لە پەراوێزی کارەکانی ٥٧ هەمین خولی کۆنگرەی گشتیی یەکێتی زانکۆکانی عەرەبی کە لە زانکۆی نێودەوڵەتی کوێت لە وڵاتی کوێت بەڕێوەچوو، پ.د.ئیدریس محەمەد تاهیر هەرکی، سەرۆكی زانكۆی پۆلیتەكنیكی هەولێر لەگەڵ پ.د.بەرەکات عەوەز ئەلهدەیبان سەرۆکی دەستەی ئەمیندارانی زانکۆی نێودەوڵەتی کوێت کۆبووەوە.
لە کۆبوونەوەکەدا باس لە بەهێزکردنی پەیوەندییەکانی نێوان هەردوو زانکۆ لە بوارەکانی زانستی و کارگێری کرا، هەروەها باس لە رەخساندنی دەرفەتی مەشق و راهێنانی قوتابیان کرا و لەمبارەیەوە بڕیاردرا کە بۆ ئەمساڵ ژمارەیەک قوتابی زانکۆی نێودەوڵەتی کوێت بۆ مەشقی هاوینە سەردانی زانکۆمان بکەن.
دواتر لەلایەن پ.د.ئیدریس محەمەد تاهیر هەرکی و پ.د.بەرەکات عەوەز ئەلهدەیبان یاداشتی لێتێگەیشتن لەنێوان زانكۆی پۆلیتەكنیكی هەولێر و لە زانکۆی نێودەوڵەتی کوێت واژۆ کرا.
