Author Archives: chalak moussa

راگری پەیمانگەی تەکنیکی مێرگەسۆر لەگەڵ مامۆستایان و فەرمانبەران کۆدەبێتەوەو سوپاس پێزانینیش بە مامۆستایەک دەبەخشێت

ڕۆژی سێ شەممە یەکەم هەفتەی ساڵی نوێ ی کوردی ڕێکەوتی ٢٥ی ئاداری ٢٠٢٥ ڕاگری پەیمانگەی تەکنیکی مێرگەسۆر بەرێز ( د.طالب محمدشریف عومەر ) لەگەڵ ژمارەیەک لە مامۆستایان و فەرمانبەران کۆبوویەوە.

لە دەسپێکی کۆبوونەوەکە و دوای بەخێرهاتن، ڕاگری پەیمانگە هیوای خواست ڕۆژوو و نوێژ و عیبادەتی هەموو لایەک قبول بێت دواتر ساڵی نوێ کوردی ٢٧٢٥ و ، بۆ نەکانی ئادارو نەورۆز پیرۆزکرد.

دواتر، دەست خۆشی لەگشت فەرمانبەرو مامۆستایان کرد لە پای دلسۆزی ئەنجامدانی کارەکانیان بەتایبەتی ئەو فەرمانبەرانەی کە شەورۆژیان
کردۆتە یەک بۆ راییکردنی کارەکان بە جوانترین شێوە.

دواتر راگری پەیمانگەی ئاماژەی بەوەکرد کە پێویستە ئێمە هەموو وەک یەک تیمی کارا کاربکەین بۆ ئەوەی پێکەوە باشتر خزمەتی قوتابیان بکەین و رەوشی زانست و ئەکادیمیا پێش بخەین. پاشان چەندین بڕگە و بابەت باسکران وەک پابەند بوون بە سیستەمی پەنجەمۆری دەوام وە پابەندبوون بە پڕۆسەی دڵنیایی جۆری ئەنجامدانی سمینار و وۆرکشۆپ، هەروەها خۆ ئامادەکردن بۆ ئەنجامدانی چەندین چالاکی و کۆڕبەند و کۆنفڕانسی زانستی لە داهاتوودا.

لە تەوەرێکی تری کۆبونەوەکەدا، بەرێز راگری پەیمانگە سوپاس و پێزانین بەخشیە بە (م. فەریدە علی عوسمان ) سەرۆک بەشی پێشووتری کارگێڕی کار لە پەیمانگەکەمان بە هۆی ڕاییکردنی کارەکانی بە دلسۆزی و ماندوونەناسانە کە لە ماوەی رابردودا وەک سەرۆک بەشی کارگێڕی کار لە پەیمانگەی تەکنیکی مێرگەسۆر.
ڕاگری پەیمانگە هیوای سەرکەوتنی بۆ بەڕێزیان خواست لە ئەرکە نوێیەکەی.
لای خۆشییەوە، مامۆستا فەریدە عەلی عوسمان،سوپاسی راگری پەیمانگە کرد کەلەماوەی رابردودا،هەموو پشتگیرێکی کردوەو لە ئەنجامدانی کارەکان. بەرێزیان پەیمانگەی تەکنیکی مێرگەسۆر وەک شانازییەکی گەورە بەیەکەم وێستگەی کارکردنی لە خوێندنی باڵا ناوزەندکرد. پاشان سوپاسی سەرجەم مامۆستایان و فەرمانبەران کرد کەلەماوەی رابردوودا، وەک یەک تیم دلسۆزانە کاریان کردوە.بەلێنیشیدا، هەروەک رابردوو، لە ئایندەشدا هەر بەم هاوکار دلسۆزی بمێنێتەوە.

ڕاگەیاندنی پەیمانگەی تەکنیکی مێرگەسۆر

ڕاگری پەیمانگە بە یاوەری شاندێک سەردانی بەرێوەبەرایەتی گشتی کشتوکاڵی سۆران ی کرد

ڕۆژی دووشەممە 3 ـی ئاداری 2025 بەڕێز ( د. طالب محمد شەریف عمر ) ڕاگری پەیمانگە بە یاوەری شاندێک سەردانی بەرێوەبەرایەتی گشتی کشتوکاڵی سۆران ی کرد و لە لایەن بەرێز کامەران حسێن مامەند بە گەرمی پێشوازیان لێکرا.

لە دانیشتنێکد، چەند بابەتێک لە بواری کشتوکاڵ و بەشە زانستییەکانی پەیمانگەی تەکنیکی مێرگەسۆر بەتایبەتی بەشی پەروەردەکردنی مێش هەنگ و پێشخستنی تواناکان و پەرەپێدانی هەماهنگی باشتر لە لایەن هەردوو لاوە باسیان لێوەکرا بۆ زیاتر گرینگیدان بە بواری کشتوکاڵی سود گەیان بە کۆمەلگە.

لە بەشێکی کۆبوونەوەکەدا باس لە کردنەوەی خولی تایبەت کرا بۆ جوتیاران و کامەندان بە سود وەرگتن لە توانا ئەکادیمیەکانی پەیمانگە ، هەروەها ئەنجامدانی چەند کارێکی زانستی هاوبەش لە ئایندەدا.

