروست دەکەن.

چارەسەرە جیهانییەکان لەلایەن دامەزراوەی IREX جێبەجێ دەکرێت و لەلایەن دەستپێشخەری ئاڵوگۆڕی ئەم پرۆگرامە Christopher Stevens (JCSVEI) پشتگیری دەکرێت. JCSVEI پرۆگرامێکی نووسینگەی کاروباری پەروەردەیی و کولتووری وەزارەتی دەرەوەی ئەمریکایە کە لەلایەن پەیمانگای ئاسپێنەوە بەڕێوەدەبرێت.

راگەیاندنیپەیمانگەیتەکنیکی_مێرگەسۆر