بەشی کارگێڕی دەزگاکانی گەشتیاری

دەرچوانی ئەم بەشە دەتوانن کار بکەن لە هەردوو کەرتی تایبەت و میری لەوانە هؤتێل و مۆتێلەکان، ڕێستۆرانتەکان، کافێ و مۆڵەکان، هەوارگە گەشتیارییەکان، گشت شوێنە گەشتیارییەکان، فرۆکەخانەکان، مەرزەکان. وە تەواوی فەرمانگە حکومییەکان وەک فەرمانبەری کارگێری. دەرچوانی ئەم بەشە بەشێوەیەکی گشتی زانیارییەکی باشیان دەبێت لە هەریەک لە بوارەکانی: بەرێوەبردن بەگشتی و بەرێوەبردنی کۆمپانیا گەشتیاریەکان ، پەیوەندیە گشتیەکان، ئەتەکێت و پرۆتۆکۆل، پێشوازی، بەبازارکردن، ناساندنی بنەماکانی گەشتوگوزار، ئامر و ژمێرکاری گەشتایری، بەرێوەبردنی چێشتخانەو خواردنەوەکان، بەرێوەبردنی هۆتێل و مۆتێلەکان و پێشوازی گەشتیار.

ئەم بەشە بۆ یەکەم جار لە ساڵی خوێندنی ٢٠٠٨-٢٠٠٩ بە بڕیاری وەزارەتی خوێندنی باڵا و توێژینەوەی زانستی و سەرۆکایەتی دەستەی خوێندنی تەکنیکی کوردستان لە پەیمانگای تەکنیکی دووکانەوە گواسترایەوە بۆ پەیمانگای تەکنیکی کۆیە. وە لە هەمان ساڵدا خوێندنی بەیانیان و ئێواران لەم بەشە دەستی پێکرد و تاوەکو ئێستا بەردەوامە جگە لە دوو ساڵی خوێندنی ٢٠١٣-٢٠١٤و ٢٠١٤-٢٠١٥ کە بەهۆی کەمی ستاف بەشەکە هەڵپەسێردرا. ئامانجی ئەم بەشە پێگەیاندنی کادیری ناوەندیە بە مەبەستی خزمەتکردن و بەرێوەبردنی دام و دەزگا گەشتیاری و خزمەتگوزارییەکان لە هەردوو کەرتی حکومی و تایبەت، وە ناساندنی کەرتی گەشتیاری هەرێمی کوردستان و بەبازارکردنی ئەم کەرتە.