Category Archives: سەرۆکایەتی زانکۆ

دوو مامۆستای زانکۆی پۆلیتەکنیکی هەولێر/ کۆلێژی تەکنەلۆجی هەولێر بەشداری خولێکی راهێنان دەکەن لە وڵاتی چین، کە تایبەتە بە وزەی نوێبووەوە و کاریگەرییەکانی کاربۆن بۆ ماوەی دوو هەفتە بەردەوام بوو.

خولەکە لە ژێر ناونیشانی (Seminar on Green Energy and the Management of Meeting Carbon Peaking and Carbon Neutrality Goals) لە شاری (China-Chingdu) بە بەشداری هەریەکە لە مامۆستایان د. یوسف طه مەعرووف و مامۆستا فەرهاد حەمەدئەمین یوسف لە ماوەی نێوان 9ی ئایارتاکو 22ی ئایاری 2024 بەردەوام دەبێت.

لە خولەکەدا نوێترین پێشهاتەکانی بواری وزەی پاک و کاریگەرییەکانی لەسەر ژینگەی جیهان بۆ بەشداربووان روونکرایەوە هەروەها لایەنێکی دیکەی خولەکە تایبەت بوو بە کاریگەرییەکانی کاربۆن.

پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر، لەگەڵ شاندێکی وەزارەتی خوێندنی باڵا و توێژینەوەی زانستی و نوێنەرانی هەر سێ زانکۆی پۆلیتەکنیکی هەولێر و سلێمانی و دهۆک، لە بەغدا بەشداری لە دیداری دواڕۆژی خوێندنی پیشەیی و تەکنیکی لە عێراق و هەرێمی کوردستاندا کرد.

سەرۆکی زانکۆی پۆلیتەکنیکی هەولێر لەگەڵ هەریەک لە د.محەمەد حسێن، بەڕێوەبەری گشتی دەزگای سەرپەرشتی و دڵنیایی جۆری و د.یاسین صالح، بەڕێوەبەری گشتی فەرمانگەی نێردراوان و پەیوەندییە رۆشنبیرییەکان و نوێنەرایەتی هەر سێ زانکۆی پۆلیتەکنیکی هەولێر و سلێمانی و دهۆک بەشداری لە دیدارەکەدا کرد.

دیدارەکە بە پشتیوانی یەکێتی ئەورووپا و یونیسکۆ بەڕێوەدەچێت، کە ماوەی دوو رۆژ دەخایەنێت و بڕیارە باس لە دواڕۆژی خوێندنی پیشەیی و تەکنیکی لە عێراق و هەرێمی کوردستان بکرێت.

چاوەڕێ دەکرێت پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر لە پەراوێزی دیدارەکەدا زنجیرەیەک دیدار و کۆبوونەوە لەگەڵ بەشداربووانی ئەو دیدارە ئەنجام بدات کە خزمەت بە بەرەوپێشچوونی زیاتری زانکۆمان بکات.

ئەمڕۆ سێ شەممە 14ی ئایاری 2024، لەژێر‌ چاودێری و سەرپەرشتی سەرۆکی‌ زانکۆی پۆلیتەکنیکی هەولێر پ.د. ئیدریس محەمەد تاهیر هەرکی وە پ.ی.د. بۆتان مەجید ئاسنگەر ی. س. زانکۆ بۆ کاروباری زانستی لەهۆلی‌کۆنفرانس‌ لەسەرۆکایەتی زانکۆی پۆلیتەکنیکی هەولێر سیمینارێک پێشکەش کرا لەژێر ناونیشانی “گۆڤاری پۆلیتەکنیک؛ هەڵسەنگاندنێک لەنێوان دوێنێ و ئەمڕۆ (A Comprehensive Look at Polytechnic Journal’s Annual Evaluation and Policy Enhancements).

ئەو سیمینارە بەئامادەبوونی سەرۆکی زانکۆ و یاریدەدەرانی و بەشێک لە ئەندامانی ئەنجومەن و د.کارزان کەریم خواڕەحم ڕاوێژکار لەئەنجومەنی وەزیران و د. امیر چالی ڕاوێژکار لەوەزارەتی خوێندنی باڵاو توێژینەوەی زانستی، د.گەلاوێژ عبید پەرلەمانتاری پێشووی پەرلەمانی کوردستان بەرێوەچوو.

سەرەتا لەلایەن  دەستەی کارگێری گۆڤار بەناوی سەرۆکی زانکۆ بەخێرهاتنی میوانان کرا، دواتر لەلایەن پ.د. کەیهان زرار ڕاگری‌کۆلێژی تەکنەلۆجی هەولێر، لەهەمان کاتدا دەستەی کارگێری گۆڤار تیشک خرایە سەر گۆڤارەکەو هەنگاوەکانی کارکردن و بەرەو پێش بردنی تێیدا.

دواتر لەلایەن پ.ی.د. کاروان وەسمان دەستەی کارگێری و بەرێوەبەری گۆڤاری پۆلیتەکنیک بەخێرهاتنی ئامادەبوان کرد و دواتر  بیری ئامادەبووانی هێنایەوە کە پارساڵ لەم کاتەدا لە بەروای 5/3 هەر لەهەمان شوێن مەراسیمی  ناساندنی گۆڤاری پۆلیتەکنیک ئەنجامدرا.

