وانەی کرداری بەشی زانستی پەرستاری بەسەرپەریشتی مامۆستا نێرگز بایز.

لە وانەکەدا راهێنان بە قوتابیانی قۆناغی دووەمی بەشی پەرستاری دەکەن لە ناو تاقیگەکانی پەیمانگە بە بەکارهێنای هاوشێوەی مرۆڤێکی نەخۆش کەناسراوە بە( ئەلێکس). وانەکە تایبەت بوو بە (فێرکاری دانانی سۆندەی خۆراک)،
Nasogastric tube procedure on ALEX(patient
simulator).

دووشەممە١١/١١/٢٠٢٤

ڕاگەیاندنیپەیمانگەیتەکنیکی_مێرگەسۆر

 

ئەمرۆ ڕاگری پەیمانگە سەردانی بەرێوەبەرایەتی پەروەردەی سۆرانی کرد

ئەمڕۆ پێنجشەممە 2024/10/31بەرێز (د. طالب محمد شەریف عمر )ڕاگری پەیمانگەی تەکنیکی مێرگەسۆر سەردانی بەرێوەبەرایەتی پەروەردەی سۆرانی کرد و لەلایەن بەرێوەبەری پەروەردە مامۆستا( حسن محمد سالح )پێشوازیان لێکرا .

سەردانەکە زیاتر بۆ هەماهەنگی و پێشخستنی بواری پەروەردەیی و پەرەپێدانی تواناکانی پیشەیی مامۆستایان و فەرمانبەران بوو کە گفتوگۆیان لە سەرکرا.

پەیمانگەی تەکنیکی مێرگەسۆر لە چوارچێوەی پەیوەندییە ئەکادیمییەکان و جێبەجێکردنی ئەرکی سێیەمی زانکۆ هەموو هاوکاریەکی نیشاندا بۆ سود گەیاندن بۆ پەروەردەی سۆران، هەر لەو چوارچێوەیەدا چەند مامۆستایەکی پەروەردەی سۆران بەشداری خول و ڕاهێنانێکی نێودەوڵەتی دەبن، بەسەر پەرشتی کۆلێجی پۆرتڤل لە ئەمریکا و بە هەماهنگی لەگەل پەیمانگەی تەکنیکی مێرگەسۆر/ زانکۆی پۆلیتەکنیکی هەولێر.
خولەکە بە ناونیشانی ( پەرەپێدانی توانا ئەکادیمی نێودەڵەتی مامۆستایان لە وانە وتنەوەدا) لە نێوان پەیمانگەی تەکنیکی مێرگەسۆر کۆلێژی پۆرتڤل لە ئەمریکا بە شێوەی ئۆنڵاین ئەنجام دەدرێت و بۆ ماوەی چوار مانگ بەردەوام دەبێت کە بریاوایە لە
١١/١١/٢٠٢٤) دەسپێ بکات.

ڕاگەیاندنی پەیمانگەی تەکنیکی مێرگەسۆر
پێنجشەممە 2024/10/31

ڕاگری پەیمانگە بەشداری کۆبونەوەی ساڵانەی ئەمینداریەتی ئەندامانی یەکێتی زانکۆکانی دەریای
ناوەراست دەکات.

بەرێز د.طالب محمد شریف عمر راگری پەیمانگەی تەکنیکی مێرگەسۆر و بەیاوەری پ.د.ئیدرس محمد تاهر هەرکی سەرۆکی زانکۆی پۆلیتەکنیکی هەولێر، لەسەر بانگهێشتێکی فەرمی ، رۆژانی 23 و 24ی تشرینی یەکەمی 2024، بەشداریانکرد لە کۆبونەوەی گشتی ئەندامانی ئەمینداریەتی یەکێتی زانکۆکانی دەریای ناوەراست لە زانکۆی ئەستەنبول ئایدن لە شاری ئەستەنبول، لە وڵاتی تورکیا بەو پێیەی کە زانکۆی پۆلیتەکنیکی هەولێر ئەندامە لەو یەکێتیە.

کۆبونەوەکە بە بەشداری 102 زانکۆ لە وڵاتانی ئەوروپا و ئەفریقا و ئاسیاو زیاتر لە 28 وڵات بەڕێوەچوو، زانکۆی پۆلیتەکنیکی هەولێر و زانکۆکانی دهۆک و زاخۆ و ئاکرێ لە کوردستان بەشداربوون.

ڕۆژی یەکەمی کۆنفرانسەکە لە چەند پریسەنتەیشنکدا تیشک خرایە سەر چۆنیەتی پێشخستنی ئاستی زانستی زانکۆکان، باس لە بەنێودەوڵەتیکردنی زانکۆکان و ئاڵنگاریەکانی بەردەم پێشخستنی زانکۆکان کرا لەو بوارانەی وەک سەرکردایەتیەکی باش لە بەرێوەبردنی دامەزراوەکان و خوێند و پەروەردە لە رێگای تەکنەلۆجیا و بەستنەوەی زانکۆکان وەک تۆرێکی پەیوەندی هەماهەنگی و کاری هاوبەش و کواڵتی پرۆگرامەکان و بەستنەوەیان بە بە بازاری کار و چارەسەری بەردەوام بۆ گرفتەکان و بەرزکردنی ئاستی وشیاری و فرە کەلتوری و هەروەها ژیانەوەو راهێنان بۆ ئاوارەکان زۆر بواری تری ئەکادیمی تایبەت بە رۆلی زانکۆکان کرا.

