Author Archives: mohammed fathulla

بەبەشداری ڕێزدار (مەلامستەفا بارزانی)،و بە ئامادەبوونی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، بەجیا ئاهەنگی دەرچوونی قوتابییانی کۆلێژی تەکنیکی سۆران و پەیمانگای تەکنیکی مێرگەسۆر بەڕێوەچوو.

بەیانی رۆژی دووشەممە 2ـی کانوونی یەکەمی 2024، لە هۆڵی بۆنەکانی ئیدارەی سەربەخۆی سۆران، بەبەشداری ڕێزدار مەلامستەفا بارزانی، و بە چاودێری و ئامادەبوونی پ.د. ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، ئاماده‌بوونی پ.ی.د. شێروان شه‌ریف قورتاس- سه‌رۆكی زانكۆی سۆران، ژمارەیەک لە بەرپرسانی حزبی و حکوومی ئیداری سنووری ئیداره‌ی سه‌ربه‌خۆیی سۆران، ڕێوڕه‌سمی بیست و دووەمین خولی دەرچووانی قوتابییانی کۆلێژی تەکنیکی سۆران بەڕێوەچوو.

‎لە ڕێوڕەسمەکە كه‌ خانه‌واده‌ی قوتابییانی ده‌رچووش ئاماده‌ی بوون، دوای پێشكه‌شكردنی چه‌ند وتارێك و به‌خشینی بڕوانامه‌ی دیبلۆمی ته‌كنیكی به‌ده‌رچووانی ساڵی خوێندنی (2023-2024)، له‌لایه‌ن ڕێزدار مه‌لامسته‌فا بارزانی بڕوانامه‌ی ڕێزلێنان و خه‌ڵاتی تایبه‌تی به‌ڕێزیان به‌سه‌ر یه‌كه‌م و دووه‌م و سێیه‌می سه‌ر ئاستی به‌شه‌كانی كۆلێژ كه‌ ژماره‌یان 36 قوتابی بوو دابه‌شكرا.

دوای نیوەڕۆی هەمان رۆژ، لە هۆڵی بۆنەکانی پەیمانگای تەکنیکی مێرگەسۆر، بەبەشداری ڕێزدار مەلامستەفا بارزانی، و بە چاودێری و ئامادەبوونی پ.د. ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، ئاماده‌بوونی پ.ی.د. شێروان شه‌ریف قورتاس، سه‌رۆكی زانكۆی سۆران، ژمارەیەک لە بەرپرسانی حزبی و حکوومی ئیداری سنووری ئیداره‌ی سه‌ربه‌خۆیی سۆران و قەزای مێرگەسۆر، ڕێوڕه‌سمی دووەمین خولی دەرچووانی قوتابییانی پەیمانگای تەکنیکی مێرگەسۆر بەڕێوەچوو.


‎لە ڕێوڕەسمەکە كه‌ خانه‌واده‌ی قوتابییانی ده‌رچووش ئاماده‌ی بوون، دوای پێشكه‌شكردنی چه‌ند وتارێك و به‌خشینی بڕوانامه‌ی دیبلۆمی ته‌كنیكی به‌ده‌رچووانی ساڵی خوێندنی (2023-2024)، له‌لایه‌ن ڕێزدار مه‌لامسته‌فا بارزانی بڕوانامه‌ی ڕێزلێنان و خه‌ڵاتی تایبه‌تی به‌ڕێزیان به‌سه‌ر یه‌كه‌م و دووه‌م و سێیه‌می سه‌ر ئاستی به‌شه‌كانی كۆلێژ كه‌ ژماره‌یان 12 قوتابی بوو دابه‌شكرا.

 

شاندێکی زانکۆی پۆلیتەکنیکی هەولێر بە سەرۆکایەتی پ.ی.د.بۆتان مەجید ئاسنگەر، یاریدەدەری سەرۆکی زانکۆ بۆ کاروباری زانستی و خوێندنی باڵا بە نوێنەرایەتی سەرۆکی زانکۆ بەشداریی لە ڕێوڕەسمی راگەیاندنی “دامەزراوەی کوردستان” کرد.

