ڕۆژی یەکشەممە رێکەوتی ٢٧ی نیسانی ٢٠٢٥، لەژێر چاودێری پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و بەئامادەبوونی ئەندازیار ناز جەلال بەڕێوەبەری کۆچ و کۆچبەران و وڵامدانەوەی قەیرانەکانی پارێزگای هەولێر و بەسەرپەرشتی سەرۆکی تیم و ڕاهێنەرانی تیم بە هەماهەنگی بەڕێوەبەرایەتی تەندروستی و سەلامەتی زانکۆمان، و ئامادەبوونی ژمارەیەک لە مامۆستایان، هەڵسان بە ئەنجامدانی سیمینارێک لە بواری ( فریاگوزاری سەرەتایی و کاری خۆبەخشی ) بۆ قوتابیانی کۆلێژی تەکنیکی ئەندازیاری و کۆلێژی تەکنیکی کارگێری .
هاوکات لە درێژەی کارو چالاکییەکانی تیمی وەڵامدانەوەی خێرا (RRU) سەر بە بەڕێوەبەرایەتی کۆچ و کۆچبەران و وەڵامدانەوەی قەیرانەکان لە پارێزگای هەولێر ، کەمپینی بەرزکردنەوەی ئاستی خۆڕاگری و هۆشیاری لە سەر ئاستی ماڵان REACH لەکاتی کارەساتە سرووشتییەکان بە هاوکاری زانکۆمان بەردەوامی دەبێت.
لە کۆتاییدا دەرفەت درا بە شێوەی پراکتیکی بەشداربووان بتوانن بابەتەکانی سیمینارەکە جێ بە جێ بکەن و دواتر بۆکسی فریاگوزاری سەرەتایی بەسەر بەشداربوواندا دابەشکرا.