لە ڕۆژی دووەمی کۆنفڕانسەکە کار و بەرنامەکانی یەکێتی زانکۆکانی دەریای ناوەڕاست باس و گفتوگۆیان لەبارەوە کرا بریاری پێویست لەو بوارەوەدرا.
هەروەها لە لایەکی ترەوە ، باس لە بەرنامەکانی داهاتووی یەکێتی زانکۆکانی دەریای ناوەڕاست کرا کە دەیەوێت بەهاوکاری یەکێتی ئەوڕوپا و ئێراسمۆس پلەس ئەنجامی بدات، زانکۆی پۆلیتەکنیکی هەولێر لە دوو بەرنامەدا لەگەڵ چەند زانکۆیەکی ئیتاڵی و ئیسپانی بەشدارە.

لەو کۆنفرانسەدا سەرۆکی زانکۆ بەیاوەری ڕاگری پەیمانگە چەند دیدارێکی لەگەڵ بەشێک لە زانکۆ بەشداربوەکاندا ئەنجامدا، بۆ بەرەوپێشبردنی پەیوەندیەکان و پێکەوە کارکردنیان واژوو کردنی یاداشتی لێکتێگەیشتن.

ڕاگەیاندنی پەیمانگەی تەکنیکی مێرگەسۆر
هەینی ، ٢٥ /٢٠٢٤/١٠

 

بەرێوەچوونی چەندین چاڵاکی لە پەیمانگەی تەکنیکی مێرگەسۆر

رۆژی سێ شەممە ڕێکەوتی 2024/10/15 بە ئامادەبوونی ڕاگری پەیمانگەی تەکنیکی مێرگەسۆر د.طالب محمد شریف و ژمارەیەک لە مامۆستایان و قوتابیان و فەرمانبەران چەندین چاڵاکی لە ناو کەمپسی پەیمانگە و دەرەوەی پەیمانگە هاتنە ئەنجام دان.

هەنگاوی یەکەم:- پێشکەشکردنی سیمینارێک بوو لەلایەن ڕاگری پەیمانگەی تەکنیکی مێرگەسۆر د.طالب محمد شریف عمر لە ژێر ناونیشانی ( هەستکردن بە بەرپرسیارەتی گەنج بەرامبەر خۆی و نیشتیمانی ) کە تیایدا تیشکی خستە سەر پاراستنی بەها نیشتمانی و نەتەوییەکان و پاراستنیان لە هەرێمی کوردستان هەن.گەنجان تواناکانیان بە باشترین شێوە لە خزمەتخۆیان و نیشتیمانیان بخەنە گەڕ. رێگەنەدەن بەها پیرۆزەکانی ئەم وڵاتە لە هەر بارودۆخێکدا پشتگوێ بخەن.لەم دەڤەرە و کوردستان بەگشتی مێژوویەکی دەولەمەندی پرشکۆ هەیە وەک خۆراگری و پێکەوەژیان و مرۆڤدۆستی و دادپەروەری و ژینگە دۆستی.

ئەم پەیامە درێژەپێدەری پەیامی ئاشتیخوازانەی بارزانی نەمرە لە روانگەی هەستکردن بە بەرپرسیارەتی خودی گەنج بۆ فێربون و نەتەوەیی و نیشتیمانی لە ژیانی ڕۆژانەی خۆماندا کارەکانمان بە شێوازێکی بەئەمەک و بەرپرسیارانە جێبەجێی بکەین، وە پێویستە مرۆڤ لە هەر پیشە و پلەو پۆستیێکیتردابێ بەشێوەیێک لەشێوەکان کاربکات کە بتوانێ سوود بە تاکەکانی وڵات و کۆمەڵگایە بگەینێت کە تێدا دەژیت.

هەروەها لە بەشێکی تری وتارەکەیدا ، راگری پەیمانگە تیشکی خستە ئەو پاڵپشتی و دەستپێشخەریانەی کە جەنابی سەرۆکی حکومەتی هەرێمی کوردستان( مەسرور بارزانی) بە بەردەوام کردوویەتی بۆ خزمەتکردن بە قوتابیان و گەنجان و پێشخستنی تواناکانیان و رەخساندنی هەڵیکار بۆیان.

هەنگاوی دووەم :-‎كاتێك هەستی بەرپرسیارەتی بەهێزبێت، كلتوری ژینگە پارێزی تێكەڵ بە كۆمەڵگا دەبێت سەرجەم بەهاكانی یەكسانی و مرۆڤدۆستی دێنە بوون، پاراستنی ژینگە لەو دەڤەرە دەگەرێتەوە بۆ (100) سالی رابردوو کە کەلتورێکە ماوەتەوە بۆیە ئەمرۆ هەڵمەتێکی پاکردنەوەی دەوروبەری کەمپسی پەیمانگەی تەکنیکی مێرگەسۆر ئەنجامدرا لەو خۆل و خاشاکە، کەمپسی پەیماگە دەکەوێتە ناوچەیەک کە پرە لە گرد و تەپۆلکە وسەوزایی و کانی جوان ، بۆ یە ساڵانە چەندین هەڵمەتی پاکردنەوەی ژینگە ئەنجامدەدەن بۆ پاک راگرتنی ئەم ناو چە یەو هێشتەنەوەی هەروا بە جوانی.

ڕاگەیاندنی پەیمانگەی تەکنیکی مێرگەسۆر