Author Archives: mohammed fathulla

ئەمڕۆ سێ شەممە 26 تشرینی دووەمی 2024 بە ئامادەبوونی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د.بۆتان مجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا، پ.ی.د.محسین شەریف سالح ڕاگری کۆلێژی تەکنیکی کارگيڕی هەولێر و بەشێک لە ئەندامانی ئەنجوومەنی زانکۆ و مامۆستایان وۆرك شۆپێك بۆ پێداچونەوە بە پڕۆگرامی خوێندنی بەشی میدیا لە هەر سێ زانکۆی پۆلیتەکنیکی هەولێر و سلێمانی و دهۆك بەڕێوەچوو.

سەرەتای ۆورك شۆپەکە پ.ی.د.دلێر ئەحمەد سەرۆك بەشی تەکنیکی میدیا لە کۆلێژی تەکنیکی کارگێڕ هەولێر وەک ڕێکخەری وۆرکشۆپەکە بە کورتی تیشکی خستە سەر دانیشت و کۆبونەوەکانی ڕابردووی هەر سێ زانکۆ بۆ گەیشتن بە ئەنجامدانی ئەم وۆرك شۆپە.

دواتر پ.د.ئیدریس محەمەد تاهیر سەرۆکی زانکۆی پۆلیتەکنیکی هەولێر دوای بەخێرهێنانی سەرۆك بەش و مامۆستایانی میدیای هەر سێ زانکۆ، دەست خۆشی لێکردن بۆ ئەنجامدان و بەشداریکردنیان لەم وۆرك شۆپە و بە گرنگ ناوی برد،
سەرۆکی زانکۆ ئاماژەی بەوە کرد ئێمە وەکو زانکۆی پۆلیتەکنیکی هەولێر بەتەنیا لە پسپۆری میدیا نا بەڵکو لە بابەتەکانی تریش ئەم جۆرە وۆرك شۆپانەمان ئەنجامداوە و پێداچونەوەمان لە پڕۆگرامی خوێندنی هەندێك لە بەشە زانستیەکانیش کردوە و هەندیك بەشی زانستیمان داخستوە و هەندێك بەشی زانستی تازەشمان کردۆتەوە، بیرمان لەوەش کردۆتەوە بە گوێرەی پێویستی جوگرافیای شوینەکە بەشی تازەی لێبکەینەوە.
پاشان سەرۆکی زانکۆ وتی: هەر لەدەرەنجامی ئەم کارانەشماندا ئەمساڵ توانیمان پێداچونەوە بە 11 بەشی زانستی بکەین لە کردنەوەی بەشی تازە و گۆڕینی پڕۆگرامیشەوە، ئەمساڵ ئێمە وەکو زانکۆی پۆلیتەکنیکی هەولێر زۆرترین ڕێژەی قوتابیمان لەسەر ئاستی زانکۆکانی کوردستان وەرگرتوە کە ژمارەیان 8هەزار و 500 قوتابیە.

دواتر سەرۆکی زانکۆ تیشکی خستە سەر ئەوەی ئیتر کاتی ئەوە هاتووە زانکۆکان کادیری بە توانا و پیشەگەر بە کۆمەڵگا بناسێنن و تاکو بتوانێ خۆی هەلی کار بۆ خۆی بڕەخسێنێ نەك بارگرانیەکی زۆر لەسەر حکومەت دروست بکەین.

لە کۆتاییدا هیوای سەرکەوتنی بۆ بەڕێوەچونی ۆورك شۆپەکە خواست و داوای لێکردن لەسەر وڵامی بازاڕی کار داڕشتنەوەی پڕۆگرامی خوێندنی بەشی میدیا بکەن، بەتایبەتی بۆ دەزگا میدیایەکان چ جۆرە پڕۆگرامێکی هەنوکەیی پێویستە بۆ ئەوەی ئەو کادیرە لەو شوێنانە خۆی تێدا ببینێتەوە کاری لەسەر بکرێت.

