Monthly Archives: شوبات 2025

پ.ی.د.سەرسام خەلیل شوانی ڕاگری پەیمانگەی تەکنیکی کارگێڕی ھەولێر و ئەندامی ئەنجوومەنی زانکۆی پۆلیتەکنیکی وەک نوێنەری سەرۆکی زانکۆ بە یاوەری پ.ی.د.رزگار عەبدال سەرۆکی بەشی کارگێڕی کار لە پەیمانگە بەشدار بوون لە کۆنفرانسی کاریگەری رێساکانی کێبرکێی یاسایی لە دامەزراندنی بناغەکانی ئابووری و وەبەرھێنانی سەلامەت.

کۆنفرانسەکە کە بە ھاوبەشی زانکۆی نۆلج و کۆلێژی المامون ی زانکۆیی و سەنتەری الشرائع بۆ گەشەپێدانی کارامەیی و یاسایی کارگێڕی رێك خرابوو ،بە چاودێری سەرۆکایەتی ئەنجوومەنی وەزیران ئەنجوومەنی کاروباری کێبرکێی و رێگەندان بە قورخکاری بوو کە لە زانکۆی نۆلج لە شاری هەولێر بەرێوەچوو.

شاندێکی زانکۆمان بە سەرۆکایەتی پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر سەردانی دامەزراوەی Vision Educationی کرد و لەلایەن زەینەب خەلیل جێگری بەڕێوەبەری رێگەپێدراوی دامەزراوەکەوە پێشوازیی لێکرا.

لە سەرەتاى دیدارەکەدا، کە پ.ی.د.بۆتان مجید احمد یاڕیدەدەری سەرۆکی زانکۆ بۆ کاروباری زانستی و خوێندنی باڵا، پ.ی.د.مراد امیر احمد ڕاگری کۆلێژی تەکنیکی تەندروستی و پزیشکی، پ.ی.د.عبدالله عمر یاسین بەڕێوەبەری پەیوەندییە نێودەڵەتییەکان و سرمند حمید نصرالدین بەڕێوەبەری کارگێری و خۆیەتی و ستافی دامەزراوەکە ئامادەی بوون، سەرۆکی دامەزراوەی Vision Education وێڕای بەخێرهاتن و خۆشحاڵی دەربڕین بە سەردانی شاندی زانکۆ، هاوکات کورتەیەکی لەبارەی دامەزراوەکە و ئامانجەکانی خستەڕوو.

لای خۆیەوە، پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر سوپاسی سەرۆک و ستافی دامەزراوەی Vision Education ی کرد بۆ پێشوازییکردنیان، کورتەیەکی لەسەر زانکۆ و کۆلێژ و پەیمانگاکانی و دیدگا و بەرنامەی زانکۆ بۆ بەرەپێشبردنی ئاستی زانستی و گونجاندنی پڕۆگرامانی خوێندن تیایدا لەگەڵ بازاڕی کار باسکرد.

هەر لە دیدارەکەدا جەخت لە پێویستی هەماهەنگی نێوان هەردوولا کرایەوە و لەمبارەیەوە هاوڕابوون لەسەر بەردەوامی پەیوەندییەکان بە ئامانجی واژۆکردنی یاداشتی لێکتێگەیشتن و کاری هاوبەش لە داهاتوودا.

بە ئامادەبوونى ئومێد خۆشناو، پارێزگارى هەولێر و پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر و تەیب کەژۆ، بەڕێوەبەرى گەشەپێدانى پیشەسازیی هەولێر و ژمارەیەکى دیکە لە پسپۆڕ و شارەزا و مامۆستایانی زانکۆ و قوتابیان، بەڕێوەبەرایەتی گەشەپێدانى پیشەسازى هەولێر بە هەماهەنگى کۆلێژی تەکنەلۆجی و زانکۆی پۆلیتەکنیکی هەولێر، پیشانگایەکى تایبەت بە نمایشی بەرهەمی کارگە پیشەسازییە خۆماڵییەکان کرایەوە و سیمپۆزیۆمێکی لەژێر ناونیشانى (داهێنانی پیشەسازی بۆ بەردەوام بوون) ئەنجامدا.

