Author Archives: mohammed fathulla

شاندێکی زانکۆی پۆلی تەکنیکی هەولێر لە کۆلێژی تەکنيكی تەندروستی و پزیشکی هەولێر بەشی پەلی دەستکرد و پاڵپشتەكان بە سەرپەرشتی د.زكرى عەلی عەزیز سەرۆکی بەشی ناوبراو، بەشێک قوتابیانی دەرچووی هەمان بەش لە زانکۆکەمان ئەوانیش (شهلاء عباس، محمد سليمان، فاروق خالد، محمد قاسم، و ئیوب خلیل) بەشداری لە یەکەمین کۆنفرانسی ناوچەیی عەرەبی بۆ کۆمەڵگەی نێودەوڵەتی پەلی دەستکرد و پاڵپشتەكان لە وڵاتى ئوردن دەکەن
کۆنفرانسەکە لە رۆژانی ٢-٤ی تشرینی دووەمی ٢٠٢٤ بەرێوەچو، کە لەم کۆنفرانسەدا پێنج توێژینەوە لە لایەن قوتابیانی دەرچووی زانکۆمان پێشکەشکران بە ناونیشانەکانی:

1. Comparative Analysis: Polypropylene vs. Lamination for Transtibial Socket Designs
2. Ischial Containment Versus Quadrilateral Sockets Satisfaction for Unilateral Transfemoral Amputee
3. Complications After Using Transtibial Prosthesis in Diabetic Patients
4. Operating Mechanical Terminal Device Using an Electrical Circuit Via a Myo Muscle Sensor
5. The Effect of Different Orthotic Insole Designs in Reducing the Pressure on the Plantar Surface of the Foot

 

ئەمرۆ سێ شەممە 5ی تشرینی دووەمی 2024، پ.د.ئیدریس محەمەد تاهیر هەرکی سەرۆکی زانکۆی پۆلی تەکنیکی هەولێر، پێشوازی لە شاندی باڵای زانکۆی زنتانی وڵاتی لیبیا بە سەرۆکایەتی د.محەمەد ئەحمەد ئیمبارک دقالی سەرۆکی زانکۆی ناوبراو وشاندی یاوەری کرد.

 

دیدارەکەدا بە ئامادەبوونی یاریدەدەری سەرۆکی زانکۆ بۆ کاروبارەکانی زانستی، بەرێوەبەری پەیوەندییە نێودەوڵەتیەکان و بەرێوەبەری نووسینگەی سەرۆکی زانکۆ بەرێوەچوو.

لە دیدارەکەدا گفتوگۆ کرا دەربارەی زیاتر پتەوکردنی پەیوەندییەکانی نێوان هەردوولا، بۆ ئەمەش یاداشتێکی لێکتێگەیشتن لە نێوان هەردوو زانکۆ واژووکرا.

واژووکردنی یاداشتەکە لەدرێژەی هەوڵە بەردەوامەکانی زانکۆی پۆلیتەکنیکی هەولێرە بۆ پەرەپێدان بەکاروباری زانستی و ئەکادیمی و توێژینەوە لەگەڵ زانکۆکانی ناوخۆ و دەرەوە.

 

ئەمرۆ سێ شەممە 5ی تشرینی دووەمی 2024، پ.د.ئیدریس محەمەد تاهیر هەرکی سەرۆکی زانکۆی پۆلی تەکنیکی هەولێر،بەیاوەری بەڕێوبەری نووسینگە سەردانی بەڕێوبەرایەتی تۆماری گشتی زانکۆی پۆلی تەکنیکی هەولێری کرد، لەگەڵیان کۆبویەوە بەمەستی ڕێنمایی کردنیان سەبارەت بە وەرگرتنی ئەو (8472) قوتابییەی ناویان لە کۆلیژ و پەیمانگەکانی زانکۆمان هاتۆتەوە.

دوای دەستخۆشی،ڕۆڵی تۆماری گشتی بەرز نرخاند لەکارەکانیان، سەرۆکی زانکۆ پیرۆزبایی لە قوتابیانی وەرگیراو کرد بۆ ساڵی نوێی خوێندنی 2024-2025، تۆماری گشتی ڕاسپارد کە ئامادەکاری تەواوبکەن بۆ ساڵی نوێی خوێندن هەموو کارئاسانیێک بکرێت بۆ جی بەجێکردنی و ڕایکردنی کارەکانی قوتابیان لەچوارچێوەی یاسا و ڕێنماییەکان، هەروەها داوای کرد بەپشوو درێژییەوە کاربکەن جیاوازی لەنێوان هیچ کەسێکدا نەکەن هەمووان بە یەک چاو سەیربکرێن.

جێگای ئاماژەیە دوای ڕاگەیاندنی ئەنجامەکانی زانکۆلاین لە لایەن وەزارەتی خوێندنی باڵا و توێژینەوەی زانستی لە ڕێکەوتی 3ی تشرینی دووەمی 2024،(8472) قوتابی لە زانکۆی پۆلیتەکنیکی هەولێر وەرگیراون ،شایەنی باسە ئەم ڕێژەیەی قوتابییە کە لە زانکۆکەمان وەرگیراون دابەش دەبن بەسەر (7) کۆلێژ و (6) پەیمانگەی تەکنیکی سنوری زانکۆکەمان.

 

ئەمڕۆ دوو شەممە 4ی تشرینی دووەمی 2024، بەسەرپەرشتی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، کۆبوونەوەی ئاسایی ژمارە 3ی ئەنجومەنی زانکۆی پۆلیتەکنیکی هەولێر بۆ ساڵی خوێندنی 2024-2025 لەسەرۆکایەتی زانکۆ بەڕێوەچوو.

کۆبوونەوەکە بەئامادەبوونی یاریدەدەرانی سەرۆکی زانکۆ بۆ کاروبارەکانی کارگێڕی و دارایی، زانستی و خوێندنی باڵا، قوتابییان و بەشەناوخۆییەکان و ئەندامانی ئەنجومەن بەرێوەچوو، تێیدا چەند تەوەرێکی گرنگ گفتوگۆ و بڕیاریان لەبارەوە درا.

تەوەری یەکەم بریتی بوو لە کاروباری گشتی، کە تێیدا بەدواداچوون بۆ مۆدڵ و کۆرس بووک و فیدباکی قوتابیان کرا.

تەوەری دووەم تایبەت بوو بە کاروباری قوتابیان، لەم تەوەرەشدا باس لە ئامادەکاری بۆ پێشوازی قوتابیانی تازە وەرگیراو کرا و دروستکردنی لێژنەی پێشوازی لەسەر ئاستی کۆلێژ و پەیمانگەکان دوپاتکرایەوە، هەر لەهەمان تەوەر گفتۆ گۆ دەربارەی ئاهەنگی دەچووان کرا.

لە تەوەری سێ یەم باس لە کاروباری زانستی و خوێندنی باڵا کرا.

تەوەری چوارەم کاروباری کارگێڕی و دارایی گفتوگۆیان لەبارەوە کرا.

تەوەری پێنجەم و کۆتایی پێک هاتبوو لە کاروباری سەنتەری توێژینەوە.