 

ئەمرۆ دوو شەممە 25ـی تشرینی دووەمی 2024 پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە یاوەری پ.ی.د.تیران جمیل بیرۆ راگری پەیمانگەی تەکنیکی پزیشکی هەولێر، پ.ی.د.هەتاو کەریم بەڕێوەبەری سەنتەری پەرەپێدانی کار، کۆمەڵێک لە مامۆستایان و فەرمانبەرانی ئافرەت لە زانکۆمان لە هۆڵی مامۆستا سەعد عەبدوڵا لە هەولێر بەشداری لە هەڵمەتی نیشتمانی شازدە ڕۆژەی جیهانی بەرەنگاربونەوەی توندوتیژی دژ بە ئافرەتان کرد.

مەراسیمەکە بە ئامادەبوونی ڕێبەر ئەحمەد، وەزیری ناوخۆی هەرێمی کوردستان و چەندین میوان و کەسایەتی بەڕێوەچوو.
ئەم بۆنەیە لە لایەن ئەنجومەنی باڵای خانمان و گەشەپێدان بە هاوبەشی لەگەڵ وەزارەتی ناوەخۆ/بەڕێوەبەرایەتی گشتی بەرەنگاربوونەوەی توندوتیژی خێزان و ئافرەتان و ڕێکخراوی نەتەوەیەکگرتووەکان رێکخرابوو.
شایەنی باسکردنە 25ی تشرینی دووەمی هەموو ساڵێک بە رۆژی توندوتیژی دژی ژنان دادەنرێت، لەو رۆژەدا رێکخراوەکانی ژنان و داکۆکیکارانی ژن چەندین چالاکی جۆراوجۆر ئەنجام دەدەن، بە کارەکانیان کۆمەڵگا هۆشیار دەکەنەوە.

 

د.شارا کەمال سەرۆکی بەشی تەکنەلۆجیای پێترۆڵ لە کۆلێژی تەکنەلۆجی هەولێر و سەرۆکی لێژنەی (flood mapping and management )  لە دوو پانێل بەشداری لە کۆنفرانسی لایەنەکان (کۆپ29) لە باکووی ئازەربایجان دەکات.

لەپانێلی یەکەمدا لە رۆژی 19ـی تشرینی دووەمی2024 د.شارا دەربارەی کێشەی لافاو لە کوردستان بەشداربوو، لەم پانێڵە د.شارا کمال پرۆژەیکی پێشکەش کرد کە دەرئەنجامی هەماهەنگیە لە نێوان زانکۆمان و IOM بۆ بەرەنگاربونەوەی کیشەی لافاو لە کوردستان.

لەم پرۆژەیە چەند مامۆستایەک و قوتابیانی زانکۆکەمان بە خۆبەخشانە کار دەکەن بو چارەسەرکردنی کێشەی لافاو لە قوشتەپە لە ریێ mapping technology ، لە کۆتایی پرۆژەکە چەندین پۆند و کاچمێنت دیزاین ئەکرێ بۆ گلدانەوەی ئاوی باران بۆ بەکارهێنان و بەرزکردنی ئاستی ئاوی ژێر زەوی لە ناوچەکە، دەرئەنجامی ئەم بەژداریکردنە د.شارا توانی هەماهەنگی دروست بکات لەگەل چەند لایەنیکی حکومی و کۆمپانیای ناحکومی بۆ دابینکردنی هەلی کار و پەرەپێدانی مرۆیی بۆ قوتابیانی زانکۆمان.
 
