بەچاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و پ.د.کیهان زرار غفور ڕاگری کۆلێژی تەکنیکی ئەندازیاری بۆ زانستەکانی کۆمپیوتەر، تیمێک لە سەنتەری ئەکادیمیای هواویی کۆلێژی ناوبراو بانگێشتکرابوون بۆ ئۆفیسی کۆمپانیای هواویی لە سلێمانی بۆ بەشداریکردن لە پێشبڕکێی ساڵانەی ئەکادیمیای هواوی.

تیمەکە پێکهاتبوون لە م. شیرین عبدلله انور بەڕێوەبەری ئەکادیمیای هواوی لە زانکۆی پۆلیتەکنیکی هەولێر و هەر یەک لە قوتابیانی قۆناغی چوارەمی بەشی (ICTE) بە ناوی رەسەن هێرش ئەحمەد و ئەیوب فاخیر نامیق، کە سەرکەوتن بۆ قۆناغی داهاتووی پێشبڕکێی ئەکادیمای هواوی.

شایەنی باسە ئاکادیمیای هواوی ساڵانە هەڵدەستێت بە ئەنجامدانی پێشبڕکێ بۆ قوتابیان لە ڕۆژهەڵاتی ناوەڕاست، لە كۆی زیاتر لە (3000) قوتابی لەسەر ئاستی زانكۆیەكانی عێراق و كوردستان، (8) قوتابی لە زانكۆی پۆلیتەكنیكی هەولێر دەرچوون، كە لە رێزبەندی دە یەكەمەكان بوون، لە ئاستی یەكەمی تاقیكرنەوەكە (Preliminary Exam for Iraq 2024-2025) كە لە ڕێكەوتی 30/10/2024 ئەنجامدرا، (2) قوتابی زانکۆمان سەرکەوتن بۆ تاقیکردنەوەی قۆنا‌غی دووەم لە پێشبڕکێکە بۆ (National Exam), كە نوێنەرایەتی عێراق و هەرێمی کوردستان دەكەن لە بواری (Network Track).

 

ڕێوڕەسمی دوەمین خولی دەرچووانی قوتابییانی پەیمانگەی تەکنیکی مێرگەسۆر بەڕێوەچوو

ئەمڕۆ دووشەممە 2ـی کانوونی یەکەمی 2024،لە هۆلی کۆنفرانسی پەیمانگەی تەکنیکی مێرگەسۆر، بەبەشداری ڕێزدار (مەلامستەفا بارزانی)، و ئامادەبوونی پ.د. ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، د.طالب محمد شریف عمر راگری پەیمانگەی تەکنیکی مێرگەسۆر و ژمارەیەک لە بەرپرسانی حکومی و حزبی ڕێوڕه‌سمی دووەمین خولی دەرچووانی قوتابییانی پەیمانگەی تەکنیکی مێرگەسۆرلە ژێر دروشمی ( خولی نیشتمانسازی بە پشتیوانی زانست و کارامەیی) بەڕێوەچوو.

لە ڕێوڕەسمەکە كه‌ خانه‌واده‌ی قوتابییانی ده‌رچووان ئاماده‌ بوون، دوای پێشكه‌شكردنی چه‌ند وتارێك و به‌خشینی بڕوانامه‌ی دیبلۆمی ته‌كنیكی به‌ده‌رچووانی ساڵی خوێندنی (2023-2024)، له‌لایه‌ن ڕاگری پەیمانگە و سەرۆکی زانکۆی پۆلیتەکنیکی هەولێر .
پاشان ، لۆگۆی رێزلێنانی ئەنجومەنی پەیمانگەی تەکنیکی مێرگەسۆر لەلایەن جەنابی ( مەلا مستەفا بارزانی) بەخشرایە یەکەمی سەر ئاستی پەیمانگە بۆ خوێندنی بەیانیان و ئێواران

هەروەها لەلایەن نوسینگەی ڕێزدار (مه‌لامسته‌فا بارزانی) خه‌ڵاتی رێزلێنان به‌سه‌ر یه‌كه‌م و دووه‌م و سێیه‌می سه‌ر ئاستی به‌شه‌كانی پەیمانگە دابه‌شكرا.

ڕاگەیاندنیپەیمانگەیتەکنیکی_مێرگەسۆر

 

ڕۆژی یەکشەممە 1ـی کانوونی یەکەمی 2024، قوتابییانی قۆناغی دووەمی بەشی ئافرەتان و لەدایکبوون بە سەرپەرشتی مامۆستایان (م. ئازاد حوسێن و م.ئەسعەد سەید عەزیز) لە وانەی پراکتیکی (Community health nursing) سەردانی بنکەی تەندروستی هەرێم یان لە سۆران کرد.

لە سەردانەکەدا قوتابییانمان ئاشناکران بە بەشەکانی بنکەی تەندروستی و گرنگی بنکە تەندروستییەکان لە پێشکەش کردنی خزمەتگوزارییە تەندروستییە سەرەتاییەکان، بەتایبەت بەشەکانی کوتان و چاودێری دایکانی دووگیان و چاودێری گەشەی کۆرپەلە.

بەناوی ڕاگرایەتی کۆلێژ و سەرۆکایەتی بەشی ئافرەتان و لەدایک بوون، سوپاسی بەرێوبەرایەتی تەندروستی سۆران و بەڕێوبەری بنکە و کارمەندانی بنکەی تەندروستی هەرێم دەکەین کە هاوکاری قوتابییانمان بوون.

 

ڕۆژی دووشەممە 2ـی کانوونی یەکەمی 2024، لە هۆڵی بۆنەکانی ئیدارەی سەربەخۆی سۆران، بەبەشداری ڕێزدار (مەلامستەفا بارزانی)، و بە چاودێری و ئامادەبوونی پ.د. ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، ئاماده‌بوونی پ.ی.د. شێروان شه‌ریف قورتاس- سه‌رۆكی زانكۆی سۆران، بەهرام عەریف یاسین- ئەندامی کۆمیتەی ناوەندیی و د.ڕێبوار بابکەیی بەرپرسی لقی 10ـی پارتی دیموکراتی کوردستان، به‌رپرسانی ئیداری سنووری ئیداره‌ی سه‌ربه‌خۆیی سۆران، ڕێوڕه‌سمی بیست و دووەمین خولی دەرچووانی قوتابییانی کۆلێژی تەکنیکی سۆران بەڕێوەچوو.

لە ڕێوڕەسمەکە كه‌ خانه‌واده‌ی قوتابییانی ده‌رچووش ئاماده‌ی بوون، دوای پێشكه‌شكردنی چه‌ند وتارێك و به‌خشینی بڕوانامه‌ی دیبلۆمی ته‌كنیكی به‌ده‌رچووانی ساڵی خوێندنی (2023-2024)، له‌لایه‌ن ڕێزدار (مه‌لامسته‌فا بارزانی) بڕوانامه‌ی ڕێزلێنان و خه‌ڵاتی تایبه‌تی به‌ڕێزیان به‌سه‌ر یه‌كه‌م و دووه‌م و سێیه‌می سه‌ر ئاستی به‌شه‌كانی كۆلێژ كه‌ ژماره‌یان (36) قوتابی بوو دابه‌شكرا.