Monthly Archives: نیسان 2025

لە درێژەی کار و چالاکییەکانی بەڕێوەبەرایەتی تەندروستی و سەلامەتی زانکۆمان، بە هەماهەنگی لەگەڵ رێکخراوی ئاڤیاری هۆشیاری ژینگە خولێکی دوو رۆژەی بۆ قوتابیانی کۆلێژ و پەیمانگاکانی سەربە زانکۆمان کردەوە.

خولەکە لەژێر ناونیشانی (رۆڵی قوتابی لە گۆڕانکاری کەشوهەوا) ئەنجامدرا و ئامانج لە ئەنجامدانی هاندانی قوتابیان بوو بۆ چۆنیێەتی پاکڕاگرتنی ژینگە و بایەخدان بە پاراستنی ژینگەی زانکۆ و کوردستان.

لە دوای ئاشناکردنی قوتابیان بە وانەکانی خولەکە، بڕیارە لە ڕێوڕەسمێکدا بڕوانامەی ڕێزلێنان ببەخشرێت بە قوتابیانی بەشداربوو و مامۆستایانی خولەکە.

 

 

[

ڕۆژی سێشەممە ١٥ی نیسانی ٢٠٢٥ لە هۆڵی کۆنفڕانسی کەمپی یەکی زانکۆ، بە ئامادەبوونی پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، ژمارەیەک لە ئەندامانی ئەنجوومەنی زانکۆ، کامەران سەڵاح باجگر و مەعروف عەزیزخان هەرکی، جێگرانی سەرۆکی ژووری بازرگانی و پیشەسازی هەولێر و ژمارەیەك لە مامۆستایانی زانکۆ و بەرپرسان، بە سەرپەرشتی زانکۆی پۆلیتەکنیکی هەولێر، پەیمانگای تەکنیکی پزیشکی هەولێر، سیمپۆزیۆمی (دیدگای داهاتوو، دەرمانسازی بۆ ساڵی 2050) رێکخست.

لە سەرەتای سیمپۆزیۆمەکەدا، پ.ی.د.تیران جەمیل پیرۆ راگری پەیمانگای تەکنیکی پزیشکی هەولێر بەناوی خۆی و ئەنجوومەنی پەیمانگاوە بەخێرهاتنی میوانانی کرد و باسی لە ئامانجی ئەنجامدانی ئەم سیمپۆزیۆمەکە کرد کە دەیانەوێت لە رێگەیەوە دیگای داهاتوو بخەنەڕوو.

دواتر پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر گوتارێکی پێشکەش کرد و لە دوای بەخێرهاتنی میوانان و دەستخۆشی لە رێکخەرانی سیمپۆزیۆمەکە رایگەیاند کە ئەوان وەک زانکۆی پۆلیتەکنیکی هەولێر هەمیشە جەخت لەوە دەکەنەوە کە زانکۆ کاری تەنها زانست و مەعریفە نییە، بەڵکو کارێکی دیکەی گرنگی زانکۆ بریتییە لە دۆزینەوەی بیرۆکە و دروستکردنی کەسایەتی داهێنەر و کاریگەر لەناو کۆمەڵگەدا و قسەکردنە لەسەر کێشەکانی کۆمەڵگا و چۆنییەتی دۆزینەوەی چارەسەریی بۆیان و ئەم کارەی ئەمڕۆیشی بە نموونە هێنایەوە.

سەرۆکی زانکۆ ئاشکرای کرد کە لە زانکۆی پۆلیتەکنیکی هەولێر زنجیرەیەک وۆرکشۆپیان بۆ مامۆستایان کردووەتەوە تاوەکو لەو رێگەیەوە مامۆستایان ئاشنا بکەن کە چۆن هانی قوتابیان بدەن بە کە ببنە کەسایەتی کاریگەر لەناو کۆمەڵگەدا.

لەبارەی گرنگی سیمپۆزیۆمەکەیشەوە، پ.د.ئیدریس محەمەدتاهیر هەرکی رایگەیاند کە گرنگی ئەم سیمپۆزیۆمە لەوەدایە کە پێویستە زانکۆ دیدگای هەبێت بۆ داهاتوو، لەگەڵ ئەو پێشکەوتنانەی لە بواری دەرمانسازیدا هاتووەتە پێش، لێرە تاوتوێی دیدگای دەرمانسازی لە کوردستان بۆ ساڵی ٢٠٥٠ دەکرێت و بۆ یەکەمجارە ئەم دیدگا و بۆچوونانە لەناو کەپسولێک هەڵدەگیرێت و لە ساڵی ٢٠٥٠ دەکرێتەوە.

دواتر لەلایەن هەریەک لە قسەکەری سەرەکی سیمپۆزیمەکە بەڕێز د. ئازاد نەجار بەڕێوەبەری دەزگای ( KII ) Kurdistan InnovationInstituteو م.طارق ويسى صادق یاریدەدەری ڕاگر پەیمانگەی تەکنیکی پزیشکی هەولێر و د. سەردار قادر عمر سەرۆکی بەشی دەرمانسازی لە پەیمانگەی تەکنیکی پزیشکی هەولێر لە سێ بابەتی جیادا باسیان لە رەوشی دەرمانسازی لە ئێستادا و پێشبینیان بۆ داهاتوو خستەڕوو.

