Author Archives: chalak moussa

دووەمین کۆڕبەندی زانستی پەیمانگای تەکنیکی مێرگەسۆر بەڕێوەچوو

ئەمڕۆ یەکشەممە 13ی نیسانی 2025، لە پەیمانگەی تەكنیكی مێرگرسۆر، بە ئامادەبوونی دکتۆر پشتیوان سادق وەزیری ئەوقاف و کاروباری ئاینی حکومەتی هەرێمی کوردستان و ژمارەیەک مامۆستای زانکۆ و ئەکادیمست و رۆشنبیر و کەسایەتی حزبی و حکومی و قوتابیان، دووەمین کۆڕبەندی زانستی پەیمانگای تەکنیکی مێرگەسۆر، لە ژێر ناونیشانی “ڕۆڵی مێژوو، هونەر، سینەما و وەرگێران لە گواستنەوەی بەها پیرۆزەکانی کوردستان بۆ جیهان: ڕێبازی بارزان وەک نموونە” بەڕێوە چوو .

لە سەرەتای کۆڕبەندەکەدا ڕاگری پەیمانگە د. طالب محمد شریف عمر وتارێكی پێشكەشكرد، کە تیایدا وێڕای بەخێرهێنانی میوانان و ئامادەبووان، تیشکی خستە سەر رۆلی هونەر و سینەماو وەرگێران لە گواستنەوەی بەها جوان و پیرۆزەکانی کوردستان.

لەکۆڕبەندە زانستییەکەدا، چەندین فیچەر و دۆکیۆمێنتاری سەبارەت بە مێژووی بارزان و چیرۆکە نەبیستراوەکانی (ژەنەڕاڵ مستەفا بارزانی) پێشکەشکران، لەگەڵ چەند پانێڵێک لە بارەی ڕۆڵی حکومەتی هەرێم بۆ گرنگیدان و پاراستنی بەها پیرۆزەکانی نیشتمان و ڕۆڵی فیلم و هونەر و سینەما و وەرگێران لە ناساندنی مێژوو و کەلتوور و پێکەوەژیان لە کوردستان.

دواتر پانێلێك لە ژێر ناونیشانی “ڕۆڵی مێژوو، هونەر، سینەما و وەرگێران لە گواستنەوەی بەها پیرۆزەکانی کوردستان بۆ جیهان: ڕێبازی بارزان وەک نموونە” بەڕێوەچوو، بە سەرپەرشتی و بەڕێوەبردنی سەید محەمەد سەید عەبدوڵڵا، و بە بەشداری بەڕێزان پ.د. محمد کاکەسور، پ.ی. د. شوان حمدئەمین و ئاریان سەلاحەدین ئەسعەدوەک پانێڵیست.

لە کۆتایی پانێلەکەدا بروانامەی بەشداریکردن لە لایەن. پ.د.ئازاد حسن یاریدەدەری سەرۆکی زانکۆ بەخشرایە پانێلیستەکان، هەروەها قەڵغانی رێزلێنان درایە کۆمەلێک نوسەرو وەرگێڕ و سینەماکار و فۆتۆگرافەری دەڤەری بارزان کە خزمەتێکی دیارو بەرچاویان هەبووە.

شایانی باسە ئەمە دووهەمین ساڵە پەیمانگەی تەکنیکی مێرگەسۆر کۆڕبەندەکە رێکدەخات و ئامانج لەکۆڕبەندەکەی ئەم ساڵیش ناساندنی زیاتری مێژووی خەبات و قوربانیدانی نەتەوەکەمان بەگشتى و وەک نموونەش، تیشک خرایە سەر ڕێبازی بارزان وەک بەها و بنەمایەکی نەتەوەیی و کولتووری، کە بێگومان بەشێکى گرنگى شوناسی گەلی کوردە. ئێمە لە پەیمانگەی تەکنیکی مێرگەسۆر دەمانەوێ بەها و کولتووری جوانی کوردستان، بەتایبەتى بەهاکانى ژینگەدۆستی و پێکەوەژیان، بخەینە بەرچاوى هەمووان. لەم رێگەیەشەوە، ئامانجمانە ئاستی هۆشیاری تاک بە تاکی کۆمەڵگا، بە تایبەت گەنجان و قوتابییان بەرزبکەینەوە.

هەوەها گرنگە بەلامانەوە بتوانین، ئەم نەوەیە بهێنینە سەر ئەو باوەڕەى، کە بە سوودوەرگرتن لە تەکنەلۆژیای سەردەم، وەرگێران، بەرهەمی هونەری، فیلم و سینەما، بەها باڵاکانى ژینگەپارێزى و پێکەوەژیان بڵاوبکەنەوە و تاکو بەیەکەوە هەنگاو بنێین بۆ نیشتمانسازییەکى پتەو.

پەیمانگەی تەکنیکی مێرگەسۆر مەبەستیەتی بە پێشکەشکردنى قەڵغانى پێزانین، رێز لە ئەرک و ماندووبوونى ئەو مرۆڤە دڵسۆزانە بگرێت، کە بە وەرگێڕان، نووسین، مێژووى زارەکى، فۆتۆگراف و فیلمسازی، رۆڵێکى دیاریان لە گەیاندنى ئەو بەها بەرزانە بە کۆمەڵگەى کوردستان و تەنانەت دەرەوەش، گێڕاوە.

