Author Archives: mohammed fathulla

ئەمڕۆ چوار شەممە رێکەوتی 23ـی تشرینی یەکەمی 2024 لەژێر چاودێری پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر،بە ئامادەبوونی پ.د.ئازاد حەسەن قادر، یاریدەدەری سەرۆکی زانکۆی پۆلیتەکنیکی هەولێر بۆ کاروباری کارگێری و دارایی، پ.ی.د. یوسف مستەفا رەسول یاریدەدەری سەرۆکی زانکۆ بۆ کاروباری قوتابییان و بەشەناوەخۆییەکان، پ.ی.د.ئیدریس هادی ساڵح سەرۆكی دەستەی ئەمیندارنی زانكۆی نێودەوڵەتیی تیشك، بەشێک لە ئەندامانی ئەنجومەنی زانکۆی پۆلیتەکنیکی هەولێر و ژمارەیەک لە میوانان، مەراسیمی کردنەوەی دەیەمین کۆنفڕانسی ساڵانەى نێودەوڵەتى ئەندازیاری شارستانی و زانیاری کۆمپیوتەرلە نێوان زانکۆی پۆلیتەکنیکی هەولێر و زانکۆی نێودەوڵەتیی تیشک بەرێوەچوو.

 

دوای گوێگرتن لە سروودی نیشتمانی عێراق و سرودی نیشتمانی کوردستان یاریدەدەری سەرۆکی زانکۆی پۆلیتەکنیکی هەولێر پ.د.ئازاد حەسەن قادر وتارێکی پێشکەش کرد و وتی: “میوانە بەڕێزەکان، زۆر خۆشحاڵم بە ئامادەبوونتان لە مەراسیمی دەیەمین کۆنفڕانسی ساڵانەى نێودەوڵەتى ئەندازیاری لە لایەن زانکۆی پۆلیتەکنیکی هەولێر و زانکۆی نێودەوڵەتی تیشک  ئەنجام دەدرێت.

بەڕێزان یەکێک لە ھێڵە گشتییەکانی ستراتیژییەتی زانکۆی پۆلیتەکنیکی ھەولێر گرنگیدانی تایبەتە بە توێژینەوەی زانستی و توێژەران لە رێگەی ئەنجامدانی چەندین کۆنفرانس و سیمپۆزیۆم و ۆرۆکشۆپ بۆ زیاتر ئاشنابوونیان بە پێکھاتەی زانکۆمان.

ئامادەبووانی بەڕێز لە ئێستادا زانکۆی پۆلیتەکنیکی ھەولێر پێکھاتووە لە حەوت کۆلێژ و شەش پەیمانگەی تەکنیکی کە پسپۆڕی و بوارەکانی تەندروستی و پزیشکی، ئەندازیاری، کشتوکاڵی و کارگێری کە ھەردوو بڕوانامەی بکالۆریۆس و دبلۆمی تەکنیکی بە دەرچووانی دەبەخشێت، ھەروەھا لە ئاستی خوێندنی باڵا قوتابیانی دبلۆمی باڵا، ماستەر و دکتۆرا درێژە بەخوێندن دەدەن لە زانکۆماندا، زانکۆمان بە توانا و لێھاتوویی نزیکەی 800 مامۆستا لە ھەڵگرانی بڕوانامەی باڵا لە پسپۆڕی جیاواز و نزیکەی دوو هەزار فەرمانبەر خزمەت بە زیاتر لە 17 ھەزار قوتابی دەکەن.

لە کۆتاییدا دەستخۆشی لە سەرۆک و ئەندامانی لیژنەی باڵا و لیژنەی زانستی و لیژنەی ئامادەکاریی کۆنفرانس دەکەم و ھیوادارم دەرەنجامەکانی کۆنفرانسەکە ببێتە ھەنگاوێک بۆ خزمەتکردنی زیاتری زانکۆمان و بەرەوپێشبردنی رەوتی زانست و ئاوەدانی لە کوردستان، دووبارە ھەموولایەکتان بەخێربێن.