لەسەر بانگهێشتی فەرمی “دامەزراوەی کوردستان”، شاندێکی زانکۆی پۆلیتەکنیکی هەولێر بە سەرۆکایەتی پ.ی.د.بۆتان مەجید ئاسنگەر، یاریدەدەری سەرۆکی زانکۆ بۆ کاروباری زانستی و خوێندنی باڵا و هەریەک لە پ.ی.د.هەتاو کریم خضر بەڕێوەبەری سەنتەری پەرەپێدانی کار، پ.ی.د.عەبدوڵڵا عومەر یاسین بەڕێوەبەری پەیوەندییە نێودەوڵەتییەکان و سەرمەند حەمید بەڕێوەبەری کارگێری و خۆیەتی بەشدارییان لە لە ڕێوڕەسمی راگەیاندنی “دامەزراوەی کوردستان” کرد.

دوای بەڕێوەچوونی بەرنامەی کاری چالاکییەکە کە بە ئامادەبوونی ئارین مەسرور بارزانی بەڕێوەچوو، شاندی زانکۆی پۆلیتەکنیکی هەولێر پیرۆزباییان لە دەستەی دامەزرێنەرانی دامەزراوەکە کرد و هیوایان خواست کە لە ئایندەدا کاری هاوبەش لەنێوان زانکۆمان و دامەزراوەی کوردستان ئەنجام بدرێت.

 

بە ئامادەبوونی پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێری دارایی، زیبا تەها سکرتێری یەکێتی ئافرەتانی کوردستان و ژمارەیەک لە بەرپرسانی حکوومی و حزبی، لە سەرۆکایەتی زانکۆ پانێڵيک لەژێر ناونیشانی ”کاریگەرییەکانی توندوتیژی لەسەر خيزان” بەڕێوەچوو کە بەهاوبەشی لەنێوان زانکۆمان و یەکێتی ئافرەتانی کوردستان بەبۆنەی هەڵمەتی نیشتمانی ١٦ رۆژەی بەرەنگاربوونەوەی توندوتیژی دژی ئافرەتان ئەنجامدرا.

سەرەتای پانێڵەکە بە خولەکێک وەستان بۆ گیانی پاکی شەهیدانی کوردستان دەستی پيکرد.

پاشان وتاری بەخێرهاتن لەلایەن زیبا تەها، سکرتێری یەکێتی ئافرەتانی کوردستان خوێندرایەوە کە تیایدا وێڕای ئاماژەدان بە گرنگی کاری پێکەوەیی لەگەڵ زانکۆی پۆلیتەکنیکی هەولێر وەک یەکێک لە زانکۆ پيشەنگەکانی کوردستان، هاوکات باسی لە رۆڵی زانکۆ لە کەمکردنەوەی توندوتیژی لەنێو خێزان و کۆمەڵگەدا کرد.

سکرتێری یەکێتی ئافرەتانی کوردستان بە ئاماژەدان بە هەوڵ و هەنگاوەکانی رێکخراوەکەیان لە کەمکردنەوەی توندوتیژی و رایگەیاند، ئەنجامدانی ئەم پانێڵەش لەم چوارچيوەیەدایە.

دواتر پ.د.ئازاد حسن قادر، یاریدەدەری سەرۆکی زانکۆ بۆ کاروباری کارگێری و دارایی لە وتەیەکدا بەناوی سەرۆکایەتی زانکۆوە وێڕای بەخێرهێنانی میوانان و ئامادەبووان رایگەیاند، توندوتیژی وەک ھۆکارێک کاریگەری نەرینی لەسەر ژیانی خێزان و تاکەکانی ھەیە و دەبێتە سەرەتایەک بۆ ھەڵوەشاندنەوەی خێزان.

