دەربارەی بەشی پەلى دەستکرد و پاڵپشتەكان
ئەم بەشە لە ساڵی ٢٠٢٠ لە زانکۆی پۆلیتەکنیکی هەولێرله کۆلێژی تەکنیکی تەندروستی و پزیشکی هەولێر دامەزراوە، شایەنی باسە كه ئە م ساڵ بڕوانامەی نێودەوڵەتی به دەست هێنا لەلایەن کۆمەڵگەی نێودەوڵەتی پەلى دەستکرد وپاڵپشتەكان و تاکە بەشە نەک لەسەر ئاستی هەرێمی کوردستان بەڵکو لەسەر ئاستی عێراق کە خوێندکاری دەرچووی بەکالۆریۆسی لە پسپۆرى پەلى دەستکرد وپاڵپشتەكان دا دەكات، و ئەم بەشە لەلایەن لیژنەی نێودەوڵەتی خاچی سوورەوە پاڵپشتی کراوە، و لەژێر پلانێکی هاوبەشی نێوان زانکۆ و لیژنەى ناوبراو، هەروەها (وەزارەتی خوێندنی باڵا و توێژینەوەی زانستی لە هەرێمی کوردستان وه لە عێراق، وەزارەتی تەندروستی لە هەرێمی کوردستان، وە لە عێراق). ئە م ساڵ یەکەم ١٥ خوێندکارە دەرچووی هەبوو له ساڵى٢٠٢٤. شایەنی باسە ئەوانەی وەرگیراون بۆ خوێندن لەم بەشەدا لە سەرجەم پارێزگاکانی عێراقن، و ئەمەش بۆ وەجبەی دووەمی وەرگیراو ١٥ خوێندکارە ٢٠٢٢ هەمان شت بوو و ئێستا لە قۆناغی سێیەمدان. پرۆگرامەکانی خوێندن و وۆرک شۆپ و ڕاهێنانى کلینیکی ئەم بەشە بە شێوەیەک داڕێژراون کە لەگەڵ ستانداردە نێودەوڵەتییەکان بگونجێت و ئەمەش لە ڕێگەی سەرپەرشتی لیژنەی نێودەوڵەتی خاچی سوور و هەماهەنگی نێوان زانکۆی پۆلیتەکنیکی تەکنیکی هەولێر و دامەزراوەی پەروەردەیی ئەڵمانی هيومان ستدى.
.
دیدگا
ئاماده‌كردنى ته‌كنیكارى خاوه‌ن بروانامه‌ى به‌كه‌لۆریۆس له رێگه‌ى كۆرسى تایبه‌تمه‌ند و یاریده‌ده‌ر له ماوه‌ى چوار سالى ئه‌كادیمى بۆ ئه‌وه‌ى بتوانن به ناونیشانى ته‌كنیكارى ته‌ندروستى په‌لى ده‌ست كرد و پالپشته‌كان كاربكه‌ن .
ئەرک
– به‌ره‌و پێش بردنى دروستكردنى په‌لى ده‌ست كرد وراگره‌كان بۆ خزمه‌تى زیاتر به تاك و كۆمه‌لگه.
– پرۆگرامى خوێندن و كۆرسه‌كان رێنمایى قوتابى ده‌كه‌ن بۆ به‌رزكردنه‌وه‌ى ئاستى ته‌كنیكى ئه‌و بواره له ده‌زگا ته‌ندروستیه حكومى و ناحكومیه‌كان.
– جێبه‌جێكردنى هه‌نگاوه‌كانی چاره‌سه‌ر بۆ حاله‌ته‌كانی كه‌م ئه‌ندامی جه‌سته‌یى و پێشه‌یى ده‌رئه‌نجامى نه‌خوشى یان له‌ده‌ست دانى په‌له‌كان به هه‌ر هوكاره‌ك بێت .
– تواناى دانانی به‌رنامه‌ى چاره‌سه‌ر بۆ ئه‌و كه‌سانه‌ى كه پیوستیان هه‌یه به په‌لى ده‌ست كرد یان پالپشت هه‌ر له سه‌رتاى ده‌ستنیشان كردنى جۆره‌كه‌ى, د یزاین كردنى, ده‌انانى و چاودێرى ڕیژه‌ى سوودمه‌نبوون .
