Author Archives: Karzan kamal

ڕۆژی سێشەممە 6ـی ئایاری 2025، بەبۆنەی ڕۆژی جیهانی مامانی بەشی ئافرەتان و لە دایکبوونی کۆلێژی تەکنیکی سۆران، بە ئامادەبوونی پ.ی.د.سیروان لەتیف حاجی ڕاگری کۆلێژی تەکنیکی سۆران و یاریدەدەری ڕاگر و ئەندامانی ئەنجومەن، چەند چاڵاکییەک لەلایەن قوتابییانی بەشی ئافرەتان و لەدایک بوون ڕێکخراو.

ڕاگری کۆلێژی بەم بۆنەیەوە لە وتارێکدا پیرۆزبایی لە مامۆستایان و قوتابییانی ئەم بەشە کرد و هیوای سەرکەوتنی بۆ خواستن و کارەکەیانی بە پیشەیەکی پیرۆز وەسف کرد بۆ خزمەتکردنی دایکانی دووگیان و کۆرپەکەیان.

دواتر دکتۆرە نێرگز ئەحمەد محەمەد لە چوارچێوەی ڕۆژی جیهانی مامانەکان وتارێکی لەم بارەیەوە پێشکەش کرد.

ئەم مەڕاسیمە بە سەرپەرشتی سەرۆکی بەشی ئافرتان و لەدایک بوون م. ئازاد حوسێن و قوتابیانی بەشی ناو براو ڕێکخراو بوو بۆ پیرۆز کردنی ئەم یادە جیهانییە.

ڕۆژی سێ شەممە 6ـی ئایاری 2025، لەژێر چاودێری پ.ی.د.سیروان لەتیف حاجی ڕاگری کۆلێژی تەکنیکی سۆران و بە هاوکاری سەرۆکی بـەشی ژمێریاری، م.ی.فاطمە محەمەد عزۆ و مامۆستـایـانی بەش، قوتابییانی قۆناغی دووەمی بەشی ژمێریاری/ بەیانیان و ئێواران سەردانی دیوانی چاودێری دارایی حکومەتی هەرێمی کوردستانیان کرد.

مەبەست لە سـەردانەکەیان ئاشنابوونی قوتابییان بوو بە کاروباری دیوانی چاودێری و شێوازی کارکردنیان و چۆنیەتی ووردبینی کردن و چاودێریکردنی داهات و خەرجی دام و دەزگاکانی میری، هەروەها شێوازی بەداواداچوون بـۆ ئەو سکاڵا و داواکاریانەی کەوا پێشکەشی دیوانەکەیان دەکرێ لەلایەن کەرتی گشتی بە هەماهەنگی لەگەڵ دەستەی نـەزاهـە و لایەنە پەیوەندی دارەکان.

لە کۆتایی گەشتەکەیاندا مامۆستایانی سەرپەرشتیار و قوتابییان بەناوی ڕاگرایەتی کۆلێژ سوپاس و پێزانینان ئاراستەی بەڕێوبەری گشتی و ستافی دیوان کرد، لەهەمبەر ئەو پێشوازیە گەرمەی کە لێیانکراوە.

قوتابییانی قۆناغی دووەمی بەشی پەرستاری، بە سەرپەرشتی مامۆستایان (م. ڕێباز عمر، م.ڕاهین شریف، م. هەڵمەت ئەحمەد، م. ئارام ستار، م. دیلمان شریف) گەشتێکی زانستی ـیان بۆ هەردوو زانکۆی تیشکی نێودەوڵەتی و زانکۆی جیهان لە هەولێر ئەنجامدا.

گەشتەکە بۆ وەرگرتنی زانیاری بوو لەسەر نوێترین تەکنیکەکانی زانستی پەرستاری و ئاشنا بوونی قوتابییانمان بە ئامێری پێشکەوتووی بواری پەرستاری.

بەناوی ڕاگرایەتی کۆلێژ و سەرۆکایەتی بەشی پەرستاری، سوپاسی هەردوو زانکۆی تیشکی نێودەوڵەتی و زانکۆی جیهان و مامۆستاکانیان دەکەین کە هاوکاری قوتابییانمان بوون.

 

ڕۆژی دووشەممە 5ـی ئایاری 2025، کۆلێژی تەکنیکی سۆران بە چاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە هاوکاری پ.ی.د.سیروان لەتیف حاجی ڕاگری کۆلێژ، سیمپۆزیۆمێکی لەژێر ناونیشانی (ڕۆڵی ژیری دەستکرد لە سیستەمی پزیشکی و پزیشکی مۆدێرن) لە هۆڵی کۆنفڕانسی کۆلێژ ئەنجامدا.

لە سیمپۆزیۆمەکەدا، د.ڕێبوار بابکەیی بەرپرسی لقی (10) پارتی دیموکراتی کوردستان و د.شێروان شریف قرتاس سەرۆکی زانکۆی سۆران و حەکیم تێلی جێگری سەرپەرشتیاری ئیدارەی سەربەخۆی سۆران، د.ڕەنج سیروان نوێنەری سەڕۆکی زانکۆی پۆلیتەکنیکی هەولێر و ڕەجەب زوبێر حارس قائیمقامی قەزای ناوەندی سۆران و د.کامەران مەلا ئەحمەد بەڕێوەبەری گشتی تەندروستی سۆران و قوتابییان و مامۆستایان و ژمارەیەک لە بەرپرسانی حزبی و حکومی و سنووری ئیدارەی سۆران ئامادەبوون.

سیمپۆزیۆمەکە لە دوو پانێڵ پێکهاتبوو،

لە پانێڵی یەکەمدا، لەلایەن پانێڵستەکان بە وورد تیشک خرایە سەر گرینگی و ڕۆڵی ژیری دەستکرد لە دیاریکردنی نەخۆشی و پشکنینی تەواوی پێکهاتەکانی لەشی مڕۆڤ بەتایبەتی لەکاتی ئەنجامدانی نەشتەرگەریدا.

هەروەها لە پانێڵی دووەمدا باس لە چۆنیەتی بەکارهێنانی ژیری دەستکرد (AI) و ڕۆڵی ژیری دەستکرد لە چارەسەرکردنی نەخۆش و سوود وەرگرتن لە بواری ئەنجامدانی توێژینەوەی زانستی لەلایەن مامۆستایان و توێژەران و زانست خوازان کرا.

لە کۆتاییدا لەلایەن بەشێک لە میوانانی ئامادەبووی ناوبراو، سوپاس و پێزانینی بەخشرایە پانێڵیستەکان.