بەشی پەرستاری وەک بەشێکی زانستی پزیشکی لە زانکۆی پۆلیتەکنیکی هەولێر/ پەیمانگای تەکنیکی مێرگەسۆر لە ساڵی ٢٠٢٣ دامەزراوە. بەشی پەرستاری پابەندە بە دەستەبەرکردنی زانیاری بۆ باشترکردنی ڕاهێنان و ئامادەکردنی پەرستاران وپەروەردەکاران بۆ ئەوەی جیاوازی دروست بکەن.
بەشی پەرستاری ناوبانگێکی باشی هەیە کە پەرستارانی دەرچوو پێشەنگن لە کۆمەڵگادا و توانای بیرکردنەوەی ڕەخنەیی ئاست بەرزیان هەیە و لە هەمان کاتدا بە شێوەیەکی گشتی بە قولی گرنگی بەکۆمەڵگا و بە پیشەکەیان دەدەن.
دیدگا
پێشەنگ بوون لە خوێندن و گەیاندنی زانستی پەرستاری داهێنەرانە و پیشەییانە و پێگەیاندنی کادری تەندروستی بەتوانا لە بواری پەرستاری بە گوێرەی پێداویستیەکانی نەخۆشخانەکانی سەردەم و کەرتی تەندروستی گشتی و کەرتی تایبەت.
پەیام
پێگەیاندنی قوتابیان و کادری تەندروستی لە پسپۆڕی پەرستاری بە وانە و تەکنیکی پێشکەوتوو لە سەر بنەمای پێشکەش کردنی زانستی پەرستاری سەردەم لە ژێر رۆشنایی داواکاری و پڕکردنەوەی پێداویستی نەخۆشخانەکان بۆ ئەوەی بتوانن بە باشترین شێوە خزمەتی تەندروستی پیشکەش بە کۆمەڵگا بکەن.
پێگەیاندنی یاریدەدەری پەرستاری بەتوانا لە یارمەتیدانی پزیشکەکان و هەروەها نەخۆشخانە ناحکومییەکان کە رۆڵی کاریگەری دەبێت لە پێشخستنی کەرتی تەندروستی وسەلامەتی
سمستەری یەکەم
سمستەری دووەم
سمستەری سێیەم
سمستەری چوارەم
زانیاری پەیوەندی کردن بە بەش
ئامانجەکان:
١. پێگەیاندنی قوتابیان لە سەر بنچینەیەکی زانستی ئەکادیمی، وە هاندانیان بۆ دۆزینەوەی هەلی کار لە کەرتی تایبەت وکەرتی گشتی.
٢. ئامادەکردن و ڕاهێنانی کادری پەرستاری بە گوێرەی پێداویستی نەخۆشخانەکانی دەڤەرەکە و دەوروبەری.
٢. ئەنجامدان و بەشداری کردن لە توێژینەوەی زانستی لە بوارەکانی پەرستاری و پزیشکی و هەوڵدان بۆ دۆزینەوەی شێوازەکانی سەردەم بۆ چارەسەر کردنی نەخۆش.
٣. بنیادنانی پردی پەیوەندی نیوان نەخۆشخانەکانی کەرتی گشتی و کەرتی تایبەت، هەروەها بەهێزکردنی پەیوەندی زانستی لە نیوان نەخۆشخانەکانی ناوخۆیی و نێودەوڵەتیەکاندا.
٤. دەستەبەر کردنی ژینگەیەکی تەندروستی فێرکردن و کارکردن کە هانی رێزگرتن لێک تێگەیشتن بدات.
٥. بەکارخستنی توانای گەنجان و سوود وەرگرتن لە تواناکانیان لە ڕێگای بەرنامه‌ی پلان بۆ دارێژراو لە بوارەکانی پزیشکی و زانستی پەرستاری لە داهاتوودا.
٦. هەڵسەنگاندنی بەردەوام بۆ ناوەرۆکی وانەکان لە ڕووی زانستی و فێرکردن بە شێوەی بەردەوام بە مەبەستی زانینی ئاستی گۆنجان لە گەڵ سروشتی پراکتیکی جێبەجێکردندا.