رۆژانی 23 و 24ی تشرینی یەکەمی 2024، وەفدێکی زانکۆی پۆلیتەکنیکی هەولێر کە پێک هاتبوون لە پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، د.تالب محەمەد شەریف ڕاگری پەیمانگەی تەکنیکی مێرگەسۆر، لە زانکۆی ئایدن لە ئیستەنبوول بەشداریان لە کۆبوونەوەی گشتی ئەندامانی ئەمینداریەتی یەکێتی زانکۆکانی دەریای ناوەڕاست کرد.

 

کۆنفرانسەکە بە بەشداری 102 زانکۆ لە وڵاتانی ئەوروپایی و ئەفریقایی و ئاسیاوی بەڕێوەچوو، زانکۆی پۆلیتەکنیکی هەولێر و زانکۆکانی دهۆک و زاخۆ و ئاکرێ و نۆلج لە کوردستان بەشداربوون.

ڕۆژی یەکەمی کۆنفرانسەکە لە چەند پریسەنتەیشنەکدا تیشک خرایە سەر چۆنیەتی پێشخستنی ئاستی زانستی زانکۆکان، باس لە بەنێودەوڵەتیکردنی زانکۆکان و ئاڵانگاریەکانی بەردەم پێشخستنی زانکۆکان کرا.

لە ڕۆژی دووەمی کۆنفرانسەکە کار و بەرنامەکانی یەکێتی زانکۆکانی دەریای ناوەڕاست باس و گفتوگۆیان لەبارەوە کرا، هەروەها باس لە بەرنامەکانی داهاتووی یەکێتی زانکۆکانی دەریای ناوەڕاست کرا کە دەیەوێت بەهاوکاری یەکێتی ئەوڕوپا و پلاس ئێراسمۆس ئەنجامی بدات، زانکۆی پۆلیتەکنیکی هەولێر لە دوو بەرنامەدا لە گەڵ چەند زانکۆیەکی ئیتاڵی و ئیسپانی بەشدارە.

 

لەو کۆنفرانسەدا سەرۆکی زانکۆ چەند دیدارێکی لەگەڵ بەشێک لە زانکۆ بەشداربوەکاندا ئەنجامدا، بۆ بەرەوپێشبردنی پەیوەندیەکان و پێکەوە کارکردنیان.

 

ئەمڕۆ چوار شەممە رێکەوتی 23ـی تشرینی یەکەمی 2024 لەژێر چاودێری پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر،بە ئامادەبوونی پ.د.ئازاد حەسەن قادر، یاریدەدەری سەرۆکی زانکۆی پۆلیتەکنیکی هەولێر بۆ کاروباری کارگێری و دارایی، پ.ی.د. یوسف مستەفا رەسول یاریدەدەری سەرۆکی زانکۆ بۆ کاروباری قوتابییان و بەشەناوەخۆییەکان، پ.ی.د.ئیدریس هادی ساڵح سەرۆكی دەستەی ئەمیندارنی زانكۆی نێودەوڵەتیی تیشك، بەشێک لە ئەندامانی ئەنجومەنی زانکۆی پۆلیتەکنیکی هەولێر و ژمارەیەک لە میوانان، مەراسیمی کردنەوەی دەیەمین کۆنفڕانسی ساڵانەى نێودەوڵەتى ئەندازیاری شارستانی و زانیاری کۆمپیوتەرلە نێوان زانکۆی پۆلیتەکنیکی هەولێر و زانکۆی نێودەوڵەتیی تیشک بەرێوەچوو.

 

دوای گوێگرتن لە سروودی نیشتمانی عێراق و سرودی نیشتمانی کوردستان یاریدەدەری سەرۆکی زانکۆی پۆلیتەکنیکی هەولێر پ.د.ئازاد حەسەن قادر وتارێکی پێشکەش کرد و وتی: “میوانە بەڕێزەکان، زۆر خۆشحاڵم بە ئامادەبوونتان لە مەراسیمی دەیەمین کۆنفڕانسی ساڵانەى نێودەوڵەتى ئەندازیاری لە لایەن زانکۆی پۆلیتەکنیکی هەولێر و زانکۆی نێودەوڵەتی تیشک  ئەنجام دەدرێت.

بەڕێزان یەکێک لە ھێڵە گشتییەکانی ستراتیژییەتی زانکۆی پۆلیتەکنیکی ھەولێر گرنگیدانی تایبەتە بە توێژینەوەی زانستی و توێژەران لە رێگەی ئەنجامدانی چەندین کۆنفرانس و سیمپۆزیۆم و ۆرۆکشۆپ بۆ زیاتر ئاشنابوونیان بە پێکھاتەی زانکۆمان.

