ئەمرۆ دووشەممە ٤ /۳/ ٢٠٢٤ لە ژێر چاودێری پ.ی.د. کاوە خلیل میران راگری پەیمانگەی تەکنیکی خەبات، گشت بەشە زانستیەکانی پەیمانگەکەمان گەشتێکی زانستییان بۆ زانکۆیی ئاکرێ ئەنجام دا، بۆ قوتابیانی قۆناغی یەکەم و دووەمی بەیانیان و ئێواران، بەسەرپەرشتی یاریدەدەری راگری پەیمانگە د.مولود خضر و نوێنەران و مامۆستایانی بەش، لە سەردانەکەدا سەرەتا لە هۆلی کۆنفراسەکان لەلایەن د.ئاراس سەرۆک بەشی ئایتی و بەرپرسی لێژنەی پێشوازی و لێژنەی قوتابیانی پەیمانگەی تەکنیکی ئاکرێ پێشوازیەکی گەرمیان لێکردین.
دواتر قوتابیان سەردانی بەشی ئایتی و کارگێری یاسایی و رەزگەری و هۆلەکانی خوێندن و گێلگە و تاقیگەی کشتوکالیان کرد،
مەبەست لە گەشتە زانستیەکە ئالوگۆری بیر و ڕای زانست و زانیاری بوو لەگەل قوتابییان و مامۆستایان، ستافی زانکۆ و پەیمانگەکە خۆشحالی خۆیان دەربڕی بە گەشتە زانستییەکە، ئاست و توانستی قوتابیانیان بەرز نرخاند ھاوکاری بەردەوامی خۆیان دوپات کردەوە بۆ ئەم گەشتە زانستی و پراکتیکیە.
ھەر بۆیە ستافی پەیمانگەکەمان زۆر سوپاسی سەرۆکی زانکۆ د.منهل الهام و یاریدەدەری سەرۆک زانکۆ بۆ کاروباری کارگێری و دارایی د.سمیرمحۆ و سەرۆک بەشەکان، لە زانکۆی ئاکرێ و پەیمانگە دەکەین، بۆ ئەو پێشوازیە گەرمە و ھاوکاری و ئاسانکاری بۆ گەشتە زانستیەکە.
