Category Archives: سەرۆکایەتی زانکۆ

رۆژی یەکشەممە 18ی شوباتی 2024، بە ئامادەبوونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ، بەڕێوبەرایەتی چالاکییە وەرزشییەکانی سەرۆکایەتی زانکۆ کۆتایی هێنا بە پاڵەوانێتی تۆپی سەرمێز کە بۆ قوتابیانی کچ لەسەر ئاستی زانکۆ کرابوویەوە.

لە یاری كۆتایی پاڵەوانێتییەکەدا کە هەریەکە لە راگرانی کۆلێژی تەکنیکی تەندروستی و پزیشکی هەولێر، کۆلێژی تەکنەلۆجی هەولێر و پەیمانگەی تەکنیکی کارگێری هەولێر و ژمارەیەک مامۆستا و فەرمانبەر ئامادەیبوون، یاریزانی کۆلێژی تەکنیکی تەندروستی و پزیشکی هەولێر ئیمان خالد و یاریزانی کۆلێژی تەکنیکی کارگێڕی هەولێر خۆزگە نەجات یارییان کرد و لە کۆتاییدا خۆزگە نەجات بووە پاڵەوانی خولەکە.

دواتر لە لایەن سەرۆکی زانکۆ و ئامادەبووانەوە خەڵات بەخشرایە پاڵەوان و سەرپەرشتیارانی خول.

رۆژی یەکشەممە 18ی شوباتی 2024، بە ئامادەبوونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ، بەڕێوبەرایەتی چالاکییە وەرزشییەکانی سەرۆکایەتی زانکۆ کۆتایی هێنا بە پاڵەوانێتی تۆپی سەرمێز بۆ قوتابیانی کوڕ لەسەر ئاستی زانکۆ کرابوویەوە.

لە یاری كۆتایی پاڵەوانێتییەکەدا کە هەریەکە لە راگرانی کۆلێژی تەکنیکی تەندروستی و پزیشکی هەولێر، کۆلێژی تەکنەلۆجی هەولێر و پەیمانگەی تەکنیکی کارگێری هەولێر و ژمارەیەک مامۆستا و فەرمانبەر ئامادەیبوون، هەردوو یاریزانی کۆلێژی تەکنەلۆجی هەولێر ئیبراهیم ئەحمەد و ئەحمەد موسڵیح یارییان کرد و لە کۆتاییدا ئیبراهیم ئەحمەد بووە پاڵەوانی خولەکە.

دواتر لە لایەن سەرۆکی زانکۆ و ئامادەبووانەوە خەڵات بەخشرایە پاڵەوان و سەرپەرشتیارانی خول.

لەژێر چاودێری بەڕێز پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، کۆلێژی تەکنەلۆجی هەولێر وۆرکشۆپێکی تایبەت بە #ئاسایشی_ئەلیکترۆنی ساز دەکات.

ئەم وۆرکشۆپە بەسەرپەرشتی بەڕێز پ.د.كیهان زرار غفور راگری کۆلێژی تەکنەلۆجی هەولێر و پسپۆڕانی ناوخۆیی و نێوده‌وڵه‌تی بەڕێوەدەچێت کە چەند ته‌وه‌رێكی گرنگ لە بارەی ئاسایشی ئەلیکترۆنی لەخۆ دەگرێت، کە ئامانج لێیان هۆشیار کردنەوەی خەڵک و کەمکردنەوەی مەترسییە ئەلیکترۆنییەکانە. تێگەیشتنێکی گشتگیر لە بنەماکانی ئاسایشی ئەلیکترۆنی پێشکەش بە بەشداربووان دەکرێت.

بۆ خۆتۆمارکردن لەم وۆرکشۆپە تکایە لێـــــــــــــــــــــــــرە کلیک بکە.

رێکەوت: رۆژی سێ شەممە 20ـی شوباتی 2024

شوێن: لە هۆڵی کۆنفرانسەکانی سەرۆکایەتی زانکۆی پۆلیتەکنیکی هەولێر.

کات 11ی بەیانی.

بۆ بەشداری کردن بەشێوەی ئۆنلاین لەرێگەی بەرنامەی زوومەوە تکایە لێـــــــــــــــــــــــــرە کلیک بکەن.

ڕۆژی یەکشەممە 18ی شوباتی 2024، شاندێکی ئەنجومەنی زانکۆی پۆلیتەکنیکی هەولێر بە سەرۆکایەتی پ.د. ئیدریس محەمەد تاهیر هەرکی سەردانی سکرتاریەتی یەکێتی قوتابیانی کوردستانی کرد بەبۆنەی یادی 18ی شوباتی ساڵیادی 71هەمین ساڵیادی دامەزراندنی یەکێتی قوتابییانی کوردستان و لە لایەن سکرتێر و ئەندامانی سکرتاریەتەوە پێشوازییان لێکرا.

شاندەکەی زانکۆ پێکهاتبوون لە پ.د. ئازاد حەسەن قادر یاریدەدەری سەرۆکی زانکۆ بۆ کاروباری کارگێری و دارایی، پ.ی.د. بۆتان مەجید ئەحمەد یاریدەدەری سەرۆکی زانکۆ بۆ کاروباری زانستی، پ.ی.د. یوسف مستەفا ڕەسوڵ یاریدەدەری سەرۆکی زانکۆ بۆ کاروباری قوتابیان و ژمارەیەک ئەندامی ئەنجومەنی زانکۆ.

لە میانی سەردانەکەدا سەرۆکی زانکۆ دەستەگوڵی پیرۆزبایی پێشکەش بەسکرتێری قوتابیان کرد و پیرۆزبایی ئەو یادە مەزنەی لێکردن و هیوای سەرکەوتنی زیاتری بۆ ئەو رێکخراوە خواست کە خزمەتی زۆری کردووە لەشار و لەشاخ.