ئامادەبووانی بەڕێز لە ئێستادا زانکۆی پۆلیتەکنیکی ھەولێر پێکھاتووە لە حەوت کۆلێژ و شەش پەیمانگەی تەکنیکی کە پسپۆڕی و بوارەکانی تەندروستی و پزیشکی، ئەندازیاری، کشتوکاڵی و کارگێری کە ھەردوو بڕوانامەی بکالۆریۆس و دبلۆمی تەکنیکی بە دەرچووانی دەبەخشێت، ھەروەھا لە ئاستی خوێندنی باڵا قوتابیانی دبلۆمی باڵا، ماستەر و دکتۆرا درێژە بەخوێندن دەدەن لە زانکۆماندا، زانکۆمان بە توانا و لێھاتوویی نزیکەی 800 مامۆستا لە ھەڵگرانی بڕوانامەی باڵا لە پسپۆڕی جیاواز و نزیکەی دوو هەزار فەرمانبەر خزمەت بە زیاتر لە 17 ھەزار قوتابی دەکەن.

لە کۆتاییدا دەستخۆشی لە سەرۆک و ئەندامانی لیژنەی باڵا و لیژنەی زانستی و لیژنەی ئامادەکاریی کۆنفرانس دەکەم و ھیوادارم دەرەنجامەکانی کۆنفرانسەکە ببێتە ھەنگاوێک بۆ خزمەتکردنی زیاتری زانکۆمان و بەرەوپێشبردنی رەوتی زانست و ئاوەدانی لە کوردستان، دووبارە ھەموولایەکتان بەخێربێن.

 

شیاوی باسە ئەم کۆنفرانسە بۆ ماوەی دوو رۆژ بەردەوام دەبێت لە رۆژانی 23 و 24/10/2024، زیاتر لە 130 توێژەرانی دامەزراوە و رێکخراوی ئەکادیمی و زانکۆکانى (11) وڵاتى جیاوازی جیهان وەک وڵاتانی ( مصر، پاکستان، فیلیپین، ئوردن، ئەلمانیا ، سوید، استرالیا ، تونس، عیراق، سوریا ، ئەمریکا) بەشدارن، بە پێشکەش کردنی (82) توێژینەوەى زانستى لە بوارە جیاکانى ئەندازیارى کە گفتوگۆیان لەبارەوە دەکرێت و دوای هەڵسەنگاندن لە گۆڤارە ناوخۆیی و جیهانییەکان بڵاو دەکرێنەوە.

 

بەرێوەچوونی چەندین چاڵاکی لە پەیمانگەی تەکنیکی مێرگەسۆر

رۆژی سێ شەممە ڕێکەوتی 2024/10/15 بە ئامادەبوونی ڕاگری پەیمانگەی تەکنیکی مێرگەسۆر د.طالب محمد شریف و ژمارەیەک لە مامۆستایان و قوتابیان و فەرمانبەران چەندین چاڵاکی لە ناو کەمپسی پەیمانگە و دەرەوەی پەیمانگە هاتنە ئەنجام دان.

هەنگاوی یەکەم:- پێشکەشکردنی سیمینارێک بوو لەلایەن ڕاگری پەیمانگەی تەکنیکی مێرگەسۆر د.طالب محمد شریف عمر لە ژێر ناونیشانی ( هەستکردن بە بەرپرسیارەتی گەنج بەرامبەر خۆی و نیشتیمانی ) کە تیایدا تیشکی خستە سەر پاراستنی بەها نیشتمانی و نەتەوییەکان و پاراستنیان لە هەرێمی کوردستان هەن.گەنجان تواناکانیان بە باشترین شێوە لە خزمەتخۆیان و نیشتیمانیان بخەنە گەڕ. رێگەنەدەن بەها پیرۆزەکانی ئەم وڵاتە لە هەر بارودۆخێکدا پشتگوێ بخەن.لەم دەڤەرە و کوردستان بەگشتی مێژوویەکی دەولەمەندی پرشکۆ هەیە وەک خۆراگری و پێکەوەژیان و مرۆڤدۆستی و دادپەروەری و ژینگە دۆستی.

