Daily Archives: حوزه‌یران 2, 2024

تیمی قوتابییانی زانکۆی پۆلیتەکنیکی هەولێر بە نوێنەرایەتی وڵاتی عێراق بەشدارییان کرد لە پێشبڕکێی جیهانی هواوی لە وڵاتی چین و توانیان پلەی دووەم بەدەست بهێنن لەسەر ئاستی جیهان کە تایبەت بوو بە بواری نێتوۆرکینگ.

ڕۆژی 22ی ئایاری 2024، تیمی قوتابییانی زانکۆی پۆلیتەکنیکی هەولێر کە پێکهاتبوون لە بەیار قەهار قوتابی قۆناغی چوارەمی بەشی ICTE لە کۆلێژی تەکنەلۆجی هەولێر و بەشار قەهار قۆناغی دووەمی بەشی ISE لە کۆلێژی تەکنیکی ئەندازیاری هەولێر بەسەرپەرشتی مامۆستا شیرین عەبدوڵڵا ئەنوەر بەڕێوەبەری سەنتەری ئەکادیمیای هواوی لە زانکۆی پۆلیتەکنیکی هەولێر لە وڵاتی چین بەشدارییان کرد لە پێشبڕکێی جیهانی هواوی و توانیان سەرکەوتنێکی گەورە بۆ زانکۆی پۆلیتەکنیکی هەولێر و خۆیان تۆمار بکەن و پلەی دووەم لەسەر ئاستی جیهان بەدەست بهێنن.

تیمی زانکۆمان بە نوێنەرایەتی سەرجەم زانکۆکانی عێراق بەشداربوون لە قۆناغی کۆتایی پێشبڕکێی جیهانی هواوی (ICT Networking) کە تیایدا 476 پێشبڕکێکار لە 161 تیم و لە 49 وڵات و هەرێم لەسەر ئاستی جیهان بەشداربوون.

شیاوی باسە تیمی زانکۆمان لە قۆناغی یەکەمدا لەسەر ئاستی عێراق سەرکەوتن بۆ قوناغی دووەم کە لە وڵاتی بەحرەین بەڕێوەچوو لەوێش پلەی دووەمیان بەدەستهێنا و گەیشتنە قۆناغی کۆتایی کە لە وڵاتی چین لە رۆژی 22ی ئایاری 2024 بەڕێوەچوو.

سەرەتای پێشبڕکێیەکە بەکۆی گشتی زیاتر لە 170 هەزار قوتابی لە زیاتر لە 80 وڵات و هەرێمەوە کێبڕکێیان کرد بۆ ئەوەی چانسی بەشداریکردنیان هەبێت لە قۆناغەکانی کۆتایی.

 

ڕاگری پەیمانگەی تەکنیکی مێرگەسۆر وەک قسەکەرێکی سەرەکی بەشداری کۆنفرانسێکی نێودەوڵەتی دەکات

رۆژی یەکشەممە 2ی حوزەیرانی 2024، دکتۆر طالب محەمەد شريف عمر راگری پەیمانگای تەکنیکی مێرگەسۆر / زانکۆی پۆلیتەکنیکی هەولێر، بە شێوەی ئۆنلاین (پلاتفۆرمی زووم) وەک میوانی فەخری لە کۆنفرانسی نێودەوڵەتی ساڵانەی Delhi School of Professional Studies and Research, University New Delhi India

لەژێر ناونیشانی “تەکنەلۆژیا، ئاشتی، خۆشگوزەرانی و پەروەردە”، لە 2ی حوزەیرانی 2024 لە هیندستان بەڕێوەچوو. لە وتارێکدا دکتۆر طالب محمد شريف عمر تیشکی خستە سەر ڕۆڵی سەرەکی تەکنەلۆژیا لە پەروەردەکردنی ئاشتی، خۆشگوزەرانی و پەروەردە.

لە وتارەکەدا، ڕاگری پەیمانگە جەختی لەسەر کاریگەری گۆڕانکارییەکانی پێشکەوتنە تەکنەلۆژییەکان لەسەر دەستپێشخەرییەکانی ئاشتی جیهانی، گەشەی ئابووری و دەرفەتەکانی خوێندن کردەوە. بە بەکارهێنانی داهێنانە پێشکەوتووەکان بۆ داهاتوو خستەڕوو کە تەکنەلۆژیا وەک ئامرازێک بۆ گۆڕانکاری ئەرێنی کاردەکات، کەلێنەکان پڕدەکاتەوە و کوالیتی ژیان بۆ کۆمەڵگاکان لە سەرانسەری جیهاندا بەرز دەکاتەوە.

راگری پەیمانگە جەختی لە گرنگی هەوڵە هاوبەشەکان لە نێوان ئەکادیمیا، پیشەسازی و حکومەت کردەوە بۆ بەکارهێنانی تواناکانی تەکنەلۆژیا لە چارەسەرکردنی ئاستەنگە جیهانییە زەقەکاندا. لە ڕێگەی هاوبەشی ستراتیژی و وەبەرهێنانی بەردەوام لە توێژینەوە و پەرەپێدان.