یاریدەدەری سەرۆکی زانکۆ بۆ کاروباری کارگێری و دارایی بە سەرنج خستنە سەر هەنگاوەکانی حکوومەتی هەرێمی کوردستان بۆ بەرەنگاربوونەوەی توندوتیژی خيزانی، گوتی “زانکۆمان وەک دامەزراوەیەکی ئەکادیمی بایەخی تایبەتی بە پرسی بەرەنگاربوونەوەی توندوتیژی داوە و ساڵانە ھاوتەریب لەگەڵ پلانی حکوومەت و ھەڵمەتی نیشتمانی بۆ بەرەنگاربوونەوەی توندوتیژی چالاکی جۆراوجۆر ئەنجام دەدات”.

راشیگەیاند، ئەمساڵیش بە بۆنەی ھەڵمەتی ١٦ ڕۆژەی بەرەنگاربوونەوەی توندوتیژی دژی ئافرەتان، لە بەردەم کەمپی یەکی زانکۆمان وێنەیەکی سەر دیواریان نەخشێندرا کە بە شێوەیەکی سەمبولی گوزارشتی لە داکۆکیکردن لە مافی ئافرەتان و ئاماژەکردن بە پرسی بەرەنگاربوونەوەی ئەو دیاردەیە دەکرد.

پ.د.ئازاد حسن قادر لە کۆتاییدا خۆشحاڵی نیشاندا وەک زانکۆ بەشداریی ئەم چالاکییە دەبن و ھیوای خواست ناوەڕۆکی پانێڵەکان ببنە بەشێکی گرنگ لە کەمکردنەوەی کاریگەرییەکانی توندوتیژی لەسەر خێزان.

دواتر هەریەک لە چیمەن محەمەد، سە‌‌عد بەرزنجی و نوور یوسف جاف باسیان لە بابەتەکانیان کرد و دواتریش لەلایەن ئامادەبووانەوە چەند پرسیارێک ئاراستەی پانێڵیستەکان کران و وەڵام درانەوە.

لە کۆتاییدا قەڵغانی رێزلێنانی یەکێتی ئافرەتانی کوردستان لەلایەن زیبا تەها پيشکەش بە زانکۆمان کرا و لەلایەن پ.د.ئازاد حسن قادر، یاریدەدەری سەرۆکی زانکۆ بۆ کاروباری کارگێری و دارایی قەڵغانەکە وەرگیرا.

 

ئەمڕۆ یەکشەممە 1ـی کانوونی یەکەمی 2024 پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر لەگەڵ بەشێک لە ئەندامانی ئەنجومەنی زانکۆ بەشداریان لە دیداری زەڵمی کرد.

دیداری زەڵمی لە هەولێر بەڕێوەچوو و لە دیدارەکەدا دۆکیۆمێنتارییەک لەسەر ژیانی د. مستەفا زەڵمی نمایش کرا. سەرۆکی هەرێمی کوردستان لەوێ گوتی، ”پابەندین بە درێژەدان بە رێگەی د. مستەفا زەڵمی و بەهێزکردنی دادپەروەریی کۆمەڵایەتی و پاراستنی مافی مرۆڤ”.

بەر لە کۆچی دوایی، ناوبانگی د. مستەفا زەڵمی لە هەرێمی کوردستان و عێراق تێپەڕیبوو، بە جۆرێک کە ساڵی 2013 لە لایەن ئەحمەد تەیب، شێخی ئەزهەر، لە قاهیرەی پایتەختی میسر، خەڵات کرا. 

لە بەشێکی دیکەی دیدارەکەدا، گوتاری بنەماڵەی د. مستەفا زەڵمی، لە لایەن کوڕەکەی، مەسعود مستەفا زەڵمی خوێندرایەوە.

 

مستەفا ئیبراھیم محەممەد ئەمین، ناسراو بە د. مستەفا زەڵمی، له ‌ساڵی 1924 له‌ گوندی زەڵمی ناوچەی هەورامان لەدایک بووە. زیاتر له‌ 50 كتێب و 40 توێژینەوەی لەبارەی شەرع و یاسا نووسیوه‌ و یەکێک لە کەسایەتییە دیارەکانی جیهانی ئیسلام بوو. 4ـی حوزەیرانی 2016 لە هەولێر کۆچی دوایی کرد.