ڕاگەیاندنی پەیمانگای تەكنیكی مێرگەسۆر

خولێکی ڕاهێنانی تواناکانی کارسازی لە پەیمانگەی تەکنیکی مێرگەسۆر بەڕێوەچوو.

دوای سەرکەوتنی قوتابیانی پەیمانگەی تەکنیکی مێرگەسۆر لە پرۆگرامێکی نێودەولەتی و بەدەست هێنانی گرانتێکی بچووک خولێکی ڕاهێنانی تواناکان بۆ قوتابیانی بڕاوەی خەلاتی IREX لە پڕۆگرامی Global Solutions Sustainability Challenges لە پەیمانگەی تەکنیکی مێرگەسۆر بەڕێوەچوو

لە سەرەتای دەستپێکردنی خولەک ڕاگری پەیمانگە بەڕێز ( د. طالب محمدشەریف عومەر ) پەیامێکی پێشکەشکرد و باسی گرنگی ئەم جۆرە ڕاهێنانانەی کرد بۆ بەهێزکردنی توانا کاراماییەکان و ئامادەکردنی قوتابیان بۆ پەرەپێدانی بیرۆکەکانیان بە شێوەیەک کە لە داهاتوودا ببن بە خاوەن کار و بزنسی خۆیان.

ماوەی خولەکە دوو رۆژی خایاند لە ڕێکەوتی ٦ و ٧ / ٤ / ٢٠٢٥ کە تیایدا ٢٦ قوتابی بەشداربوون لە هەردوو بەشی پەرستاری و کارگێری کار.

رۆژی یەک شەممە ٦/٤/٢٠٢٥ یەکەم رۆژی خولەکە بوو و لەلایەن بەڕێز د. محمود باشکالی بەڕێوەچوو، وە ڕۆژی دووشەمە ٧/٤/٢٠٢٥ دووەم رۆژی خولەکە بوو کە لەلایەن بەڕێز م. سارا عبداللە بەڕێوەچوو.

ئامانجی خولەکە : پەرەپێدانی تواناکانی قوتابیان، دروستکردنی بزنسی بچووک، پەرەپێدانی چۆنیەتی بزنسی بچووک، شارەزابوونی قوتابیان بۆ بەکارهێنانی تەکنەلۆجیای سەردەم.

ڕاهێنەری بە توانا پ.ی د. مەحمود باشکالی تیشکی خستە سەر ئەوەی کە چۆن کەسێک بتوانێت ببێتە خاوەنی بزنسی خۆی و ئەو هۆکارانە چین کە وا دەکات بزنسەکە سەرکەوتوو بێت وە باسی لەوە کرد کە جیاوازی چییە لە نێوان چینی هەژار و دەوڵەمەند لە ڕووی فکرەوە.

وە راهێنەری دووەم مامۆستا سارا عبداللە باسی لە رۆلی پەیوەندی و گفتوگۆی ئەلیکترۆنی گفتوگۆ لە مێژووەوە بە ناردنی نامە نوسینی لەسەر بەرد تا ئێستا بەکارهێنانی تۆرەکانی پەیوەندی ڤایبەر و واتسئەپ و جۆرەکانی تر و پلافۆڕمەکانی وەک ئنستاگرام و فەیسبووک و لینکدئین هتد… هەروەها دروستکردنی ئیمەیلی پرۆفیشناڵ.

پەیمانگەی تەکنیکی مێرگەسۆر توانی فەندێکی بچووک بەدەست بهێنێت بۆ ئەنجامدانی ئەم چاڵاکیە زانستیە کە
لە لایەن رێکخراوی ئایرێکسی ئەمریکی کە هاوکاری دەکرێت لەلایەن JCSVEI و هەوەها بەشی کاروباری پەروەردەیی و کەلتوری وەزارەتی دەرەوەی ئەمریکا کە جێ بەجێ دەکرێت لە لایەن Aspen Institute.

خولەکە تایبەت بوویە بەو قوتابیانەی کە تا ئێستا بەشداربوون لە IREX لە پرۆگرامی Global Solutions Sustainability Challenges کە ژمارەیان ٧٨ قوتابی پەیمانگەکەمان بوون، کە خولەکە لەلایەن ڕاهێنەرانی نیودەولەتی بەڕێوەبردرا.

ڕاگەیاندنی پەیمانگەی تەکنیکی مێرگەسۆر

راگری پەیمانگەی تەکنیکی مێرگەسۆر لەگەڵ مامۆستایان و فەرمانبەران کۆدەبێتەوەو سوپاس پێزانینیش بە مامۆستایەک دەبەخشێت

ڕۆژی سێ شەممە یەکەم هەفتەی ساڵی نوێ ی کوردی ڕێکەوتی ٢٥ی ئاداری ٢٠٢٥ ڕاگری پەیمانگەی تەکنیکی مێرگەسۆر بەرێز ( د.طالب محمدشریف عومەر ) لەگەڵ ژمارەیەک لە مامۆستایان و فەرمانبەران کۆبوویەوە.

