زانکۆی پۆلیتەکنیکی هەولێر ئاگاداری گشت ئەو فێرخوازانە دەکاتەوە کە دەرچووی پەیمانگە تەکنیکیەکانن و دەیانەوێت درێژە بەخوێندن بدەن لە زانکۆکەمان بەشێوەی سیستەمی پۆلیتەکنیك لە رۆژی چوارشەمە 12/8/2020 پڕۆسەی پێشکەش کردن دەست پێدەکات تا وەکو ڕۆژی 2/9/2020 بەردەوام دەبێت
بۆ زانیاری زیاتر و پڕکردنەوەی فۆرمی پێشکەش کردن لــێــــرە کلیک بکە.
بەپێی گشتاندنی ژمارە 126ـی نوسینگەی یاریدەدەری سەرۆکی زانکۆ بۆ کاروباری زانستی کە لە 30ـی تەمووزی 2020 ئاراستەی کۆلێژ و پەیمانگەتەکنیکییەکان کراوە دوا کات بۆ وەرگرتنی ڕاپۆرتی هەڵسەنگاندنی کۆتایی تایبەت بە قوتابیانی خولی دووەم ڕۆژی پێنج شەمە رێککەوتی 20/8/2020 دەبێت.
زانکۆی پۆلیتەکنیکی هەولێر لەسەر ئاستی گشت زانکۆکانی هەرێمی کوردستان هاتە ریزبەندی پێنجەم لە رووی سایتەیشنەوە.
دوای راگەیاندنی ئەنجامەکانی وێبسایتی وێبۆ ماتریکس زانکۆمان بە کۆکردنەوەی 1926 سایتەیشن کە لەسەر کۆمەڵێک مەرجی شەفاف و دادپەروەرانە دیاریکراوە هاتە رێزبەندی پێنجەم بەمەش سەرکەوتنێکی دیکەی تۆمار کرد.
بەم بۆنەیەوە سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی پیرۆزبایی خۆی ئاراستەی سەرجەم مامۆستایان و ستافی زانکۆ کرد و وتی: ئەم پێشکەوتنە بەرچاوە بەری رەنج و ماندووبوونی هەمووانە ، دەستخۆشی لە مامۆستایان و توێژەرانی زانکۆ دەکەین و هیوای سەرکەوتن و بەردەوامیان بۆ دەخوازین لە ئەنجامدان و بڵاوکردنەوەی توێژینەوە زانستییەکانیان .
سەرۆکی زانکۆ وتیشی : ئەم سەرکەوتنانە وامان لێدەکات لە داهاتوودا خۆمان باشتر ئامادە بکەین و کاری باشتر ئەنجام بدەین بۆ پێشکەوتنی زیاتری زانکۆکەمان.
شایانی باسە رێزبەندییەکە پشت بە کۆمەڵێک مەرج و پێودانگ دەبەستێت وەک دانانی ئیمەیڵی زانکۆیی توێژەر لە پرۆفایلی گۆگڵ سکۆڵەر ،لادانی سایتەیشنی ئەو توێژەرانەی کە لە یاسای سایتەیشن دەرچوون و
Outlier
یان هەیە، و لە پرۆفایلی دووبارە تەنها یەکێکیان هەژمار دەکات.
لە درێژەی کار و چالاکییەکانیدا سەنتەری زمانی زانکۆی پۆلیتەکنیکی هەولێر هەڵدەستێت بە کردنەوەی خولێکی بەهێزکردنی زمانی ئینگلیزی بە شێوازی ئۆنلاین بۆخوازیارانی زمانی ئینگلیزی لە ماوەی پشووی هاوینە.
*خولە بۆ ماوەی دوو مانگ دەبێت*
*هەفتانە سێ رۆژ وانە دەخوێندرێت بۆ ماوەی دوو کاتژمێر لە کاتژمێر 10 بۆ 12 ی نیوەڕۆ*
*خولەکە لەلایەن مامۆستای پسپۆر دەوترێتەوە*
*بڕوانامەی بەشداریکردن دەدرێت بە بەشداربووان دوای تەواوکردنی خولەکە*
*نرخی به‌شدار بوونی خول 100000 هه‌زار دینار ده‌بێت وه بۆ فه‌رمانبه‌رانی زانكۆی پۆڵیته‌كنیكی هه‌ولێر 50% داشكاندن ده‌كرێت.
بۆ خۆتۆمار کردن کلیک لـــێـــرە بکە.