دوای ئەوەی زانکۆی پۆلیتەکنیکی هەولێر وەک تاکە زانکۆ لەسەر ئاستی هەرێمی کوردستان و عێراق، فەندێکی بەدەست هێنا لە چوارچێوەی پرۆگرامی نێودەوڵەتی (ئیراسموس پڵەس) کە لە لایەن یەکێتی ئەوروپاوە پاڵپشتی دارایی دەکرێت، یەکەمین کۆبوونەوەی دەستپێکی پرۆژەی کامپ پڵەس لە رۆژانی 10 و 11ـی شوباتی 2022 بەرێوەچوو بە ئامادەبوونی سەرجەم هاوبەشەکان لە پرۆژەکە، نوێنەرانی زانکۆی پۆلیتەکنیکی هەولێر ی. سەرۆکی زانکۆ بۆ کاروباری زانستی د. نجیب تۆما، د. عبدالله عمر یاسین رووبەروو لە فەرەنسا هەروەها بەڕێوەبەری ئۆفیسی پەیوەندییە نێودەوڵەتییەکان د. رەنج سیروان، د. سەلار عثمان بەشێوەی ئۆنلاین بەشداربوون.
لە کۆبوونەوەکەدا پلانی پوخت دانرا بۆ ماوەی سێ ساڵ لە ساڵی 2021 تاکو 2024 کە خۆی دەبینێتەوە لە بەهێزکردنی توناکانی ئاوارە و پەنابەرەکان بۆ تێکەڵ بوونەوەیان لەگەڵ کۆمەڵگە و بەهێزکردنی کەسایەتییان بۆ ئەوەی لە داهاتوودا چانسی بەدەستخستنی هەلی کاریان زیاتر بێت.
هەروەها لە کۆبوونەوەکاندا جەخت کرایەوە لەسەر دروست کردنی وێبسایتی تایبەت بە پرۆژەکە و بەردەوامیدان بە کۆبوونەوەکان بە شێوەی مانگانە بۆ بەدواداچوونی بەرێوەچوونی پرۆژەکە و دەستنیشانکردنی بەرێوبەری پرۆژەکە لە لایەن هەر هاوبەشێکەوە.
هەروەها بریارە خولی راهێنانی راهێنەرەکان (تی ئۆ تی) لە وڵاتی ئیتاڵیا بەرێوەبچن(لە داهاتوودا بریار لەسەر شێوازی بەرێوەچوونیان دەدرێت کە بە شێوەی ئۆنلاین دەبێت یاخود راستەوخۆ) بەبەشداری 15 ستاف لە زانکۆی پۆلیتەکنیکی هەولێر و دامەزراوەکانی وڵاتی ئیتاڵیا و یۆنان بۆ هەریەکێکیان 5 راهێنەر و لە داهاتوودا دەبن بە راهێنەر و لە کامپەکان دەست بەکار دەبن
لە کاتی بەرێوەچوونی پرۆژەکە هەڵسەنگاندنی بۆ دەکرێت لە ناوخۆ و هەروەها لە دەرەوەش یەکێتی ئەوروپا لە کۆتایی پرۆژەکە هەڵسەنگاندنی بۆ دەکات