لە دەسپێکی کۆبوونەوەکە و دوای بەخێرهاتن، ڕاگری پەیمانگە هیوای خواست ڕۆژوو و نوێژ و عیبادەتی هەموو لایەک قبول بێت دواتر ساڵی نوێ کوردی ٢٧٢٥ و ، بۆ نەکانی ئادارو نەورۆز پیرۆزکرد.

دواتر، دەست خۆشی لەگشت فەرمانبەرو مامۆستایان کرد لە پای دلسۆزی ئەنجامدانی کارەکانیان بەتایبەتی ئەو فەرمانبەرانەی کە شەورۆژیان
کردۆتە یەک بۆ راییکردنی کارەکان بە جوانترین شێوە.

دواتر راگری پەیمانگەی ئاماژەی بەوەکرد کە پێویستە ئێمە هەموو وەک یەک تیمی کارا کاربکەین بۆ ئەوەی پێکەوە باشتر خزمەتی قوتابیان بکەین و رەوشی زانست و ئەکادیمیا پێش بخەین. پاشان چەندین بڕگە و بابەت باسکران وەک پابەند بوون بە سیستەمی پەنجەمۆری دەوام وە پابەندبوون بە پڕۆسەی دڵنیایی جۆری ئەنجامدانی سمینار و وۆرکشۆپ، هەروەها خۆ ئامادەکردن بۆ ئەنجامدانی چەندین چالاکی و کۆڕبەند و کۆنفڕانسی زانستی لە داهاتوودا.

لە تەوەرێکی تری کۆبونەوەکەدا، بەرێز راگری پەیمانگە سوپاس و پێزانین بەخشیە بە (م. فەریدە علی عوسمان ) سەرۆک بەشی پێشووتری کارگێڕی کار لە پەیمانگەکەمان بە هۆی ڕاییکردنی کارەکانی بە دلسۆزی و ماندوونەناسانە کە لە ماوەی رابردودا وەک سەرۆک بەشی کارگێڕی کار لە پەیمانگەی تەکنیکی مێرگەسۆر.
ڕاگری پەیمانگە هیوای سەرکەوتنی بۆ بەڕێزیان خواست لە ئەرکە نوێیەکەی.
لای خۆشییەوە، مامۆستا فەریدە عەلی عوسمان،سوپاسی راگری پەیمانگە کرد کەلەماوەی رابردودا،هەموو پشتگیرێکی کردوەو لە ئەنجامدانی کارەکان. بەرێزیان پەیمانگەی تەکنیکی مێرگەسۆر وەک شانازییەکی گەورە بەیەکەم وێستگەی کارکردنی لە خوێندنی باڵا ناوزەندکرد. پاشان سوپاسی سەرجەم مامۆستایان و فەرمانبەران کرد کەلەماوەی رابردوودا، وەک یەک تیم دلسۆزانە کاریان کردوە.بەلێنیشیدا، هەروەک رابردوو، لە ئایندەشدا هەر بەم هاوکار دلسۆزی بمێنێتەوە.

ڕاگەیاندنی پەیمانگەی تەکنیکی مێرگەسۆر

ڕاگری پەیمانگە بە یاوەری شاندێک سەردانی بەرێوەبەرایەتی گشتی کشتوکاڵی سۆران ی کرد

ڕۆژی دووشەممە 3 ـی ئاداری 2025 بەڕێز ( د. طالب محمد شەریف عمر ) ڕاگری پەیمانگە بە یاوەری شاندێک سەردانی بەرێوەبەرایەتی گشتی کشتوکاڵی سۆران ی کرد و لە لایەن بەرێز کامەران حسێن مامەند بە گەرمی پێشوازیان لێکرا.

لە دانیشتنێکد، چەند بابەتێک لە بواری کشتوکاڵ و بەشە زانستییەکانی پەیمانگەی تەکنیکی مێرگەسۆر بەتایبەتی بەشی پەروەردەکردنی مێش هەنگ و پێشخستنی تواناکان و پەرەپێدانی هەماهنگی باشتر لە لایەن هەردوو لاوە باسیان لێوەکرا بۆ زیاتر گرینگیدان بە بواری کشتوکاڵی سود گەیان بە کۆمەلگە.

لە بەشێکی کۆبوونەوەکەدا باس لە کردنەوەی خولی تایبەت کرا بۆ جوتیاران و کامەندان بە سود وەرگتن لە توانا ئەکادیمیەکانی پەیمانگە ، هەروەها ئەنجامدانی چەند کارێکی زانستی هاوبەش لە ئایندەدا.

لە کۆتایی دا ڕاگری پەیمانگە ئامادەیی خۆی دەڕبری بۆ هەر هاریکاریەک بە سود وەرگرتن لە تواناکانی مامۆستایان و توێژەرانی.

ڕاگەیدنانی پەیمانگەی تەکنیکی مێرگەسۆر