ئەم پەیامە درێژەپێدەری پەیامی ئاشتیخوازانەی بارزانی نەمرە لە روانگەی هەستکردن بە بەرپرسیارەتی خودی گەنج بۆ فێربون و نەتەوەیی و نیشتیمانی لە ژیانی ڕۆژانەی خۆماندا کارەکانمان بە شێوازێکی بەئەمەک و بەرپرسیارانە جێبەجێی بکەین، وە پێویستە مرۆڤ لە هەر پیشە و پلەو پۆستیێکیتردابێ بەشێوەیێک لەشێوەکان کاربکات کە بتوانێ سوود بە تاکەکانی وڵات و کۆمەڵگایە بگەینێت کە تێدا دەژیت.

هەروەها لە بەشێکی تری وتارەکەیدا ، راگری پەیمانگە تیشکی خستە ئەو پاڵپشتی و دەستپێشخەریانەی کە جەنابی سەرۆکی حکومەتی هەرێمی کوردستان( مەسرور بارزانی) بە بەردەوام کردوویەتی بۆ خزمەتکردن بە قوتابیان و گەنجان و پێشخستنی تواناکانیان و رەخساندنی هەڵیکار بۆیان.

هەنگاوی دووەم :-‎كاتێك هەستی بەرپرسیارەتی بەهێزبێت، كلتوری ژینگە پارێزی تێكەڵ بە كۆمەڵگا دەبێت سەرجەم بەهاكانی یەكسانی و مرۆڤدۆستی دێنە بوون، پاراستنی ژینگە لەو دەڤەرە دەگەرێتەوە بۆ (100) سالی رابردوو کە کەلتورێکە ماوەتەوە بۆیە ئەمرۆ هەڵمەتێکی پاکردنەوەی دەوروبەری کەمپسی پەیمانگەی تەکنیکی مێرگەسۆر ئەنجامدرا لەو خۆل و خاشاکە، کەمپسی پەیماگە دەکەوێتە ناوچەیەک کە پرە لە گرد و تەپۆلکە وسەوزایی و کانی جوان ، بۆ یە ساڵانە چەندین هەڵمەتی پاکردنەوەی ژینگە ئەنجامدەدەن بۆ پاک راگرتنی ئەم ناو چە یەو هێشتەنەوەی هەروا بە جوانی.

ڕاگەیاندنی پەیمانگەی تەکنیکی مێرگەسۆر

ڕێزدار مەسرور بارزانی بەردی بناغەی چەند پڕۆژەیەکی گرنگی لە قەزای مێرگەسۆر دانا

لەبەردەوامی پڕۆژەخزمەتگوزارییەکانی کابینەی نۆیەمی حکومەتی هەرێمی کوردستان بۆ زیاتر خزمەتکردنی هاووڵاتییان، ئێوارەی ئەمڕۆ چوارشەممە ١٦ـی تشرینی یەکەمی ٢٠٢٤، ڕێزدار مەسرور بارزانی سەرۆکی حکومەتی هەرێمی کوردستان بەردی بناغەی چەند پڕۆژەیەکی گرنگی لە قەزای مێرگەسۆر دانا.

لەو ڕێوڕەسمەدا بەڕێز مەلامستەفا بارزانی و ژمارەیەکی بەرپرسی حکومی، حزبی و ژمارەیەکی زۆر لە کەسایەتی و هاووڵاتییانی دەڤەرەکە ئامادەبوون.

هەر لەو مەراسیمەدا د. طالب محەمەد شەریف عمر راگری پەیمانگە ئامادە بوو. بەو پێیەی پەیمانگەی تەکنیکی مێرگەسۆر یەکێکە لە پرۆژەگرنگەکان کە لە سەردەمی کابینەی نۆیەمی حکومەتی هەرێمی کوردستان دامەزراوە، ئەمەش لەپێناو خزمەتکردنی دەڤەری بارزان و قەزای مێرگەسۆر بەگشتی.

شیاوی باسە پەیمانگەی تەکنیکی مێرگەسۆر وەک یەکەمین دامەزراوەی ئەکادیمی لە ساڵی 2021، لە سەنتەری قەزای مێرگەسۆر کرایەوە کە خزمەتێکی بێ وێنەی بە قوتابیان و لاوانی دەڤەرەکە کردووە و لەو ماوە کەمەدا جێپەنجەی دیارە هەر لە ئەنجامدانی کۆنفرانس، سیمپۆزیۆم، وۆرکشۆپ، سیمنار و کردنەوەی خولی جۆراوجۆر بۆ قوتابییان و لاوانی دەڤەری بارزان.

راگەیاندنیپەیمانگەیتەکنیکی_مێرگەسۆر