ڕێکەوتی (٢٠٢٤/١٢/٣) وەفدێکی کۆلێژەکەمان کە پێکهاتبوو لە بەڕێزان (پ.ی.د. مراد امیر احمد) ڕاگری کۆلێژی تەکنیکی تەندروستی پزیشکی هەولێر و (د. ذکری علی عزیز) سەرۆکی بەشی پەلی دەستکردو پاڵپشتەکان و (م. ریبین ستار عثمان) بڕیاردەری بەش و (م. سەوزە سعدی سعید) بەشدار بوون لە مەڕاسیمێک لە بنکەی خاچی سووری نێودەوڵەتی لە شاری هەولێر بە بۆنەی ڕۆژی جیهانی خاوەن پێداویستی تایبەتەکان ، لەمەڕاسیمەکەدا چەند چالاکیەک ئەنجام درا.
هۆبەی ڕاگەیاندن و چالاکیەکان .
بەرواری( ٢-١٢-٢٠٢٤) لەژێر چاودێری سەرۆکایەتی زانکۆی پۆلیتەکنیکی هەولێر بە سپۆنسەری دەزگای ( روانگە)و ئامادەبوونی بەرپرسانی حزبی و حکومی فێستیڤاڵی بەشی پەلی دەستکردو پاڵپشتەکان بۆ ڕۆژی جیهانی خاوەن پێداویستی تایبەتەکان لە کۆلێژی تەکنیکی تەندروستی و پزیشکی هەولێر لەژێر دروشمی ( کارکردن بۆ گۆڕینی کوالێتی ژیانی خاوەن پێداویستی تایبەتەکان ) بەڕێوەچوو ، سەرەتا ڕاگری کۆلێژ ( پ ی د مراد امیر احمد ) ووتەی بەخێرهاتن و کردنەوەی فێستیڤاڵەکەی پێشکەشکرد ، بەخێرهاتنی( شێخ حسن شێخ علاالدین) بەڕێوەبەری جێبەجێکار لەدەزگای ڕوانگە و ئامادەبووانی کرد ،دواتر یاریدەدەری سەرۆکی زانکۆ ( پ د بۆتان مجید ئاسنگەر ) بەناوی سەرۆکایەتی زانکۆ ووتەی خۆی پێشکەش کرد ، دکتۆرە ( ذکری عزیز) ناوەرۆک و زانیاری لەسەر ئەم بەشە پێشکەشی ئامادەبووان کرد و سەردانی تاقیگە پراکتیکەکانیان کرد .
هۆبەی ڕاگەیاندن و چالاکیەکان .
ڕۆژی دووشەمە ڕێکەوتی (٢٠٢٤/١٢/٢) کاتژمێر (١٠:٠٠) بەیانی ، لەژێر چاودێری بەڕێز (پ.د ادریس محمد طاهر هرکی) سەرۆکی زانکۆی پۆلیتەکنیکی هەولێر و بە سەرپەرشتی بەڕێز (پ ی د . مراد امیر احمد) ڕاگری کۆلێژ ، فیستیڤاڵێک ئەنجام دەدرێت لەلایەن بەشی پەلی دەستکرد و پاڵشتەکان بۆ ڕۆژی جیهانی خاوەن پێداویستی تایبەتەکان لە کۆلێژی تەکنیکی تەندروستی و پزیشکی هەولێر.
هۆبەی ڕاگەیاندن و چالاکیەکان.
بەرواری ٢٧-١١-٢٠٢٤ بەڕێز ( پ ی د مراد امیر احمد ) ڕاگری کۆلێژی تەکنیکی تەندروستی و پزیشکی هەولێر ، بڕوانامەی ڕێزلێنان – سوپاس و پێزانینی بەخشیە بەشێک لەو مامۆستایانەی لە پڕۆسەی دڵنیایی جۆری پلەی شایستەیان بۆساڵی ئەکادیمی (٢٠٢٣-٢٠٢٤) بەدەست هێناوە هیوای سەرکەوتنی زیاتری بۆ خواستن
هۆبەی ڕاگەیاندن و چالاکیەکان.
