ڕۆژی یەک شەممە رێکەوتی ٩ی٣ی٢٠٢٥ ، بەسەرپەرشتی و ئامادەبوونی ڕاگری کۆلێژی تەکنیکی ئەندازیاری هەولێر بەڕێز پ.د. ئەیاد زەکی صابر و بەیاوەری هەریەک لە یاریدەدەری ڕاگری کۆلێژ بەڕێز د.بازیان یونس محی الدین و بەڕێوەبەری کارگێڕی کۆلێژ بەرێز مامۆستا هێمن نیعمەت حوسێن و بەرپرسی بەشەناوخۆیی کوڕان بەرێز مامۆستا دانا حوسێن ئەحمەد ، بەئامادەبوونی ستافی بەشەناوخۆییەکانی کوڕان و نوێنەری گشتی قوتابیانی کۆلێژ بەڕێز بەیار هێمن ڕەشید ، دوای نوێژی عشا و تەڕاویح سەردانی بەشەناوخۆیی کوڕانی کۆلێژی تەکنیکی ئەندازیارییان کرد ….
وێڕای پیرۆزبایی مانگی پیرۆزی ڕەمەزان ، بەڕێز ڕاگری کۆلێژ لەنزیکەوە لە بارودۆخ و پێداویستییەکانی قوتابیانی پرسی و ئامادەیی نیشاندا کە هەر داواکارییەکیان هەیە لە پلانی دیاریکراودا بۆیان جێبەجێبکات…
شایانی باسە قوتابییان بەگەرمی و بە خۆشحاڵییەوە هاتنی بەڕێز ڕاگریان بەرزنرخاند و هەستیانکرد کە ئاگاداربوونی پراکتیکی لە بەشە ناوخۆییەکەیان هەیە ….
بەڕێز ڕاگری کۆلێژ ، هیوای سەرکەوتن و سەلامەتی بۆ قوتابییان خواست و دەستخۆشی لە بەرپرس و ستافی بەشە ناوخۆییەکان و نوێنەری قوتابییان کرد ….
