ئەمرۆ 26ی ئەیلوولی2024، لەسەر ڕاسپاردەی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د.مراد ئەمیر ئەحمەد بەنوێنەرایەتی زانکۆی پۆلیتەکنیکی هەولێر بەشداری لە دووەمین کۆنفرانسی نێودەوڵەتی ددان لە هەولێر کرد.
کۆنفرانسەکە لەلایەن زانکۆی هەولێری پزیشکی و زانکۆی ئوردن ڕێکخرابوو، بە ئامانجی ڕەخساندنی دەرفەتێک بۆ ئاگاداربوونی بەشداربووان لە نوێترین داهێنان و ڕەوت و نیگەرانییەکان لە بواری کەرەستەی ددان و تەکنەلۆژیای نوێکراوە و تەکنیکە پێشکەوتووەکاندا.
ٸەمڕۆ پێنج شەممە 26ی ئەیلوولی 2024 لەدرێژەی چالاکیەکانی مەڵبەندی ڕاوێژکاری زانکۆی پۆلیتەکنیکی ھەولێر بەئامادەبوونی پ.د.ٸازاد حەسەن قادر یاریدەدەری سەرۆکی زانکۆ بۆ کاروباری کارگێڕی و دارایی، پ.ی.د.یوسف مستەفا ڕەسوڵ یاریدەدەری سەرۆکی زانکۆ بۆ کاروباری قوتابیان و بەشەناوخۆییەکان، بەرێوەبەری نوسینگە و بەڕێوەبەری کارگێڕی زانکۆ پێشوازیان کرد لە پ.ی.د.بەدر سورچی پسپۆر لە چارەسەری نەخۆشی بەگیا دەرما ن.
بەئامانجی ھاوکاری کردنی قوتابیانی دەرچووی پۆلی12، مەڵبەندی ڕاوێژکاری زانکۆمان هەستا بە ڕێکخستنی سیمینارێک بۆ پ.ی.د.بەدر سورچی، لەسیمینارەکەدا باس لە کۆمەڵێک زانیاری بەسود و ڕێنوێنی بۆ قوتابیانی ٸامادەبوو و کەسوکاریان کرا.
چەندین پرسیارو روونکردنەوە درا بەقوتابیان و ٸاماژەکرا بە بەشە زانستیەکان و داھاتووی ٸەو بەشانەی لە کۆلێژو پەیمانگەکان ھەن . ھەروەھا چۆنیەتی ھەڵبژاردنی ٸەو بەشانە بەپێی توانا، لێھاتوویی و ٸارەزووی قوتابی .
ھەموو ٸەو بابەتانە وەک ٸاسانکاری و ھاوکارییەک بۆ قوتابیانی دەرچووی پۆلی دوازدە ڕوون کرایەوە کەمەڵبەندی ڕاوێژکاری لەزانکۆی پۆلیتەکنیکی ھەولێر پێی ھەڵدەستێت.
شایەنی باسە ٸەو چالاکیانە بەردەوام دەبێت بەمیوانداری کردنی چەندین پسپۆر و شارەزا لەزانکۆ و پەیمانگەکان .
ئەمرۆ چوارشەممە 25ی ئەیلوولی2024، بە ئامادەبونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د. بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا، بەشێک لە بەرێوەبەرانی سەرۆکایەتی زانکۆی پۆلیتەکنیکی هەولێر مەراسیمی کۆتایی هێنان بەخولێکی ڕاهێنان بۆ ستافی CDC زانکۆی پۆلیتەکنیکی هەولێر ئەنجام درا.
سەرەتای مەراسیمەکە سەرۆکی زانکۆ لە ووتارێکیدا سوپاس و دەستخۆشی خۆی ئاراستەی ڕێکخەران خوولەکە کرد، هیوای سەرکەوتن و سوود بینینی بۆ بەشداربوانی خولەکە خواست، بەو ئامانجەی ئەم خولە بتوانێت گۆڕانکاری باش لە کۆلێژ و پەیمانگەکان لە بواری CDC بکات.
لە بەشێکیتری ووتارەکەی سەرۆکی زانکۆدا پالپشتی خۆی بۆ ئەم جۆرە خولانە دەربڕی و ئاماژەشی بەوە کرد ئەم خولانە ڕۆڵی گرینگیان دەبێت لە بەرزکردنەوەی ئاستی زانستی زانکۆمان، بۆ ئەمساڵی خوێندنی 2024-2025 زانکۆمان چەندین بەشی نوێی کردۆتەوە بە ئامانجی خۆ گونجاندن لەگەڵ بازاری کاردا بۆئەوەی قوتابیانی ئەم بەشانە بتوانن دوای دەرچوونیان هەلی کار لە بازارەکانی کوردستان بەدەستبێنن.
خولەکە بە هاوکاری ڕێکخراوی COWATER لە پڕۆژەی ازدهاراک لە لایەن یەکێتی ئەوروپا تەمویل کراوە، بەمەبەستی بەشداریکردنی ستافی سەنتەری گەشەپێدان بۆ کار لە گشت کۆلیژ و پەیمانگە تەکنیکیەکانی سەر بە زانکۆمان بەڕێوەچوو.
وۆرکشۆپەکە لەشاری هەولێر ماوەی سێ رۆژی خایاند، بە مەبەستی پەرەپێدانی تواناکانی بەشداربوان لە بواری گەشەکردنی کار، شیکردنەوەی ئەرکەکانی سەنتەر، پێکهاتە و چۆنیەتی ڕێکخستنی کارەکانی ستافی سەنتەر بۆ ئەوەی بتوانن بە باشترین شێوە کارو ئەرکەکانیان ئەنجام بدەن، بە ئامانجی ئەوەی دەرچووانی زانکۆ بتوانن جێگای خۆیان لە بازاری کار بکەنەوە.
ئەم وۆرک شۆپە بە سەکۆیەکی گرنگ دائەنرێت بۆ ئاڵوگۆری زانیاری و پەرەپێدانی ستراتیژیەکان بۆ بەرز کردنەوەی هەلی کارو گەشەپێدانی پیشەیی بۆ گەنجان لە ڕێگای هاوکاری و هەماهەنگی لەگەل کۆمپانیاو دامەزراوەکانی کەرتی تایبەت و کەرتی گشتی لە کوردستان.
لە کۆتایی خولەکەشدا سەرۆکی زانکۆ بروانامەی بەشداربوونی بەسەر بەشداربوانی خولەکە بەخشی و دووبارە هیوای سەرکەوتنی بۆ خواستن.
https://www.facebook.com/Etec.Official/videos/1623016251579022