پانێلی دووەم دەربارەی چیاکانی هەرێمی کوردستان و گۆڕانی کەشوهەوا لە رۆژی 21ـی تشرینی دووەمی2024 بەڕێوەچوو، لەم پانێڵەدا لە پێگەی عێراق کە بۆ تیمی حکومەتی هەرێمی کوردستان رێکخرابوو، دکتۆرە شارا کمال باسی لە تۆبۆگرافیای جوانی هەرێمی کوردستان کرد و ئاماژەی دا بە چیاکان بەگشتی و گوتی هۆکارێکن بۆ ژینگەیەکی لەبار و جوان بۆ گەشت و سەیران، هەروەها باسی لەوەشکرد کە دەوڵەمەندە بە چەندین دارستان و ڕۆڵی زۆریان هەیە لەکەمکردنەوەی دەرهاوێشتەی گازەکان و دەوڵەمەندە بە ژیانی کێوی، بەمەش ناوچەیەکی لەباری ڕەخساندووە بۆ ئەوەی چەندین ناوچەی پارێزراوی لێ هەڵکەوێت و لەکۆتایدا گوتی ئەو ناوچانە ڕۆلیان هەیە لەپاراستنی ژیانی کلاسیک و لەو شوێنانە چەندین ڕووەکی تێدایە بۆ داو دەرمان سودی لێوەردەگیرێت و هەروەها ساڵانە چەندین چاڵاکی رۆشنبیری و میهرەجان لەم ناوچانە ئەنجام دەدرێت.

 

شایەنی باسکردنە كۆنفرانسی لایەنەكان (COP29) بۆ پرسە ژینگەییەكانی جیهان، لە باكووی پایتەختی ئازەربایجان بەڕێوە چوو، تاكوو 22ی تشرینی دووەمی 2024 بەردەوام بوو، لە كۆنفرانسەكەدا سەرۆك و سەركردەكانی جیهان، نوێنەرانی حكومەتەكان و ڕێكخراوەكانی كۆمەڵگەی مەدەنی، كەرتی تایبەت، خاوەنكاران، دامەزراوە نێودەوڵەتییەكان و چالاكانی ژینگە بەشداربوون و دەیانەوێت بگەنە ئەو ڕێكارە كاریگەرانەی بە هۆیانەوە، باشتر ڕاسپاردە و بڕگەكانی ڕێككەوتننامەی پاریس بۆ ژینگە جێبەجێ دەكرێت.

 

 ئەمڕۆ 24ی تشرینی دووەمی 2024 لەژێڕ چاودێری پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، بە ئامادەبوونی پ.ی.د.هەتاو کەریم بەرێوەبەری سەنتەری پەرەپێدانی کار، د.شوان بەڕێوەبەری رێکخراوی O.H.C و بەشێک لە مامۆستایان و قوتابیانی بەشی کارگێڕی یاسایی لە پەیمانگەی تەکنیکی کارگێڕی هەولێر و بەشی دەرمانسازی لە پەیمانگەی تەکنیکی پزیشکی هەولێر، زانکۆمان بۆ زیاتر گرینگی دان بە لایەنی هۆشیاری و رۆشەنبیری قوتابییانی زانکۆکەمان سیمینارێک دەربارەی کاریگەری خراپی بەکارهێنانی مادەی هۆشبەر لە سەرۆکایەتی زانکۆ ڕێکخست.
 
سیمینارەکە بە هەماهەنگی بەڕێوەبەرایەتی سەنتەری پەرەپێدانی کار لە سەرۆکایەتی زانکۆمان لەگەڵ رێکخراوی O.H.C رێکخرابوو، پێشکەشکردنی سیمینارەکە لە لایەن قسەکەری دانیمارکی گاری گۆری و قسەکەری ئیتالی جولیا بەرێوەچوو، کە لەسەرەتای سیمینارەکەدا بە پێناسەی مادەی هۆشبەرەکان دەستی بە سیمینارەکە کرد و دواتر تیشکی خستە سەر کاریگەری خراپی بەکار هێنانی مادەی هۆشبەر و شێوازی خۆ پاریزی و چارەسەری دوای توشبوون،
 لە کۆتایی سیمینارەکەشدا چەند پرسیارێک لە لایەن میوانان و قوتابیان ئاراستەی قسەکەرەکان کراو وڵامیان درایەوە.