 

شیاوی باسە ئەم کۆنفرانسە بۆ ماوەی دوو رۆژ بەردەوام دەبێت لە رۆژانی 23 و 24/10/2024، زیاتر لە 130 توێژەرانی دامەزراوە و رێکخراوی ئەکادیمی و زانکۆکانى (11) وڵاتى جیاوازی جیهان وەک وڵاتانی ( مصر، پاکستان، فیلیپین، ئوردن، ئەلمانیا ، سوید، استرالیا ، تونس، عیراق، سوریا ، ئەمریکا) بەشدارن، بە پێشکەش کردنی (82) توێژینەوەى زانستى لە بوارە جیاکانى ئەندازیارى کە گفتوگۆیان لەبارەوە دەکرێت و دوای هەڵسەنگاندن لە گۆڤارە ناوخۆیی و جیهانییەکان بڵاو دەکرێنەوە.

 

ڕۆژی چـوارشـەممـە 16ـی تشرینی یەکەمی 2024، پ.د.ئیدریـس محەمەد تـاهیـرهەرکی سەرۆکی زانکـۆی پـۆلیتـەکنیـکی هـەولێـر بـەیـاوەری یـاریـدەدەرانـی سـەرۆکـی زانکـۆ و بـەشێـک لـە ئـەنـدامانـی ئـەنجـومـەن و بـەڕێـوەبـەری نووسیـنگـەی سـەرۆکی زانکـۆ و بـە ئـامـادەبوونـی سـەرۆک بەشـەکـانی (ICTE و AITE) و ژمارەیـەکی بەرچـاو لـە مامـۆستـا و قـوتـابـی، چـەنـدیـن تـاقیـگـە و هـۆڵـی خـوێنـدنیـان لە کۆلێژی تەکنەلۆجی هەولێر کردەوە .

لـە ڕێـورەسمێکـدا سـەرۆکـی زانکـۆ و ڕاگـری کـۆلێـژی تەکنەلۆجی هەولێر، هەڵسـان بـە کـردنـەوەی نهـۆمـی تـازەی بەشـی (ICTE) کـە پێکـهاتـووە لـە (3) تاقیگـە، (2) هۆڵـی خـوێنـدن و (2) ژووری مـامۆستایان.

هـاوکـات لـە بـەشـی (AITE) بـە هـەمـان شێـوە، (4) تـاقـیگـە، (3) هـۆڵی خـوێنـدن، (4) ژووری مـامـۆسـتایـان و چـەنـد ژوورێـکی دیـکەی خزمـەتگـوزاری، دوای نـۆژەنکـردنـەوەیـان کـرانـەوە.

دواتر سەرۆکی زانکۆ لەگەڵ قوتابیان کۆبووە و باسی گرنگی کردنەوەی ئەم جۆرە پرۆژانەی  کرد و هەروەها و گرنگی تەکنەلۆجیای زانیاری بۆیان روون کردەوە، کە بەرێزیان تاکیدی کردوە کە دەبێت قوتابی بایەخ بە بالەخانە و ژورو و ئەو کەل و پەلانە بدات کە بۆی دابین کراوە لە لایەن زانکۆ و حکومەتی هەرێمی کوردستان، چونکە یەکێک لەو لایەنانەی کە حکومەتی هەرێمی کوردستان کابینەی نۆیەم بایەخی پێ دەدات بریتیە لە تەکنەلۆجیای زانیاری، هەر بۆیە دەبێت لەم رۆژانە کە ئێمە بەرەو هەڵبژاردن دەرۆین دەبێت دەنگ بەو لایەنە بدەین کە خزمەت بە زانست و پێشکەوتن و تەکنەلۆجیا و زانیاری دەدات.

شـایـەنی بـاسـە، ئـەم پـڕۆژانـە لـەسـەر داهـاتی زانکـۆ و بەشێـکیشـی لـەسـەر ئەرکـی وەزارەتی دارایـی حکـومـەتی هەرێـمی کـوردسـتان (کـابینـەی نۆیـەم) بـە ئـەوپەڕی پێـزانینـەوە ئـەنجـامـدراوە، خـراونــەتە خـزمـەتی قـوتـابیـان و مـامـۆسـتایـان.