لە سەرەتاى سیمپۆزیۆمەکەدا، لەلایەن ئامادەبووانەوە پیشانگایەکى تایبەت بە هەلى کار و بەربوومى خۆراکى و کەلوپەل و پێداویستى پزیشکى و ئۆتۆمبێل و پیشەسازى بە بەشداری چەندین کۆمپانیای ناوخۆیی و خۆماڵى کرایەوە، پاشان لە لایەن مامۆستایانی زانکۆ و پسپۆڕان، پرسى گەشەپێدانى پیشەسازى و پرۆسەى پەرەپێدان و باشترکردنى ژێرخانى پیشەسازیی و بەرهەمهێنان و هاندانى وەبەرهێنان لە کەرتى پیشەسازییدا لە هەرێمى کوردستان و دابینکردنى پاڵپشتی و فراوانکردنى چالاکییەکانى ئەم کەرتە بە ئامانجی هاندان و دروستکردنى هەلى کار تاوتوێکرا. هەروەها تیشک خرایەسەر ئەوەی بایەخدان بە کەرتى پیشەسازى کە شادەمارى ئابوورییە، دەبێتە هۆى پێشکەوتنى وڵات.

جێگەی باسە، کابینەی نۆیەمی حکومەتی هەرێمی کوردستان، بەردەوام جەخت لە گەشەپێدانى کەرتى پیشەسازى کردووەتەوە، کە یەکێکە لە کەرتە سەرەکییەکان و بە گرنگیەوە لێى دەڕوانێت، لە ماوەى ساڵانى ڕابردووشدا سەرەڕای ئاستەنگ و کێشە سیاسى و ئابوورییەکان کە ڕووبەڕووى هەرێم بوونەتەوە، بەڵام کەرتى پیشەسازیى گەشەى زۆرى بەخۆیەوە بینیوە.

لە چوارچێوەیشدا و هاوتەریب لەگەڵ پلانی ‌حکوومەتی هەرێمی کوردستان، زانکۆی پۆلیتەکنیکی هەولێر بایەخی تایبەتی بەم کەرتە داوە و بەردەوام چالاکی جۆراوجۆری لەم بوارەدا ئەنجامداوە.

بە ئامادەبوونی پ.ی.د.یوسف مستەفا رەسوڵ یاریدەدەری سەرۆکی زانکۆ بۆ کاروباری قوتابیان و ژمارەیەک لە بەڕێوەبەرانی زانکۆمان، لە کەمپی بەشە ناوخۆییەکانی کچان ساڵیادی دامەزراندنی یەکێتی قوتابیانی کوردستان کرایەوە.

لە سەرەتای رێوڕەسمەکەدا حوسێن عوسمان توڤی بەرپرسی نووسینگە و نوێنەری قوتابیانی زانکۆی پۆلیتەکنیکی هەولێر لە وتەیەکدا وێڕای بەخێرهێنانی ئامادەبووان، هاوکات سوپاس و پێزانینی هەبوو بۆ پشتیوانییەکانی سەرۆک و ستافی سەرۆکایەتی زانکۆ بۆ سەرکەوتنیان لە کارەکانیان و بەڵێنی ئەوەی دووپات کردەوە کە وەک پێشوو هەردەم لە خزمەتی قوتابیاندا بن.

پ.ی.د.یوسف مستەفا رەسوڵ یاریدەدەری سەرۆکی زانکۆ بۆ کاروباری قوتابیان بەناوی خۆی و پ.د.ئیدریس محەمەدتاهیر هەرکی پیرۆزبایی لە قوتابیانی زانکۆمان بە گشتی و بەشداربووانی چالاکییەکەی بە تایبەتی کرد و هیوای سەرکەوتنی بۆ خواستن.

یاریدەدەری سەرۆکی زانکۆ بۆ کاروباری قوتابیان لە وتەکەیدا باسی لە پاشخان و پێویستی دامەزراندنی یەکێتی قوتابیان و لاوانی دیموکراتی کوردستانی کرد وەک پێویستییەکی خەباتی ئەو سەردەمە و هیوای خواست لەم قۆناغەشدا بە گروتینی رابردوو خەبات بکەن لەپێناو دۆزی رەوای گەلەکەمان و گەیشتن بە مافە رەواکانی.

دواتر رێزلێنانی نووسینگەی زانکۆی پۆلیتەکنیکی یەکێتی قوتابیانی کوردستان بەسەر بەشێک لە ستافی زانکۆمان دابەشکرا و پاشانیش لەلایەن ئامادەبووانەوە رێزلێنان بەسەر ژمارەیەک لە قوتابیانی نیشتەجێی بەشە ناوخۆییەکان دابەشکرا لە بەرامبەر چالاکییەکان لە خزمەتکردنی قوتابیاندا.

دواتر بە دابەشکردنی شیرینی و دووبارە پیرۆزبایی، یادەکە بەرزتر راگیرا.