رۆژی زانیاری (Information Day)رۆژی دووشەممە رێکەوتی (٢٠٢٤/١١/١٨) بەیاوەری بەرێزان سەرۆک بەشی تەکنیکی ئەندازیاری میکانیک و ووزە (پ.د.احمد محمد ادهم) و بریاردەری بەش (م.ی.ژیان فائق حسن) گەشتێک بەناو کۆلێژ ئەنجام درا بە مەبەستی ئاشناکردنی قوتابیانی قۆناغی یەک بە بەشەگرنگەکانی کۆلێژ (کتێبخانە) و تاقیگاکان و وەرشەکانی بەشەی تەکنیکی ئەندازیاری میکانیک و ووزە.
ئەمڕۆ دوو شەممە 18ـی تشرینی دووەمی 2024 ، بە ئامادەبوونى پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، ئومێد خۆشناو پارێزگاری هەولێر و ژمارەیەکى زۆر لە مامۆستایانى زانکۆ و هاوڕێ و هەڤاڵ و کەس و کار و خانەوادەکەى، لە هۆڵی سەنتەری رۆشنبیری و کۆمەڵایەتی، مەراسیمى چلەی ماتەمینی خوالێخۆشبوو مامۆستاى زانکۆى سەڵاحەدین، پرۆفیسۆر ” دکتۆر خەلیل ئیسماعیل ” بەڕێوەچوو.
لە مه‌راسیمه‌كه‌دا، سەرۆکی زانکۆ وێڕاى سەرەخۆشى لە خانەوادە وکەس و کارەکەی، ڕۆڵى خوالێخۆشبووى لە ژیانی ئەکادیمی و کۆمەڵایەتی بەرز نرخاند، کە خاوەنی 45 کتێبە بە زمانەکانی کوردی، عەرەبی و ئینگلیزی.
ئەمڕۆ یەک شەممە 17ـی تشرینی دووەمی 2024، بە ئامادەبوونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێڕی و دارایی و بەشێک لە ئەندامانی ئەنجومەنی زانکۆی پۆلیتەکنیکی هەولێر ئاهەنگی دەرچوانی قوتابیانی کۆلێژی تەکنیکی شەقلاوە بۆ خولی 25ەمین لە بناری چیای سەفین بەرێوەچوو.
هاوکات بە ئامادەبوونی پ.ی.د.بۆتان مجید احمد یاریده‌ده‌ری سه‌رۆكی زانكۆ بۆ كاروباری زانستی و خوێندنی باڵا، پ.ی.د. یوسف مسته‌فا رسول یاریده‌ده‌ری سه‌رۆكی زانكۆ بۆ كاروباری قوتابیان و بەشەناوەخۆییەکان ئاهەنگی دەرچوانی پەیمانگەی تەکنیکی کۆیە بۆ خولی 26ەمین لە کۆیە بەڕێوەچوو.
مەراسیمەکان لەژێر دروشمی “خولی نیشتمانسازی بە پشتیوانی زانست و کارامەیی” لە هەردووک شوێن ئەنجام دران، کە لە کۆتایی مەراسیمەکانیشدا قوتابیانی دەرچووی کۆلێژی تەکنیکی شەقلاوە و پەیمانگەی تەکنیکی کۆیە بۆ سالی خوێندنی 2023-2024 سوێندی یاساییان خوارد و بروانامەی بەکالۆریۆس و دبلۆمیان لە چەندین پسپۆری جیاواز پێبەخشرا.
