ئەمڕۆ (٧/١١/٢٠٢٤ ) ڕۆژی پێنجشەممە لە مەراسیمێکی شایستەدا لەلایەن بەڕێز ڕاگری پەیمانگە (پ.ی.د.تیران جمیل پیرۆ ) بە ئامادەبوونی یاریدەدەری ڕاگر (د. طارق ویسی صادق ) و گشت سەرۆک بەشە بەڕێزەکان و مامۆستایان، بڕوانامەی ڕێزلێنان بەخشرایە بەشێک لە مامۆستایانی پەیمانگە کە پلەی شایستەیان بەدەستهێناوە بۆ ئەوەی سوپاس و پێزانینی ڕاگریان پێ ببەخشرێت.
بەڕێز ڕاگری پەیمانگە دەستخۆشی لێکردن و هیوای بەردەوامی و پلەی باشتری بۆ خواستن
ئەمڕۆ (٧/١١/٢٠٢٤ )ڕۆژی پێنجشەممە کاتژمێر ١٠:٣٠ سەرلەبەیانی لە هۆڵی ٨ لە پەیمانگەی تەکنیکی پزیشکی هەولێر وۆرکشۆپێک بە نانیشانی (Breast Cancer) ئەنجام درا لە ژێر چاودێری بەڕێز ڕاگری پەیمانگە (پ.ی.د.تیــران جمیــل پیــرۆ ) بە ئامادەبوونی یاریدەدەری ڕاگر (د. طــارق ویســی صــادق ) و گشت سەرۆک بەشە بەڕێزەکان و مامۆستایان، قسەکەری سەرەکی وۆرشۆپەکە پێکهاتبوون لە هەریەک لە بەڕێزان پ.ی.د. سەروەر ابراهیم ، م. محرم یاسین و د.دڵدار صالح و م. نرمین محمد هەریەکەو بە بابەتیک بەژداریان کردبوو.
ئەمرۆ پێنج شەممە 7ی تشرینی دووەمی 2024، پ.د.ئیدریس محەمەد تاهیر هەرکی سەرۆکی زانکۆی پۆلی تەکنیکی هەولێر، پێشوازی لە شاندی باڵای زانکۆی تعزی وڵاتی یەمەن بە سەرۆکایەتی د.محەمەد محەمەد سەرۆکی زانکۆی ناوبراو وشاندی یاوەری کرد.
دیدارەکە بە ئامادەبوونی یاریدەدەرانی سەرۆکی زانکۆ بۆ کاروبارەکانی کارگێری و دارایی، زانستی و خوێندنی باڵا ، ڕاگری پەیمانگەی تەکنیکی کارگێڕی هەولێر، بەرێوەبەری پەیوەندییە نێودەوڵەتیەکان و بەرێوەبەری نووسینگەی سەرۆکی زانکۆ بەرێوەچوو.
شاندەکە پێک هاتبوون لە د.محەمەد محەمەد سەرۆکی زانکۆی تعز، د.ریاز جێگری سەرۆکی زانکۆ ، د.بەسام المحادین بەڕێوەبەری تۆماری ئەنجومەنی عەرەبی.
لە دیدارەکەدا گفتوگۆ دەربارەی زیاتر بەروەپێشبردنی پەیوەندییەکانی نێوان هەردوولا ئاڵوگۆڕکرا، بۆ ئەمەش یاداشتێکی لێکتێگەیشتن لە نێوان هەردوو زانکۆ واژۆ کرا.
واژۆکردنی یاداشتەکە لەدرێژەی هەوڵە بەردەوامەکانی زانکۆی پۆلیتەکنیکی هەولێرە بۆ پەرەپێدان بەکاروباری زانستی و ئەکادیمی و توێژینەوە لەگەڵ زانکۆکانی ناوخۆ و دەرەوە.
ئەمڕۆ پێنج شەممە 7ی تشرینی دووەمی 2024 بە ئامادەبوونی پ.ی.د. بۆتان مجید احمد ، یاریده‌ده‌ری سه‌رۆكی زانكۆ بۆ كاروباری زانستی و خوێندنی باڵا و ژمارەیەک لە بەرێوەبەران و مامۆستایان و فەرمانبەرانی زانکۆی پۆلیتەکنیکی هەولێر، وۆرکشۆپێک لە سەرۆکایەتی زانکۆمان بەڕێوەچوو.
وۆرکشۆپەکە بۆ پێدانی ڕێنمایی تەواو بۆ ئەدمین و تۆمار و دارایی زانکۆ و پەیمانگەکان تایبەت بە ڕێکخستنی کرێی خوێندن رێکخرابو، کە لەلایەن مامۆستایان (یاسین حەمید رەشید و گۆران مەغدید کەریم) پێشکەش کرا.