لە کۆتایی دا ڕاگری پەیمانگە ئامادەیی خۆی دەڕبری بۆ هەر هاریکاریەک بە سود وەرگرتن لە تواناکانی مامۆستایان و توێژەرانی.

ڕاگەیدنانی پەیمانگەی تەکنیکی مێرگەسۆر

مامۆستایەکی پەیمانگەی تەکنیکی مێرگەسۆر توێژینەوەیەکی زانستی لە گۆڤارێکی ئاستبەرزی جیهانی بڵاوکردەوە

د. طالب محەمەد شەریف راگری پەیمانگەی تەکنیکی مێرگەسۆر، توێژینەوەیەکی زانستی لە ژێرناونیشانی
(Applying communicative language teaching in speaking and listening activities in Kurdistan regional government senior high schools: Meaning-focused instructions)
لە گۆڤارێکی ئاستبەرزی جیهان بڵاو کردەوە.

توێژینەوەکە لە گۆڤاری Journal of Nusantara Studies (JONUS) بڵاوکراوەتەوە کە خاوەن فاکتەری کاریگەرە(IF) و ئیندێکس کراوە لە کلاریڤیەیت(Web of Science).

بۆ دەستراگەیشتن و بینینی توێژینەوەکە، سەردانی ئەم لینکەی خوارەوە بکە.

https://journal.unisza.edu.my/jonus/index.php/jonus/article/view/840

ستافی پەیمانگەی تەكنیكی مێرگەسۆر سەردانی مەزاری نەمران لە بارزان دەکەن

ئەمڕۆ گەلی کورد یادی 46ـەمین ساڵوەگەڕی کۆچی دوایی سەرکردەو ڕابەرێکی گەورەی دەکاتەوە کەناوی لەمێژوودا لەلوتکەدایە، ئەویش جەنەراڵ مەلا مستەفا بارزانییە.

ئەمڕۆ ستافی پەیمانگەی تەکنیکی مێرگەسۆر بە سەرۆکایەتی د. طالب محمد شریف ڕاگری پەیمانگەی تەكنیكی مێرگەسۆر و مامۆستا و فەرمانبەران و قوتابیان لە یادی کۆچی دوایی بارزانی نەمر سەردانی مەزاری نەمران لە بارزان کرد و بەڵێنی خۆیان دووپاتكردەوە بۆ رێبازی پیرۆزی بارزانی.

لەم سەردانەدا راگری پەیمانگە پەیامێكی پێشكەشكرد و گوتی، “ئێمە  وەكو ستافی پەیمانگەی تەكنێكی مێرگەسۆر لەڕێگای ناوەندە ئەكادیمیەكەمانەوە قوتابیان پێبگەیێنین  و فێریان بكەین كە وڵات نیشتمانیان خۆشبوێت لەسەر رێبازی بارزانی بەرگری لە خاك و وڵات بكەن.”

هەروەها، لە بەشێكی وتارەكەی ئاماژەی بەوەدا كە، “بارزانی نەمر باوكی نەتەوەی روحی و جەنەڕاڵی چیاكانی كوردستان كە هەموو ژیانی خۆی كردووەتە قوربانی ئازادی سەربەخۆیی كورد و كوردستان، وەكو ئەمڕۆش دەبینین لە ژێر ئاڵای كوردستان پەڕلەمان و حكومەت دام و دەزگا و دەیان زانكۆ و پەیمانگە هەنە، هەزاران قوتابی بە زمانی كوردی درێژە بەخوێندنیان دەدەن لە ژێر ئاڵای پیرۆزی كوردستان، ئەمە هەموو بەرهەم و خەباتی جەنەڕاڵ بارزانی نەمرە ئەمڕۆش كوردستان ئارامە و  لە دەستێكی ئەمیندایە ئەویش سەرۆك و مەرجەعی كوردان سەرۆك بارزانیە.”

هەروەها گوتیشی، “بارزانی نەمر سەرکردە و ئومێدی میللەتێک بوو لەوکاتەی گەلی کورد تەنها چیاکان دۆستی بوون، چرایەک بوو لە نائومێدیدا رووناکییەکەی شار بە شار و گوند بە گوندی کوردستانی گرتبووەوە.”

لەم ساڵیادە خەمگینەدا، دروود و سڵاو دەنێرین بۆ رۆحی بەرزە فڕی شەهیدانی رێی ئازادی کوردستان و پێشڕەوییان بارزانی نەمر و کاک ئیدریسی هەمیشە لە یاد، سڵاو بۆ هاوڕێ و هەڤاڵ و پێشمەرگە و شوێنکەوتووانی ئەم کاروانە نەوەستاوەی کە ئەم رێبەرە بەیداخەکەی هەڵگرت و تا ئێستا شوێنکەوتووانی بەرگری لێدەکەن، کە ئەویش رێبازی کوردستان و کوردایەتییە، کە رێبازی یان کوردستان یان نەمانە.”

لە کۆتاییشدا، تاجە گوڵینەی ستافی پەیمانگە لەلایەن راگری پەیمانگە لەسەر مەزاری نەمران دانرا.

راگەیاندنی پەیمانگەی تەکنیکی مێرگەسۆر
1ـی ئاداری 2025