زیرەکی دەستکرد بابەتیکی گرنگی سەردەمیانەیە کە پێویستە زانکۆکان و دەزگای پەیوەندیدار رۆڵیان هەبێت لە پێشخستنی. هەر وەک ئاشکرایە زانکۆکەمان لەم بوارە چالاکی زۆری ئەنجامداوە و نویترینیان بەشداریکردنی د.سەلار عثمان علی، مامۆستا لە کۆلێژی تەکنیکی ئەندازیاری هەولێر، لە پۆدکاستێکی تایبەت بە کۆمەڵەی توێژینەوەی پەروەردەیی بەریتانی بە هاوبەشی زانکۆی لیڤەرپووڵ لە بەریتانیا و زانکۆی پوورسەعید لە میسر.
بابەتی پۆدکاستەکە جەخت لە گرنگی سەرکردایەتی ئەکادیمی دەکات، سەرچاوەی زانیاری و هەماهەنگی وپەیوەندی ئەکادیمی لە نێوان دەزگا ئەکادیمییەکان لە پاڵپشتی کردنی بەردەوامی ئامانجەکانی گەشەپێدانی نەتەوە یەکگرتووەکان بە تایبەتی لە جیهانی باشوور و ووڵاتانی تازە پێگەیشتوو.
لەم پۆدکاستە باسی ڕۆڵی زانکۆکەمان دەکرێت لە پێشخستن وپاڵپشتی کردنی بابەتی زیرەکی دەستکرد لە ڕێگەی ئەنجامدانی وۆرکشۆپ ودامەزراندنی کۆلێژی ئەندازیاری زانستەکانی کۆمپیوتەر کە بۆ ئەمساڵی خوێندنی 2024-2025 کراوەیە بۆ قوتابیانی قۆناغی یەك.
جێگەی باسە ئەم بڵاوکراوەیە لە دەرەنجامی دوو وۆرکشۆپی نێودەوڵەتییە کە بە هاوبەشی هەردوو زانکۆی ئاماژەپێکراو لە سەرەتای ئەم ساڵ لە زانکۆکەمان ئەنجام درا.
بۆ زانیاری زیاتر لەسەر ناوەڕۆکی پۆدکاستەکە، دەتوانن کلیک لـــــــــــێرە بکەن.