 

ئەمڕۆ چوارشەممە 16ی تشرینی یەکەمی 2024، بەسەرپەرشتی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، کۆبوونەوەی ئاسایی ژمارە 2ی ئەنجومەنی زانکۆی پۆلیتەکنیکی هەولێر بۆ ساڵی خوێندنی 2024-2025 کاتژمێر 10ی بەیانی لەسەرۆکایەتی زانکۆ بەڕێوەچوو.

کۆبوونەوەکە بەئامادەبوونی یاریدەدەرانی سەرۆکی زانکۆ بۆ کاروبارەکانی کارگێڕی و دارایی، قوتابییان و بەشەناوخۆییەکان و ئەندامانی ئەنجومەن و بەڕێوەبەری نوسینگەی سەرۆکی زانکۆ بەرێوەچوو و تێیدا چەند تەوەرێکی گرنگ گفتوگۆ و بڕیاریان لەبارەوە درا.

سەرەتای کۆبونەوەکە سەرۆکی زانکۆ سوپاس و دەستخۆشی خۆی ئاراستەی ئەندامانی ئەنجومەن کرد لە پای پابەندبونیان بە دەستپێکی ساڵی نوێی خوێندنی 2024-2025 لە رێکەوتی 7/9/2024، دواتر سەرۆکی زانکۆ چەند ڕێنمایی و پێشنیارێکی ئاراستەی ئەندامانی ئەنجومەن کرد، کە تێیدا باسی لە کۆبونەوەی ئەنجومەنی کۆلێژ و پەیمانگەکان کرد، کە لەم ئەنجومەنانە ئەو بابەتانە باس دەکرێن کە لە دەرەوەی دەستەڵاتی ڕاگرن، بە هەمان شێوەی ئەنجومەنی زانکۆ کە تێیدا باس لەو بابەتانە دەکرێت کە لە دەرەوەی دەستەڵاتی سەرۆکی زانکۆن.

 

پاشان سەرۆکی زانکۆ باسی لە ئامادەکاری تەواوی بۆ ئەو قوتابیانەی کە وەردەگیرێن لە ساڵی نوێی خوێندی 2024-2025 لە کۆلێژ و پەیمانگەکانی سەر بەزانکۆمان کرد، بە دروستکردنی لێژنەی پێشوازی نەک بە تەنها لەسەر ئاستی کۆلێژ و پەیمانگاکان بەڵکو پێویست دەکات لەسەر ئاستی بەشەکانیش دروست بکرێن، تایبەت بە ڕێنمویی قوتابیانی تازە وەرگیراو، لە بەشێکیتری ئەم رێنماییانە سەرۆکی زانکۆ جەختی لە وە کردەوە کە پێویستە ڕاگر و سەرۆک بەش و مامۆستایان هاوکاربن لە پێدانی زانیاری پێویست بە قوتابیان، پاشان لە چەند تەوەرێک گفتوگۆ کران.

 

 تەوەری یەکەم بریتی بوو لە کاروباری قوتابییان هەروەها ڕێکەوتی ئاهەنگی دەرچوونی قوتابیانی کۆلێژ و پەیمانگەکانی سەر بە زانکۆمان بۆ ساڵی خوێندنی 2023-2024 دەستنیشانکرا.

لە بەشێکی تری ئەم تەوەرەدا باس لە کردنەوەی پێشانگای هەلی کار کراو رێکەوتی جێ بەجێ کردنی دیاریکرا.

لە چەند تەوەرێکیتردا باس لە کاروباری زانستی و خوێندنی باڵا، کاروباری کارگێری و دارایی و کاروباری و سەنتەری توێژینەوە کرا.

 

ئەمڕۆ دوو شەممە 14ی تشرینی یەکەمی 2024 لەسەر راسپاردەی پ.د.ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر، زانکۆمان میوانداری د.ئازاد نەجاڕ داهێنەر و شارەزای بواری تەکنەلۆجیای کرد، بۆ پێشکەشکردنی سیمینارێک لەژێر ناونیشانی ڕۆڵی کابینەی نۆیەمی حکوومەتی هەرێمی کوردستان لە بەرەوپێشبردنی تەکنەلۆجیای زانیاری.