لە کۆتاییدا لەلایەن ئامادەبووانەوە دیدگا و پێشبینی خۆیان بۆ ساڵی ٢٠٥٠ تۆمارکرد و دواتر لەلایەن لیژنەیەک لە پەیمانگای تەکنیکی پزیشکی لەناو کەپسولێکی تایبەت هەڵدەگیرێت و لە ساڵی ٢٠٥٠ کەپسولەکە دەکرێتەوە.

 

 

 

   

بۆ یەکەم جار لە زانکۆی پۆلیتەکنیکی هەولێر سیمپۆسیۆمیک ڕێکخرا دەربارەی دیدگای دەرمانسازی و داهاتوو بۆ ساڵی ٢٠٥٠.

ئامادەبوونی سەرۆکی زانکۆی پۆلیتەکنیکی هەولێر بەڕێز(پرۆفیسۆر د. ئیدریس محمد طاهر هەرکی) و بە سەرپەرشتی ڕاگری پەیمانگەی تەکنیکی پزیشکی هەولێر (پ.ی.د.تیران جمیل پیرۆ ) میوانانی قەدرگران بەڕێزان هەردوو جێگری سەرۆکی ژووری بازرگانی هەولێر کامران سەلاح باجگر و مەعروف عزیزخان هەرکی، و سەرۆکی بەشەکانی پەیمانگە و مامۆستایان و فەرمانبەران و قوتابیانی پەیمانگەی تەکنیکی پزیشکی هەولێر.

قسەکەری سەرکی ئەم سیمپۆزیۆمە بریتیبوون هەریەک لە بەڕێزان (د.ئازاد ابراهیم نەجار بەڕێوەبەری( KII) Kurdistan Innovation Institute و د.طارق ويسی صادق یاریدەدەری ڕاگری پەیمانگەی تەکنیکی پزیشکی هەولێر و د. سەردار قادر عمر سەرۆکی بەشی دەرمانسازی
-سیمپۆسیۆمەکە ئەمڕۆ لە هۆڵی کۆنفراسەکانی زانکۆی پۆلیتەنیکی هەولێر بەڕێوەچوو تیایدا بەڕێزان د.ئازاد و د سەردار و د طارق بابەتێکیان سەربارەت بە دیدگای داهاتووی دەرمانسازی بۆ ساڵی ٢٠٥٠ پێشکەش کرد .

• لە کۆتایدا ئامادەبووان بەشداربوون لە چالاکی هەڵگرتنی کەپسولی کات کە بریتی بوو لە نووسینی پێشبینیەکان و هەڵگرتنیان لە فۆڕمی تایبەت بۆ ساڵی ٢٠٥٠.

لەژێر چاودێری پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، لە بەڕێوەبەرایەتی گشتی سەنتەری توێژینەوە و پەرەپێدان، وۆرکشۆپێکی تایبەت بە ڕێککارەکانی توێژینەوەی زانستی و بەکارهێنانی بەرپرسیارانەی ژیری دەستکرد بۆ ژمارەیەک لە مامۆستایانی زابکۆمان بەڕێوەچوو.

لە سەرەتای وۆرکشۆپەکەدا کە ماوەی دوو رۆژی خایاند، پ.ی.د.رەنج سیروان عەبدوڵڵا بەڕێوەبەرەی گشتی سەنتەری توێژینەوە و بەرەپێدان بەناوی خۆی و سەرۆکی زانکۆی پۆلیتەکنیکی هەولێر دەستخۆشی لە مامۆستایانی بەشداربووی وۆکشۆپەکە کرد بۆ بەشدارییکردنیان و هیوای خواست ئەو بابەتانەی کە لە میانی وۆرکشۆپەکەدا پێشکەش دەکرێن ببێتە مایەی سوود و رەزامەندی هەمووان.

دواتر هەریەک لە پ.د.ئەحمەد محەمەد ئەدهەم، پ.ی.د.رەنج سیروان عەبدوڵڵا بەڕێوەبەرەی گشتی سەنتەری توێژینەوە و بەرەپێدان، پ.ی.د.هێمن کاکەخان عولا مامۆستای زانکۆ و پ.ی.د.عەبدوڵڵا عومەر یاسین بەڕێوەبەری پەڕێوەبەرایەتی پەیوەندییە نێودەوڵەتییەکان ش م.نازم حەسەن عەزیز مامۆستای زانکۆ بە بابەتی جیاجیادا باسیان لە تایبەت بە ڕێککارەکانی توێژینەوەی زانستی و بەکارهێنانی بەرپرسیارانەی ژیری دەستکرد کرد.

لە کۆتایی وۆرکشۆپەکەدا، لەلایەن پ.ی.د.رەنج سیروان عەبدوڵڵا بڕوانامە بەخشرایە ئەو مامۆستایانەی کە بابەتیان پێشکەش کرد.