چەند داتایەکی گرنگی خستە  بەردەستی ئامادەبووان، وە هۆکاری دەرئەنجامەکانی ئەو داتایانەشی ڕوون کردەوە ، ئاماژەی بەوەشکرد کە ئەو دەیتایانە بۆ‌ دەستەی کارگێری گۆڤار گرنگی زۆری هەیەو بۆ توێژەران زۆر گرنگترە کە توێژەران توێژینەوەکانیان لەکام گۆڤار بڵاوبکەنەوە و بۆچی‌ ئەم گۆڤارە هەڵدەبژێرن.

دوای ساڵێکی تەواو لەدەست بەکاربوونی گۆڤاری پۆلیتەکنیک، چەند ڕاپۆرتێکیان نیشاندا کە ئەنجامی ئەمساڵی کارکردنی دەستەی کارگێڕی بوو تێیدا لە بەرەوپێش چوون و بەدواداچوونی گۆڤارەکە بۆ ئامادەبووان خرایەڕوو کە زۆر‌ گرنگ بوو بۆ دەستەی کارگێری و توێژەرانی ئامادەبوو، تا هەمووان بزانن گۆڤاری پۆلیتەکنیک زۆر بەهێزەو ئەگەر توێژەران توێژینەوەکانیان بڵاوبکەنەوە لەو گۆڤاره ئەوا لە هەموو سێکتەرە حکومیەکان و سێکتەری خوێندنی باڵاو لەسێکتەری ڕێکخراوە جیاجیاکان و سێکتەرە بازرگانیەکان توێژینەوە بڵاوکراوەکان دەبینرێت لە هەموو جیهان کە زیاتر لە 200 زانکۆو ئینستیوت لە زیاتر لە 91 وڵاتی جیهانی دەبینرێت. هەروەها تیشک خرایە سەر گۆڤاری پۆلیتەکنیک کە دەروازەیەکە بۆ هەڵسەنگێنەرانی ناوخۆ کە لە ڕێگایەوە دەتوانن ببن بە هەڵسەنگێنەری جیهانی.

 

رۆژی سێ شەممە 14ی ئایاری 2024، لە کۆتا رۆژی هەفتەی رۆشنبیری قوتابیانی زانکۆ کە لەژێر چاودێری پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر رێکخرابوو، سیمنارێک لە ژێر ناونیشانی (لەدیدگای قوناغەکانی خوێندندا) بۆ بەڕێز مامۆستا ئەحمەد کانی مامۆستای زانکۆمان و ئەندامی کۆمیتەی ناوەندی پارتی دیموکراتی کوردستان، بەڕێوەچوو.

لەو سیمنارەدا هەریەکە لە یاریدەدەرانی سەرۆکی زانکۆ و ئەندامانی ئەنجومەنی زانکۆ، سەرۆک بەش و بەشێکی زۆر لەمامۆستایان و قوتابیان بەشداربوون.

لە سەرەتادا مامۆستا ئەحمەد کانی سوپاسی سەرۆکی زانکۆی کرد و بە ئامۆژگارییەک بۆ قوتابییان دەستی بە بە گوتی: خۆشحاڵم ئەمڕۆ لەگەڵ ئێوەی مامۆستایان و قوتابیانی خۆشەویستم، ئازیزان خۆشەویستی شارو وڵاتی خۆتان بەلاوە زۆر گرنگ بێت.

دواتر لە ناوەرۆکی بابەتەکەیدا چەند نمونەیەکی داهێنان و هەوڵدانی زاناکان کرد و لە نێویاندا باسی ژیانی ئەدیسۆن و داهێنانەکانی کرد و گوتی، “دەرچووی هیچ زانکۆیەکیش نییە، دونیای لەتاریکی بەرەو ڕووناکی هێنا، هیچ بوارێک نەما داهێنانی تێدا نەکات، کە ئەدیسۆن دەڵێت:ٚ هیچ داهێنان و هیچ کارێکم نەکردووە بەرێکەوت، بەڵکو هەرچی بەدەستم هێناوە لەئەنجامی کارکردنی بەردەوام و کۆڵنەدان بوو.”

مەبەستم لەوە ئەوەیە پێشکەوتن لای خۆتە نە لای مامۆستاکەتە نەلای ژینگەتە نەلای وڵاتەکەتە، بەڵکو ناسنامەکەت گەورەترین ناسنامەیە کەهەتە، ئایندە خەیاڵ نییە بەڵکو کاتی داهاتووتە، دەبێت مامۆستاکان بمبوورن کەهەندێک قسە دەکەم لەدژی خۆم و ئێوە، مامۆستا بۆ ئەوە مامۆستا نییە بێتە سەر ستەیچ و خۆی نیشانی قوتابیان بدات، بەڵکو دەبێت بەمانای تەواوی وشە زانست و زانیاری تەواو ببەخشێت بەپێی زانستی سەردەم، فەلسەفەی وەزارەتی خوێندنی باڵا لەوەزیرەوە تا دەگاتە مامۆستاکان بۆ ئەوەیە خزمەتی خوێندن و قوتابیان بکرێت.

قوتابیش دەبێت بزانێت کاری قوتابی چییە بەرامبەر مامۆستاو بەرنامەی کاری چییە، دەبێت چاو و مێشکی لای مامۆستابێت، کارو ڕەوشتی هێندە جوان بێت خۆشەویستیەکی گەورە لای مامۆستاکەی دروست بکات، تا دەمرێت خۆشەویستی ئەو مامۆستایانە لەبیر نەکات کەفێری زانست و زانیاری کردووە.