Category Archives: سەرۆکایەتی زانکۆ

ئەمرۆ یەکشەممە ٢٩ی ئەیلوولی2024 بەنوێنەرایەتی سەرۆکی زانکۆی پۆلیتەکنیکی ھەولێر، سێ لە ئەندامانی ئەنجومەنی زانکۆی پۆلیتەکنیکی هەولێر کە پێک هاتبون لە  پ.ی.د.سیروان لەتیف حاجی ڕاگری کۆلێژی تەکنیکی سۆران، د.تالب محەمەد شەریف ڕاگری پەیمانگەی تەکنیکی مێرگەسۆر و پ.ی.د.عیماد عەزیز محەمەد ڕاگری پەیمانگەی تەکنیکی چۆمان بەشداریان لە کۆنفرانسی نێودەوڵەتی بە ناونیشانی “ڕۆڵ و کاریگەری ڕۆژهەڵاتناسە ڕووسەکان لە ناساندنی کورد و پرسی کوردستان” کرد.

جێی ئاماژەپێدانە، کۆنفڕانسەکە بە هاوبەشی لە نێوان زانکۆی سۆران و پەیمانگای ڕۆژهەڵاتناسی “ئەکادیمیای زانستیی ڕووسیا” و بە هەماهەنگی نوێنەرایەتی حکومەتی هەرێمی کوردستان لە ڕووسیا، ڕێکخرابوو.

 

ئامانج لە ئەنجامدانی ئەم کۆنفڕانسە، گەیشتنە بە تێگەیشتنێکی قووڵ سەبارەت بە ڕۆڵ و کاریگەری ڕۆژهەڵاتناسە ڕووسەکان لە ناسین و ناساندنی کوردستان. 

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەمەبەستی بەشدارییکردن لە کۆنفراسێکی نێودەوڵەتیی لەلایەن (جامعة ليبيا المفتوحة) ڕێکخراوە، لە وڵاتی لیبیایە.

 

دوای بەشدارییکردنی لە چالاکییەکانی دووەمین رۆژی کۆنفرانسەکەدا یاداشتنامەی لێکتێگەیشتن لەنێوان پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و پ.د.أبوالقاسم محمد شلوف، سەرۆکی زانکۆی ليبيا المفتوحة واژۆکرا و لۆگۆی زانکۆ لەنێوان هەردوولا ئاڵوگۆڕ کرا.

 

دوێنێ بەبەشداریی و ئامادەبوونی چەندین کەسایەتی و سەرۆک زانکۆکانی ئەندام لە یەکێتی زانکۆکانی ووڵاتانی عەرەبی یەکەمین کۆنفرانسی نێودەوڵەتیی بۆ زانستی پزیشکی دەستی بەکارەکانی کرد.

 

لە ماوەی دوو رۆژی کۆنفرانسەکەدا و چەند تەورێکدا باس لە رۆڵی تەکنەلۆجیا لە پەرەپێدان بە خوێندن و ئاڵوگۆڕی شارەزاریی و ئەزموونی زانستی و هەماهەنگیی لە نێوان زانکۆکانی ئەندام لە یەکێتی زانکۆکانی وڵاتانی عەرەبی، هەروەها رۆڵی زانکۆ لە بڵاوکردنەوەی هۆشیاریی لەنێو کۆمەڵگە کرا.

 

دوای دامەزراندنی تاقیگەکانی سیسکۆ لە لایەن کۆنسولخانەی گشتی ویلایەتە یەکگرتوەکانی ئەمریکا لە هەرێمی کوردستان وەک پڕۆژەیەک بۆ پشگیری لە هەر سێ (زانکۆی پۆلیتەکنیکی هەولێر، پۆلیتەکنیکى سلێمانی و پۆلیتەکنیکى دهۆک) جێبەجێ کرا، کە پێکهاتووە لە دروستکردنی (٩) نۆ تاقیگەی زانستی بەنوێترین ئامێرى زانستى سەردەمیانە لە بواری گەیاندن (Communication) بۆ هەرسێ زانکۆ پۆلیتەکنیکیەکەی هەرێمی کوردستان، بە ئامانجی پەرەپێدانى تەکنەلۆژیای ئەمەریکی لە هەرێمى کوردستان، زانستى تەکنەلۆژیاى پێشکەوتووی ئەمەریکی پێشکەش بە نەوەی داهاتوو و پسپۆڕانی ئایتی کورد بکات، یارمەتیان بدات فێری کارامەیی بەنرخی کۆمپیوتەر ببن و زیاتر ڕکابەری لە بازاڕی کارى جیهانیدا بکەن.

 

زانکۆمان وەک بەشێک لە پرۆگرامەکانی خوێندنی هەردووک بەشی ئەندازیاری تەکنەلۆجیای گەیاندن و زانیاری(ICTE) و بەشی ئەندازیاری سیستەمی زانیاری(ISE) جێگیر کراون، ئێستا قوتابیان لەم تاقیگانە بە نوێترین ئامێڕ و زانستی سەردەمیانە لە بواری نێتوۆرک فێردەکرێن، ئەمەش پێداویستیەکی گرینگی ئەمڕۆی بازاری کارە بۆ ئەوەی لە داهاتوو دەرچوانی ئەم دوو بەشە بتوانن لە بازارەکاندا هەلی کار دەستەبەر بکەن.

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەشداریی لە کۆنفراسێکی نێودەوڵەتیی کرد، لەلایەن (جامعة ليبيا المفتوحة) لە وڵاتی لیبیا میوانداریی دەکرێت.

 

لە ماوەی دوو رۆژی کۆنفرانسەکەدا کە بەشداریی و ئامادەبوونی چەندین کەسایەتی و سەرۆک زانکۆکانی ئەندام لە یەکێتی زانکۆکانی وڵاتانی عەرەبی بەڕێوەدەچێت، لە چەند تەورێکدا باس لە رۆڵی تەکنەلۆجیا لە پەرەپێدان بە خوێندن و ئاڵوگۆڕی شارەزاریی و ئەزموونی زانستی و هەماهەنگیی لە نێوان زانکۆکان ئەندام لە یەکێتی زانکۆکانی وڵاتانی عەرەبی، هەروەها رۆڵی زانکۆ لە بڵاوکردنەوەی هۆشیاریی لەنێو کۆمەڵگە بکرێت.

 

بڕیارە لە پەراوێزی کۆنفرانسەکەدا، سەرۆکی زانکۆی پۆلیتەکنیکی هەولێر یاداشتی لێکتێگەیشتن لەگەڵ سەرۆکی (جامعة ليبيا المفتوحة) واژۆ بکات و ژمارەیەک دیدار و کۆبوونەوە لەگەڵ سەرۆکی زانکۆکانی بەشدار لەو کۆنفرانسە ئەنجام بدات.