راگری پەیمانگە جەختیشی کردەوە کە تەکنەلۆژیا دەتوانێت هێزێکی بزوێنەر بێت بۆ دروستکردنی کۆمەڵگایەکی دادپەروەرانەتر و ئاوەدانتر و گوتی: “من خۆشحاڵم کە وەک میوانی فەخری بانگهێشتکراوم لە کۆنفرانسی ساڵانەی نێودەوڵەتی زانکۆی نیو دێلهی
و تیشکی خستە سەر ئەوەی کە لەڕێگەی پێشکەوتنی تەکنەلۆژیا، توێژەران و پەروەردەکاران دەتوانن ڕێگە خۆش بکەن بۆ داهاتوویەک کە ئاشتی، خۆشگوزەرانی و پەروەردە بۆ هەمووان دەستەبەر بکات، دووپاتیشی کردەوە پێکەوە دەتوانین جیهانێک دروست بکەین کە تەکنەلۆژیا وەک ئایدیاڵێکی هیوا و پێشکەوتن خزمەت بکات.”.

26 هەمین کۆنفرانسی ساڵانەی نێودەوڵەتی لە ژێر ناونیشانی حیکمەتی کۆن: خۆشگوزەرانی، ئاشتی و بەدیهێنان، لەوڵاتی هیندستان بەڕێوەچوو کە تیایدا پسپۆڕان، زانایان و پزیشکانی پێشەنگی بوارە جیاوازەکانی کۆکردبووەوە بۆ گفتوگۆکردن و هاوبەشکردنی تێڕوانینەکان لەسەر یەکتربڕینی تەکنەلۆژیا و پێشکەوتنی کۆمەڵایەتی.

راگەیاندنی پەیمانگەی تەکنیکی مێرگەسۆر

رۆژی یەکشەممە 2ی حوزەیرانی 2024، بەنوێنەرایەتی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د. موراد ئەمیر ئەحمەد راگری کۆلێژی تەکنیکی تەندروستی و پزیشکی هەولێر و پ.ی.د. تیران جەمیل پیرۆ ڕاگری پەیمانگەی تەکنیکی پزیشکی هەولێر سەردانی زانکۆی هەولێری پزیشکی – کۆلێژی زانستە تەندروستیەکانیان کرد.

لەو سەردانەدا شاندی زانکۆمان بەشداریان کرد لە چوارەمین  فێستیڤاڵی بەهارەی کۆلێژی زانستە تەندروستییەکانی زانکۆی هەولێری پزیشکی، کە چەندین چالاکی تەندروستی و فۆلکلۆری و هونەری و پاڵپشتی کردن لە (٥٠) پڕۆژەی لۆکاڵی لەخۆ گرتبوو.

رۆژی یەکشەممە 2ی حوزەیرانی 2024، پ.د. ئیدریس محمەد تاهیر هەرکی سەرۆکی زانکۆی پۆلیتەکنیکی هەولێر پێشوازی لە سنچۆل لیم، کونسولی گشتی کۆریای باشوور لە هەرێمی کوردستان و شاندی یاوەری کرد.

لە دیدارێکدا کە هەر یەکە لە یاریدەدەرانی سەرۆکی بۆ کاروباری کارگێڕی و دارایی، زانستی و خوێندنی باڵا، بەڕێوبەری گشتی سەرنتەری توێژینەوەی زانستی زانکۆمان و بەڕێوبەری نووسینگەی سەرۆکی زانکۆ ئامادەیبوون، گفتوگۆکرا دەربارەی پتەوکردنی پەیوەندییەکانی زانکۆمان لەگەڵ زانکۆکانی وڵاتی کۆریا  لە رێی کۆنوسلخانەی ناوبراوەوە.

هەر لەو دیدارەدا سەرۆکی زانکۆ باسی مێژووی دروستبوونی زانکۆ و کۆلێژ و پەیمانگەکانی سەربە زانکۆمان کرد و پلان و ستراتیژی زانکۆمانی بۆ ئایندە بۆ شاندی میوان خستەڕوو، لای خۆیەوە کونسولی کۆریا سەرسامی خۆی دەربڕی بە ستراتیژی کارکردنی زانکۆ و هیوای سەرکەوتنی بۆ زانکۆمان خواست.

 لە بەشێکی دیکەی دیدارەکەدا پێشنیار کرا لەم نزیکانە کونسولی کۆریا لە هەرێم، وۆرکشۆپێک بۆ ستافی زانکۆمان ئەنجام بدات و تیایدا ئەزموون و چۆنیەتی گەشەسەندن و پێشکەوتنی وڵاتەکەی بخاتەڕوو ئەمەش لەپێناو ئەوەی ستافی زانکۆمان سوود لەو ئەزموونە وەربگرن و کاری لەسەر بکەن.