Daily Archives: ته‌مموز 5, 2022

شاندێکی زانکۆی پۆلیتەکنیکی هەولێر سەردانی زانکۆی پۆلیتەکنیکی دهۆک دەکەن

رۆژی دووشەمە رێکەوتی 4ـی تەمموزی 2022 شاندێکی زانکۆی پۆلیتەکنیکی هەولێر بە سەرۆکایەتی یاریدەدەری سەرۆکی زانکۆ بۆ کاروباری زانستی د. نجیب تۆما سەردانی زانکۆی پۆلیتەکنیکی دهۆکیان کرد و لە لایەن سەرۆکی زانکۆی پۆلیتەکنیکی دهۆک پ.د. ئاری عادل پێشوازییان لێکرا.

لە دیدارێکدا لە هۆڵی کۆبوونەوەکانی زانکۆی ناوبراو گفتوگۆ کرا دەربارەی کۆبوونەوەکانی پێشووی تایبەت بە کۆنفرانسی زانستی نێوان زانکۆکانی پۆلیتەکنیکی هەولێر و دهۆک و (یو تی ئێچ ئێم)ـی مالیزی، هەروەها باس لە چەند خاڵێکی گرنگ کرا دەربارەی ناوەرۆکی کۆنفرانسەکە.

شیاوی باسە کۆنفرانسە هاوبەشەکە تایبەتە بە پسپۆڕیی زانستە مرۆڤایەتییەکان کە چەند بوارێک لە خۆی دەگرێت وەک: کارگێڕی، ژمێریاری، ئابووری، یاسایی، رۆژنامەگەری و زانستی دارایی و بانک. بڕیارە لە 20ـی ئەم مانگە ماڵپەڕی ئەلیکترۆنی تایبەت بە کۆنفرانس بکەوێتە کار و لەڕێگەیەوە توێژەران پەیپەر و توێژینەوەکانیان پێشکەش بکەن.