بەئامادەبوونی ڕێزدار نێچیرڤان بارزانی، سەرۆکی هەرێمی کوردستان، ڕێوڕەسمی 20 ساڵەی دۆستایەتی کوردستان و کۆریای باشوور لە هەولێر بە ناونیشانی “دۆستایەتی لە زەیتوونەوە بەرەو گەشەسەندن” بەڕێوەچوو.
شاندێکی زانکۆی پۆلیتەکنیکی هەولێر بە سەرۆکایەتی پ.د.ئیدریس محەمەد تاهیر هەرکی سەرۆکی زانکۆ و هەریەک لە پ.ی.د.بۆتان مجید ئەحمەد یاریدەدەری سەرۆکی زانکۆ بۆ کاروباری زانستی و خوێندنی باڵا و پ.د.کیهان زرار غفور راگری کۆلیژی تەکنەلۆجی هەولێر و پ.ی.د.رەنج سیروان عەبدوڵڵا بەڕێوەبەری گشتی سەنتەری توێژینەوەی زانستی لەسەر بانگهێشتی کۆنسوڵخانەی گشتی کۆریای باشوور لە هەولێر بەشدارییان کرد لە ڕێوڕەسمی یادی هاتنی (تیپی زەیتوون)ـی سوپای کۆریای باشوور بۆ هەرێمی کوردستان کرد.
لە ڕێوڕەسمەکەدا سەرۆکی هەرێمی کوردستان لە گوتارێکدا ڕایگەیاند: “ئەو یادە و پەیوەندییەکان لەگەڵ کۆریا بۆ ئێمە جێی بایەخێکی زۆرە، بەر لە 20 ساڵ هیچ پەیوەندییەک لەنێوانماندا نەبوو، ئاماژەی بەوە کرد کە، یەکەم تیمی زەیتون هاتن بۆ هەولێر، هاتنی ئەو تیمە بووە سەرەتای پەیوەندییەکان لەگەڵ هەرێمی کوردستان، چونکە بوونە بەشێک لە هاوپەیمانێتی ێودەوڵەتی بۆ ئاوەدانی عێراق، ئەرکی ئەو تیمە مرۆییانە بوو بۆ هاوکاریی بنیاتنرا”.
گوتیشی: “ئەوان وەک دۆست بەناوی زەیتوون هاتنە کوردستان، خەڵکی کوردستان ئەو دەستەواژەیان لەبیرە کە دەڵێن، ئێمە دۆستی ئێوەین، خەڵکی کوردستان بە وڵاتی کۆریا ئاشنا بوون، تیمی زەیتوون پشتیوانیی مرۆیی خەڵکی کوردستانیان دەکرد، کردنەوەی کونسوڵخانەش سەرەتای پەیوەندییە دیبلۆماسییەکان بوو، نەخۆشخانە و پەرتوکخانەیان کردەوە، سەربازەکان پەیوەندیی دۆستانەیان لەگەڵ خەڵکی کوردستان دروست کرد”.
ڕاشیگەیاند: “چەندین زنجیرە درامای کۆریا لە کوردستان و لای خەڵکی کوردستان ناویان دەرکرد، زیاتر لە 60 قوتابخانە و 15 سەنتەری پزیشکییان دروست کرد”.
سەرۆکی هەرێم گوتی: “ئەمڕۆ دوای 20 ساڵ، جێی دەستی کۆریای باشوور لە هەرێمی کوردستان دیارە، دۆستی دڵسۆزیی زۆر باشی ئێمە بوون، سوپاس و ستایشمان بۆ هاوکارییەکانیان هەیە”.
سەرۆکی هەرێمی کوردستان گێڕایەوە و گوتی: لە سەردانم بۆ کۆریا، لە فڕۆکەخانەی سیئۆل بە کوردی و زۆر بە جوانی پێشوازییان لێکردین، دەڵێت: ئەوان کارو خزمەتەکانیان زۆر بە ڕوونی دیارە، ئێستا دۆستایەتی زۆر پتەو لەنێوانماندا هەیە، ئێمە شانازیی بەو پەیوەندییانە دەکەین، هیوا خوازین لە هەموو بوارەکاندا هەماهەنگیمان پتەوتر بکەین لەسەر بنەمای بەرژەوەندی هاوبەش.
گوتیشی: “عێراق و هەرێمی کوردستان دەتوانن سوود لە ئەزموونی کۆریا وەرگرن کە دوای جەنگیی جیهانیی خۆی لە وێرانە و ڕووخاییەوە بکەن بە یەکێک لە وڵاتە هەرە پیشکەوتووەکان بەتایبەت لە تەکنەلۆجیا، گوتی: پەیمانگایەکیان سیاسەت و ستراتیژیەتی هەستانەوە و پەرەپێدانی پێشخستنی مرۆڤ و کۆمەلگەی کۆریای داڕشت”.
راشیگەیاند: “دەکرێ ئێمە ئەزموونەکەی ئەوان دووبارە بکەینەوە، چیرۆکی کۆریا بە ئێمە و مرۆڤایەتی دەڵێت: ئەگەر ئیرادە و خواست و پێشکەوتن و وەبەرهێنان لە سەر مرۆڤ و پەرەپێدان بە مرۆڤەکان هەبێت، هەمیشە دەرفەت هەیە کە هیچ گەل و نەتەوەیەک لە دواوە نەمێنێتەوە”.
سەرۆکی هەرێمی کوردستان جەختی لە هاوبەشییەکانی هەرێمی کوردستان لەگەڵ کۆریای باشوور کردەوە و گوتی: “دەرفەتی وەبەرهێنامان هەیە بۆ کۆریا لە هەرێمی کوردستان، لەبواری زانست و پەروەردە و پەرەپێدانی ژێرخانی کوردستان و کلتووری و تەکنەلۆژیا، ئاسۆی پەیوەندییەکانمان فراوانتر بێت”.
گوتی: “دوای 20 ساڵ سوپاسی خۆم و خەڵکی کوردستان بۆ یەک بە یەکی ئەندامانی تیمی زەیتوون دەنێرم، خۆشەویستی بۆ جەناڕاڵ هوانگ، یەکەم فەرماندەی تیمەکە، ئەفسەرانی دیکە، پییان دەڵێم: بیریان دەکەین، لەهەر کوێیەک بن هیوای شادییان بۆ دەکەم”.