سیمینارەکە لە هۆڵی سەنتەری رۆشنبیری زانکۆی پۆلیتەکنیکی هەولێر بە ئامادەبوونی سەرۆکی زانکۆی پۆلیتەکنیکی هەولێر، یاریدەدەری سەرۆکی زانکۆ بۆ کاروباری قوتابیان و بەشەناوخۆییەکان، ژمارەیەک لە ئەندامانی ئەنجوومەنی زانکۆ، مامۆستایان و قوتابیانی زانکۆمان و چەندین میوان بەڕێوەچوو.

د.ئازاد نەجار لە سیمینارەکەیدا باسی لە گرینگی تەکنەلۆجیا لە هەموو بوارە جیاوازەکاندا کرد، پێشخستنی تەکنەلۆجیا لە هەرێمی کوردستان گەراندەوە بۆ پەیوەندییەکی هاوبەش لە نێوان حکوومەتی هەرێمی کوردستان و زانکۆکان و بازاری کاردا، بۆ زیادکردنی بەرهەم و کەمکردنەوەی خەرجییەکان، ئەمەیشی وەک هۆکارێک بۆ بەرەوپێشبردنی هەرێمی کوردستان و برەو دان بە تواناکانی دەرچوانی زانکۆکانی کوردستان و دەسکەوتنی هەڵی کار لە بازارەکان گەڕاندەوە.

جگە لەوەش باسی لە دامەزراوەی (Kurdistan Innovation Institute ) و پلان و پڕۆژەکانی حکوومەتی هەرێمی کوردستان کرد، پشتگیری تەواوی حکوومەتی هەرێمی کوردستانی بۆ خاوەن بیرۆکەکان لە پێشخستنی تەکنەلۆجیا لە بوارە جیاوازەکان دوپاتکردەوە، ستراتیژی کارکردنی خستە ڕوو.

لە بەشێکی تری سیمینارەکەیدا ڕۆڵی کابینەی نۆیەمی حکوومەتی هەرێمی کوردستانی لە گرنگیدان بە بواری تەکنەلۆجیا و ڕۆڵی خودی سەرۆکی حکوومەت رێزدار مەسرور بارزانی لە دامەزراندنی دامەزراوەی داهێنانی کوردستان نیشاندا ، هەروەها ڕۆڵی زانکۆ لەو دامەزراوەیەدا بەشێکی تری سیمینارەکە بوو.

دواتر باسی ئەزموونی خۆی لە وڵاتی سوید کرد،ئاماژەی بە داهاتووی کوردستان کرد کە هیچی کەمتر نابێت لە وڵاتێکی وەک سوید.

لە کۆتایی سیمینارەکەدا بە وڵامدانەوەی چەند پرسیارێکی میوانان و دووپاتکردنەوەی پشگیری تەواوی سەرۆکی حکوومەتی هەرێمی کوردستان لە پێشخستنی تەکنەلۆجیا لە هەرێمی کوردستان گەیاند، دواتر سوپاسی سەرۆکی زانکۆی پۆلیتەکنیکی هەولێری کرد بۆ ئەم میوانداریە و گرنگیدانی سەرۆکی زانکۆ بۆ ئەم بابەتە بەرز نرخاند.

پاشان سەرۆکی زانکۆی پۆلیتەکنیکی هەولێڕ باسی لە گرینگی دامەزراوەی (Kurdistan Innovation Institute ) کرد، کە چۆن بیرۆکەکان سوودیان لێ دەبیندرێت بۆ کاری داهێنەرانە،و زانکۆی بەشوێنی ئەم بیرۆکە داهێنەرانە نیشاندا، دواتر پشگیری و هاوکاری زانکۆ بۆ بەجێگەیاندنی کارەکانی ئەم دامەزراوەیە ڕاگەیاند و سوپاس و دەست خۆشی خۆی لە د. ئازاد نەجاڕ کرد بۆ پێشکەشکردنی سیمینارەکەی.